Yeshaya 66:14 - MUKANDA WA MYIDI MUKULU

¹⁴ Bushuwa, nenumone bionsu abi. Diba adi nenusanke. Bukole nebupingane mu mifuba yenu, mudi bisosa bipeta muoyi mu mvula mbedi.” Maweja-Nangila nealeje bantu bende mudiye ne bukole. Kadi nealeje baluishi bende tshiji tshidiye natshi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nenumone malu â, ne mitshima yenu neyisanke; mifuba yenu neyidiunde bimpe bu mashinde a lutende. Bukole hua tshianza tshia Yehowa nebumanyibue kudi bantu bandi, ne tshiji tshiandi netshikale kudi badi nʼandi lukuna.

Yeshaya 66:14 交叉引用

Zekâya 10:7

Bena Efrayime nebikale bakole, bu bena mvita ba bukitu. Nebasanke bu bantu bamane kunua maluvu. Pamona bana babu bidi bienzeke ebi, nebasanke. Nebumvue musangelu munda muabu, bua bidi Maweja-Nangila muenze.

Ezela 8:31

Mu matuku dikumi ne abidi a ngondu wa kumpala, tuetu kumuka ku mukidi wa Akava, bua kuya mu Yerushalayime. Mu luendu alu, Mvidi Mukulu wetu uvua molole tshianza tshiende, bua kutulama ku baluishi ne bena buivi, bua kabatutatshishi.

Ezela 8:22

Tshivua musue kulomba mukalenga munene, bua atupeshe bena mvita ne babandi ba pa nyama ya tubalu, bua batalame mu njila, bua baluishi betu kabatatatshishi. Bualu tavua bamujadikile ne: Mvidi Mukulu udi ulama bonsu badi bamuitaba. Kadi bonsu badi bamubenga, udi ubafikila munda bikole.

Ezela 7:9

Ezra kumuka mu Babilone dituku dia kumpala dia ngondu wa kumpala. Kufikaye nabu mu Yerushalayime dituku dia kumpala dia ngondu muitanu, bualu Mvidi Mukulu wende uvua mumulame.

Nsumuinu 17:22

Disanka didi dijikija disama dia muntu. Kadi dibungama didi dikepesha bukole bua mubidi.

Nsumuinu 3:8

Ke buanga budi buondapa mubidi webe mujima. Nebukepeshe ntatu yebe.

Ebrewu 10:27

Diba adi tshitudi mua kuenza kabidi ntshinyi? Amu kuindila ne bowa malu atshidi kumpala, momumue ne: Dikosa dia nsambu, ne kapia kakole kadi ne bua kubutula baluishi ba Mvidi Mukulu.

Yowanane 16:22

Ke munudi nubungama nuenu kabidi mpindiewu. Kadi nennumone tshiakabidi. Muoyi wenu neusanke. Kakuakuila muntu nansha umue udi mua kununyenga disanka dienu.

Malaki 3:18

Pashishe nenumone dishilangana didi pankatshi pa bantu bimpe ne bantu babi, pankatshi pa badi benzela Mvidi Mukulu mudimu ne badi kabayi bamuenzela mudimu.

Yeshaya 66:5

Nuenu badi bateleja diyi dia Maweja-Nangila ne luzakalu, bamuitaba, umvuayi tshidiye unuambila. Nudi ne bena kuenu, badi banudiwula, banuipata munkatshi muabu, bualu nudi balamate Mvidi Mukulu. Badi banuamba, baseka ne: “Maweja-Nangila aleje bukole buende tumone munudi basanka!” Kadi bobu nebafue bundu.

Yeshaya 58:11

Maweja-Nangila neanulombole. Nansha nuenu bende mu tshipela, neanudishe nuukute, nupete bukole. Badi banumona nebasanke. Bualu nenuikale bu lupangu, ludibu bamiamina mayi mavule, bu mpokolu wa mayi a bungi, adi kaayi akama.

Yeshaya 26:19

Tshisamba tshianyi, bafue bebe nebabike ku lufu, — nenku bitalu bia bantu banyi nebipete muoyi. — Badi balale mu buloba, nebajuuke, beela tunkunduluila. Bualu Maweja-Nangila, neakutumine lumuma ludi lupetesha muoyi. Nanku buloba nebupatule ne muoyi bafue bavua amu bu mundidimbi.

Yeshaya 10:5

Maweja-Nangila udi wamba ne: Bena Ashure mbena diakabi. Mvua mubangate bua kunyoka nabu bantu banyi. Bobu ke badi bambula mutshi, undi ntalaja nawu tshiji tshianyi.

Ezela 8:18

Bu muvua Mvidi Mukulu wetu mutalame, kutapeshabu Sherebiya muntu wa lubatshi wa mu diku dia Mali, wa ku ndelanganyi ya Levi, muana wa Yakobe. Sherebiya uvua ne bana bende ba balume, ne bana babu. Bonsu pamue bavua bantu 18.

Yeshaya 13:5

Badi batumina ku matunga a kulekule, muaba udi diulu ne buloba bituangene, bua kuya kunyanga ditunga dijima: ke Maweja-Nangila ne badiye muangate, bua kunyoka bantu ba buloba bujima.

Yeshaya 26:20

Bena tshisamba tshianyi, buelayi munda mua nzubu yenu, nukange biibi. Nupaye mabaya ku bitupa bionsu bibidi bia tshiibi. Anjayi kusokoma katupa kipi, too ne pajika tshiji tshia Maweja-Nangila.

Yeshaya 30:27

Monayi, Maweja-Nangila nkayende udi ufika, ufumina kule. Kapia ne muinshi bidi bileja tshiji tshikole tshidiye natshi. Udi wakula ne tshiji. Miaku yende idi bu kapia kadi kosha.

Yeshaya 33:20

Neutangile Yerushalayime, neutangile Siyone, muaba udibu benzela bibilu bietu, nanku neumone ne: Yerushalayime ukadi muaba wa dikisha ne wa bupole, bu ntenta udibu kabayi batentemuna kabidi, kabayi batula milonda, kabayi basulula mionji yende.

Yeshaya 34:2

Maweja-Nangila udi mufikile bisamba bionsu bia bantu munda. Udi ne tshiji bualu buabi. Maweja-Nangila mmumane kushindika dibutuka diabi. Mmumane kuanyisha bua bifue.

Yeshaya 35:2

bilenga bu kapapankole! Eyowa, ditunga dimeneshe bilongu, disangale, diele mbila ya disanka! Maweja-Nangila neadipeshe buimpe bua mikuna ya Lebanone, bulenga bua mukuna wa Karmele, ne bua mpata wa Sarone. Nenku bantu bonsu nebamone butumbi bua Maweja-Nangila, buneme bua Mvidi Mukulu wetu.

Yeshaya 41:20

Nenku bantu bonsu nebamone, bonsu nebamanye, bonsu nebajadike, nebajingulule ne: Maweja-Nangila wa tshijila wa bena Izrayele, ke udi muenze malu onsu aa. Yeye ke udi wandamuna malu.

Yeshaya 42:13

Maweja-Nangila udi wenda usemena kumpala, bu tshilobu tshia bukitu mu mvita. Udi udilongolola bua kuluangana. Udi utua tshisamu tshia mvita, utshimuna bena lukuna bende.

Misambu 107:42

Bantu bakane badi bamona basanka, kadi bantu babi badi bapuwa.

Yeshaya 59:18

Neafute bantu bilondeshile malu avuabu benze. Neatekele bena lukuna bende bonsu tshiji tshikole. Neabanyoke nansha bobu base kule.