Yeshaya 8:15 - MUKANDA WA MYIDI MUKULU

¹⁵ Bantu ba bungi nebatuute dikasa ku dibue, badishinde, batshibuke nyima. Bantu ba bungi nebabakuate mu buteyi emu, kabayi mua kusulukamu to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Ba bungi ba munkatshi muabo nebalenduke; nebadishinde hanshi, nebatshibuke; nebakuatshibue mu buteyi, nebanyengibue.

Yeshaya 8:15 交叉引用

Matayi 21:44

Muntu wadishinda pa dibue edi, neatshibukilepu. Kadi pikala dibue diponena muntu, nedimuvingutule.]

Yeshaya 28:13

Ke mudi Maweja-Nangila musue kunuambila amu ne: “B-A-BA, B-A-BA, B-E-BE, B-E-BE, ku dileta ku dileta, ku muaku ku muaku.” Nenku nenunyeme, nudishinda, nutshibuka nyima. Nenubuele mu nzubu wa lukanu, nupanga mua kupatukamu.

1 Korente 1:23

Kadi tuetu tudi tukobola Kristu uvuabu bapopele pa mutshi mutshiamakane. Bena Yuda badi bakamba ne: nudi nusendeka Mvidi Mukulu. Badi kabayi bena Yuda badi bakamba ne: nudi nulongesha malu a bupale.

Rome 9:32

Bua tshinyi? Bualu kabavua bakeba kulengelela Mvidi Mukulu ku dimuitaba nansha. Bayua bela meji a kumulengelelaku midimu ivuabu benze. Nanku bavua batuute dikasa ku “dibue didi ditetula bantu,”

Yowanane 6:66

Biangatshile ku diba adi, bantu ba bungi kumbukabu kudiye. Kabavua bamulonda kabidi to.

Matayi 15:14

Balekelayi! Bampofu, badi balombola bampofu! Kadi padi mpofu ulombola mpofu nende mu njila, bonsu babidi nebadishinde mu tshiina.

Matayi 11:6

Muena diakalenga ngudi ungitaba, kayi unwila.

Yeshaya 59:10

Tudi tuenda tutetuka, bu mpofu udi wenda ulonda tshimana. Tudi tububuta bu muntu, udi kayi umona kudiye uya. Munda munya tudi tutetuka, bu badi benda mu njila munda nkulu. Tudi ne bukole bua mubidi, kadi tukadi bu bantu bafue.

Yeshaya 7:22

Kadi nyama ayi neimupetele mabele makumbane, bua bamone mua kunua mabele. Nanku bonsu badi bashala ne muoyi mu ditunga, nebanue mabele, badie ne buitshi.

Yeshaya 28:16

Kadi umvuayi mudi Maweja-Nangila Mvidi Mukulu wamba: “Ndi nteka dibue dia tshitaku mu Siyone, dibue dia kunuteta nadi, dibue dia mushinga dia mu ditumba, didibu kabayi mua kunyungisha. Pa dibue edi mpafunde ne: muntu yonsu udi utekemena kundi, kena unyunga to.

Yirmeya 6:21

Nanku, Maweja-Nangila udi wamba ne: Nenteye bantu aba mu njila, bua badishinde bonsu, batatu, bana babu, bena mutumba ne balunda babu. Nebabutuke bonsu.