Yeshaya 8:19 - MUKANDA WA MYIDI MUKULU

¹⁹ Bantu bakuabu badi bamba ne: “Nukonke bakishi malu, bualu badi batumanyisha malu adi kaayi manji kuenzeka. Nukonke bena mbuku, bakuambile malu ku ditshi. Bualu tshisamba tshionsu tshidi tshikonka mvidie yatshi, tshikonka bakishi buakulongolola malu a bantu badi panu.” Padibu bakuambila nanku,

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Hanuambila bantu ne, Nukebe lungenyi kudi bena lubuku lua muzangu ne kudi bena muhongo badi bakula bu biambi ne badi banungana, bualu kabuena bukuata bantu bua kukeba lungenyi kudi Nzambi wabo, anyi? Bua kukuatshisha badi ne muoyo, budibo nʼabu mbua kuya kudi bafue, anyi?

Yeshaya 8:19 交叉引用

1 Kulondolola 10:13

Shawule uvua mufue bualu uvua mutombokele Maweja-Nangila. Uvua mubenge diyi diende. Uvua muye kutempa, bua mikishi imuambile malu avuaye uyikonka,

Lewitiki 20:6

“Padi muntu ubukisha lubuku lua mishindu yonsu, bua kumvua mudi bakishi bamba, udi mufuanangane ne muntu udi utendelela mvidie. Nanku nemmunyoke, mmuipate munkatshi mua bena Izrayele.

2 Kulondolola 33:6

Uvua mulambule ne bana bende ba balume bu mulambu mu tshibandabanda tshia Inome. Uvua wenza majimbu a mishindu mishilangane, ubuka lubuku lua muzangu. Nanku, Menashe uvua wenza amu kuenza malu adi Maweja-Nangila mubenge, umufikisha munda.

Misambu 106:28

Kudilamikabu kudi mvidie Baale ku Peyore, kudiabu milambu milambula bafue.

Lewitiki 19:31

“Kanubuelakanyi ne bantu badi babuka bua kumvua tshidi bakishi bamba. Nuenu benze nanku, nenupie mikiya. Bualu meme ndi Maweja-Nangila Mvidi Mukulu wenu.

Yeshaya 29:4

Neupone panshi mu buloba. Diyi diebe nediumvuike, bu didi difumina muinshi mua buloba, dipitshila mu lupuishi. Nedikale bu diyi ditekete dia mukishi, didi difuma mu kandondu ka buloba.

Yeshaya 19:3

Bena Ejipitu nebapange tshia kuenza. Nennyangakaje bidibu balongolole. Nenku nebakonke mvidie yabu ya dishima, nebaye kudi babukishi ba mbuku, ne kudi bena lubuku lua muzangu.”

1 Samuele 28:8

Shawule kuvualaye bilamba bia patupu bua kabamumanyi to. Kuyaye ku Endore ne bantu babidi. Kufikaye ku nzubu kua mukaji awu butuku, umuambila ne: — Ndi musue, ukonkeku mukishi bualu buanyi. Umbikidileku mukishi undi nkuambila.

Dielulula 18:11

nansha kubuka, nansha kuyukila ne bakishi bua kumvua tshidibu bamba.

Yirmeya 10:10

Kadi, Maweja-Nangila udi Mvidi Mukulu mulelela. Udi Mvidi Mukulu wa muoyi ne mukalenga wa kashidi. Padiye ne tshiji, buloba budi buzakala. Padiye mufike munda, bisamba bia bantu kabiena mua kumutuila nkanana.

2 Bakalenga 21:6

Kufikaye ne ku dilambula muanende wa balume bu mulambu wa kuosha. Kuenzaye majimbu a mishindu mishilangane, kubukaye lubuku lua muzangu. Nanku, Menashe uvua wenza anu malu adi Maweja-Nangila mubenge, umufikisha munda.

2 Bakalenga 1:3

Kadi, mutumibue wa Maweja-Nangila kuya kuambila muambi Eliya, muena Tishebe, ne: — Juka uye kusambakena ne bantu badi mukalenga Akaziya wa mu Samariya mutume, ubakonke ne: “Mu ditunga dia bena Izrayele kamuena Mvidi Mukulu anyi? Nudi nuya kukonka anu mvidie Baale Zebube, udi mu Ekrone bua tshinyi?”

2 Bakalenga 23:24

Yoshiya kuipata bantu bonsu bavua bakonka bakishi malu ba mu Yerushalayime ne mu ditunga dia Yuda, bua kukumbaja malu, adibu bafunde mu mukanda wa mikenji, uvua Ilkiya, mutuangaji munene, muangule mu nzubu wa Mvidi Mukulu. Kunyangakajaye mpingu ne bintu bikuabu bionsu bivua bantu ba mu bisamba bikuabu batendelela.

1 Samuele 28:16

Mukishi wa Samuwele kukonka Shawule ne: — Udi unkonka meme tshia kuenza bua tshinyi? Udi mumone ne: Maweja-Nangila mmumane kukubenga mmushale muluishi webe.

2 Petro 2:1

Ku kale bambi ba dishima bavua bapatuke munkatshi mua bantu. Ke muapatuka kabidi balongeshi ba dishima munkatshi muenu. Nebatangalaje malongesha a dishima adi atukebela bipupu. Nebabenge Mfumu uvua mubasungidile. Nanku nebadikebele diakamue kabutu.

1 Samuele 28:11

Mukaji kukonka Shawule ne: — Udi musue nkubikidile mukishi wa nganyi? Shawule kuandamuna ne: — Umbikidile mukishi wa Samuwele.

1 Tesalonike 1:9

Bonsu badi balonda munuvua batuakidile bimpe patuvua bafike kuenu, munuvua babenge mvidie, bapingane kudi Mvidi Mukulu wa muoyi ne mulelela, bua kumukuatshila mudimu.

Bienzedi 16:16

Dituku dikuabu tuvua tuya muaba uvua bantu batendelela. Tuetu kusambakena ne mukaji mupika, muikale ne mukishi mubi uvua umusaka bua kuambila bantu malu adi ne bua kuenzeka. Uvua upetesha bamfumu bende lupetu lua bungi ku mudimu awu.

Genese 41:24

Miepu ivua mifubidile ayi, kuminayi miepu muanda mutekete ivua ne mubidi muimpe. Nkadi mumane kuawila bena majimbu ndota ayi. Kabena banjinguluila to.

Yeshaya 26:14

Bamfumu betu ba kale bakadi bamane kufua, kabena bapeta muoyi kabidi to. Badi amu bu mundidimbi, kabena bajuuka kabidi to. Bushuwa, wewe ke uvua ubanyoka, ubabutula. Muntu nansha umue kena mua kubavuluka kabidi to.

Yeshaya 30:2

Nudi nuya ku Ejipitu, kadi kanuena nunkonka lungenyi. Nudi nukeba bua mukalenga wa bena Ejipitu anuambuluishe. Nudi nukeba tshisokomenu, kadi amu mu ditunga dia Ejipitu!

Yeshaya 45:11

Maweja-Nangila wa tshijila wa bena Izrayele, udi muenze muntu, udi unukonka mpindiewu ne: “Nuenu nudi mua kungela nkonku, pa malu adi atangila bana banyi anyi? Nuenu nudi mua kumfundila tshindi ne bua kuenza anyi?

Yeshaya 47:12

Wewe tungunuka ne mbuku yebe, enza anu malu ebe onsu a majimbu. Ke biuvua mulonge bikole, pautshivua muana. Bumue nebikuambuluishe! Bumue nebipate baluishi bebe!

Yeshaya 47:13

Udi upungila patupu, kuyi upeta tshintu, ukonka badi bamanye malu a mitotu. Bantu aba badi bakosolola diulu mu bitupa, bajoja mabulunge, bamanyisha ku ngondu ku ngondu bidi mua kukukuata, bamueneke, badileje tumone, bavue kukusungidila!

Yirmeya 27:9

Nanku, nuenu kanuteleji bambi benu to. Kanuteleji batshidi banuambila malu adi kumpala, banudinga ne: ke atuvua bamone mu ndota, mu mbuku, ne mu majimbu. Bualu bonsu badi banuambila ne: Kanuitabi ku diyi dia mukalenga wa Babilone.

Mika 5:12

Nengupule mvidie yenu panshi, ne bibumba bia mabue binudi bibake. Kanuakutendelela kabidi bintu binudi badienzela nkayenu.

Dielulula 18:10

Muntu nansha umue wa kunudi, kena mua kuosha muanende wa balume nansha wa bakaji bua kumulambula. Kabidi muntu kena mua kuenza majimbu, kutempa, nansha kulowa bantu,

1 Samuele 28:7

Ke Shawule kutumina balombodi ba bena mvita bende diyi ne: — Nunkebele mukaji udi mumanye mua kukonka bakishi malu, bua meme kuya kubuka kudiye. Kumuandamunabu ne: — Mukaji muena lubuku udi ku Endore.