Biblia Todo Logo
在线圣经

- 广告 -




Yeshaya 66:4 - MUKANDA WA MYIDI MUKULU

4 Meme kabidi nensanke padibu bakenga. Nembatumine makenga onsu, adibu batshina. Bualu ndi muele lubila, kadi muntu nansha umue kena mungitabe. Meme kubambila malu, kadi kabavua bateleja. Bavua benza amu bindi mubenge. Bavua basungula amu bidi kabiyi binsankisha.”

参见章节 复制

Mukanda wa Nzambi Dihungila Dikulukulu ne Dihungila Dihia-dihia 2003

4 Meme kabidi nembasunguile malu adi abatatshisha, nembavuishile malu adi abakuatshisha buowa; bualu bua, hanakababikila, kakuakadi umue wabo wakitaba; hanakakula, kabakateleja matshu abo; kadi bakenza malu akadi mabi ku mesu kuanyi, bakadisunguila malu akadi kâyi ansankisha.

参见章节 复制




Yeshaya 66:4
24 交叉引用  

Nanku ndi munusunguile lufu lua tshinyangu. Nenufue bonsu binu panshi, bua banukose mitu. Bualu, mvua munubikile, kadi nuenu nansha kuitaba. Mvua munuambile malu, kadi nuenu nansha kunteleja. Nutu nuenza amu bindi mubenge. Nudi nusungula amu bidi kabiyi mua kunsankisha.


Nanku, Maweja-Nangila udi wamba ne: Nudi benze bibi mushindu umue ne bena mu Shilo. Ndi munubele misangu ne misangu, kanuyi nunteleja to. Meme kunubikila, nuenu kubenga kuitaba.


Tshidi bantu babi batshina tshidi tshibatulukila. Tshidi bantu bakane bajinga badi batshipeta.


Kadi pandi nnubikila, nudi nubenga kufika kundi. Ndi nnuoluela tshianza bua kunuambuluisha, kadi kanuena basue nansha kuntangila.


Kufikaye ne ku dilambula muanende wa balume bu mulambu wa kuosha. Kuenzaye majimbu a mishindu mishilangane, kubukaye lubuku lua muzangu. Nanku, Menashe uvua wenza anu malu adi Maweja-Nangila mubenge, umufikisha munda.


Menashe kuenza malu avua Maweja-Nangila mubenge, kuenza ne malu mabi onsu a bantu ba bisamba bikuabu, bavua Maweja-Nangila muipate bua kushilabu bena Izrayele ditunga.


Kadi bantu banyi, kabena bumvua diyi dianyi, bena Izrayele badi bambenga.


Bualu baKristu ba dishima ne bambi ba dishima nebamueneke. Nebenze bishima binene, ne malu a dikema, bifuane mua kudinga bantu mene badi Mvidi Mukulu musungule, bu biobi mua kuenzeka.


Ke bantu badi bamfikisha tshiji misangu yonsu ku mesu a bantu. Badi balambula milambu mu mpangu yabu, boshila mvidie yabu ya tshianana manananshi pa bilambuilu bia tushole.


Pamvua mufike bua kunusungidila, tshivua musangane muntu bua tshinyi? Pamvua mubabikile, kabavua bangandamune bua tshinyi? Maboku anyi mmatambe buipi anyi? Tshiena ne mushindu wa kunuambuluisha anyi? Ndi mupange dikanda bua kunusungidila anyi? Kadi vulukayi ne: meme muakule amu muaku umue, ndi ngumisha mayi manene, ndi ngandamuna misulu yenza tshipela. Nenku, mishipa neipange mayi, neifue nyota, neituadije kubola.


Bena Izrayele kabawa bitaba bionsu bivua Samuwele ubambila abi to. Kumuandamunabu ne: — Nansha wewe muambe nanku, tudi basue anu mukalenga,


Nudi nunyema lubilu, bua kuya kuenza malu mabi. Nudi nuambuluja makasa, bua kushipa badi kabayi ne bualu. Meji anudi nuela adi amu a kuenzela bakuabu bibi. Mu njila yenu nudi numiamina tshimvundu ne kabutu.


Meme Maweja-Nangila ndi ngamba ne: ndi ntangila malu mabi avuabu benze, ne avua bankambua babu benze kabidi. Bobu aba bavua boshila mvidie yabu ya dishima manananshi pa mikuna minene. Bavua bankeba tshiji pa mikuna mikese. Nenku, nembanyoke amu kubanyoka, bilondeshile malu abu mabi onsu avuabu benze kale.


Maweja-Nangila udi wamba ne: Ndi mubenge buenzavi bonsu bua bena Yuda. Mbateke mpingu yabu mibi indi mbenga mu nzubu wanyi wa tshijila, bua nzubu awu ikale ne mikiya.


Yirmeya kuamba kabidi ne: — Ke padi Maweja-Nangila wa bukole buonsu, Mvidi Mukulu wa Izrayele wamba ne: “Nuenu bena Yuda ne bena Yerushalayime, nennutumine makenga onsu amvua mudianze kunumanyisha. Bualu mvua munubele, kadi kanuvua banteleje. Mvua munubikile, kadi kanuvua bitabe to.”


Nudi nutshina mvita! Nanku meme Maweja-Nangila Mvidi Mukulu ndi nnujadikila ne: nennutumine mvita!


Ubambile bindi meme Maweja-Nangila Mvidi Mukulu mbamanyisha ne: “Padi muena Izrayele udi mutekemene amu kudi mvidie yende idi imufikisha ku bubi, ufika bua kumonangana ne muambi, kumukonka malu, meme Maweja-Nangila nemmuandamune, bilondeshile bungi bua mvidie idi muena Izrayele awu utendelela.


Meme kubapesha kabidi mikenji, kadi kayivua mibenzele bimpe to. Mvua mubapeshe meyi avua kaayi abapesha muoyi.


Eyowa, bulelela kabuena bumueneka kabidi to. Muntu udi musue kushala wa muoyi mulenga, badi bamuiba bionsu bidiye nabi. Maweja-Nangila mmumone bionsu bidi bienzeka. Kena wanyisha bua bantu badiatakaje buakane.


Meme mvua muoluele bantu bavua bantombokela bianza. Bantu aba bavua balonda njila mubi, uvuabu badisunguile.


跟着我们:

广告


广告