Yeshaya 65:2 - MUKANDA WA MYIDI MUKULU

² Meme mvua muoluele bantu bavua bantombokela bianza. Bantu aba bavua balonda njila mubi, uvuabu badisunguile.

Mukanda wa Nzambi Dihungila Dikulukulu ne Dihungila Dihia-dihia 2003

² Nakuolola bianza bianyi dinda tô ne dilolo kudi bantu badi bantombokela, badi benda mu nshila udi kayi muimpe, balonda malu adi bobo bine badihangidishila.

Yeshaya 65:2 交叉引用

Rome 10:21

Kadi bua bena Izrayele, muaba mukuabu mbafunde ne: “Dituku dijima mvua muolole bianza kudi bantu bavua bambenga, bantombokela.”

Yirmeya 4:14

Yerushalayime, pawikala musue kupanda, ulekele lonji bebe. Neulekele meji mabi audi nawu diba kaayi?

Nsumuinu 1:24

Kadi pandi nnubikila, nudi nubenga kufika kundi. Ndi nnuoluela tshianza bua kunuambuluisha, kadi kanuena basue nansha kuntangila.

Yeshaya 1:2

Maweja-Nangila udi wamba ne: “Diulu, teleja, buloba, teya matshi. Meme kukolesha bana. Kadi bobu bamane kukola, kuntombokelabu.

Rome 2:5

Kadi udi ne muoyi mupape. Kuena musue kudilengeja. Ke muudi udikebela dinyoka dipite bunene, dituku diamueneka tshiji tshia Mvidi Mukulu, diakosaye nsambu pa yoyi.

Matayi 15:19

Bualu mu muoyi wa muntu ke mudi mufume meji mabi, adi amusaka bua ashipe bantu, ende buendenda, enze malu a bundu, ibe, ashiminyinangane malu, anyangilangane lumu.

Yirmeya 7:24

Kadi kabena bitabe to, kabena banteleja to. Kulondabu anu meji abu, ne tshitunu, kabidi ne lonji. Pa mutu pa bena Izrayele kupinganabu kundi, mbambenge.

Yirmeya 5:23

Kadi nuenu nudi bantu ba tshitunu. Nudi bantu batomboke. Nuenu kuntombokela meme Maweja-Nangila, nuenu kumuka kundi, muntu yonsu ulonda wende njila.

Yirmeya 3:17

Bualu tshikondu atshi, nebinyike Yerushalayime ne: “Nkuasa wa bukalenga bua Maweja-Nangila.” Bisamba bionsu nebisangile mu Yerushalayime bua kuntumbisha. Nebalekele tshitunu tshivuabu natshi tshia kuenza buenzayi bu bantu bapale.

Yeshaya 66:18

Udi mumanye malu mabi adibu benza, ne meji adibu bela. Maweja-Nangila udi wamba ne: Ndi makasa mu njila. Nkadi pa kusangisha bantu ba mu bisamba bionsu, ba miakulu yonsu, bua bamone lumu lundi nalu.

Yeshaya 63:10

Kadi bavua bamutombokela, bavua banyingalaja Mueyelu wende wa Tshijila. Nanku Maweja-Nangila kudienza muluishi wabu, kubanga kuluangana nabu mvita.

Misambu 36:4

Bionsu bidiye wamba bidi amu bia dishima ne bia didinga. Mmupange meji, mmupange muoyi muimpe.

Dielulula 29:19

muntu awu, Maweja-Nangila kakumufuila luse to. Kakuanyisha nansha kakese muntu udi umutombokela. Neamufuile munda bikole. Neamunyoke ne manyoka onsu mashilangane, adibu bafunde mu mukanda ewu. Kabakuvuluka nansha dina diende kabidi pa buloba to.

Genese 6:5

Maweja-Nangila kumona ne buenzayi bua bantu budi buenda buvulangane pa buloba, meji adibu bela matuku onsu adi anu mabi.

Luke 13:34

“Yerushalayime we, Yerushalayime we, wewe udi ushipa bambi. Bantu badi Mvidi Mukulu ukutumina, udi ubasa mabue. Misangu bungi munyi imvua musue kukongoloja bantu bebe, mudi nzolu ukunguja tuana tuende mu mapuapua. Kadi kuvua musue nansha.

Matayi 23:37

— Yerushalayime, Yerushalayime, wewe udi ushipa bambi, wasa badi Mvidi Mukulu ukutumina mabue, ubashipa! Misangu bungi munyi imvua mujinge kusangisha bantu bebe pandi, bu mudi nzolu usangisha tuana tuende mu mapuapua. Kadi kanuvua basue to!

Yeshaya 55:7

Muntu mubi alekele njila yende mibi. Udi kayi ne meji makane, alekele meji ende mabi! Bantu bapingane bonsu kudi Maweja-Nangila, bualu neabafuile luse! Bapingane kudi Mvidi Mukulu wetu, bualu neabalekele mibi yabu!

Yeshaya 1:23

Bamfumu benu bakadi bantomboji, badi bumvuangana ne bivi. Badi banyisha mabuejila, basue bonsu bua bantu babasankishe. Kabena bakuila bana ba nshiye ku kabadi! Kabena bateleja mukaji mukamba.

Nsumuinu 16:29

Muntu wa tshikisu udi udinga balunda bende, ubakebela kabutu.

Dielulula 31:27

Meme Moshe ndi mumanye ne: bena Izrayele badi ne tshitunu, badi bonsu bantomboji. Mpindiewu pantshidi ne muoyi munkatshi muabu, bakabenga Maweja-Nangila. Kadi pambafua, nebamubenge bikole.

Dielulula 9:7

Nuvuluke ne: mu tshipela nuvua bafikishe Maweja-Nangila Mvidi Mukulu wenu munda. Kanupu bualu ebu muoyi diba nansha dimue! Katshia numuka mu Ejipitu too ne munudi bafike muaba ewu, nutshidi amu numutombokela.

Dibadika 15:39

Nanku, nuvuale bilamba bitela ne malenda. Panuikala numona malenda awu, nenuvuluke mikenji yanyi bua kuyikumbaja. Kabidi kanuakutendelela mvidie, bua kulonda majinga enu mabi ne lukuka luenu.

Yeshaya 30:1

Maweja-Nangila udi wamba ne: Nuenu bana badi bantombokela, nudi bena diakabi! Nudi nuela meji a kudienzela malu, kanuyi numvuluka. Nudi nutua ndondu ne bantu, indi meme tshiyi musue. Ke munudi nutentakaja bubi pa bukuabu.

Yeshaya 30:9

Eyowa, tshisamba etshi ntshia bantu batomboke. Badi basue kuikala bana banyi, kadi badi bena dishima. Bualu badi babenga kumvua, tshindi meme Maweja-Nangila mbalongesha.

Yeshaya 55:8

Maweja-Nangila udi wamba ne: “Bushuwa, meji anyi kaena bu enu to. Njila yanyi mmishilangane ne yenu.

Yeshaya 66:3

Bualu bantu aba bua kulambula milambu, badi bashipa ngombe. Kadi badi mua kushipa kabidi muntu mene. Badi bakosa mukoku muminu, kadi badi bashipa kabidi ne mbua mene. Badi balambula mulambu wa bia pa madimi. Kadi badi amu mua kulambula nansha mashi a ngulube. Badi bosha manananshi, kadi badi banemeka kabidi mvidie ya dishima. Bualu bantu aba mbadisunguile njila udibu basue kulonda. Bidi bibasankisha ke bindi mbenga meme.

Misambu 36:5

Butuku udi udilongolola bua kuenza bibi. Udi wenda mu njila wa bubi, kayi musue kudilengeja.

Yeshaya 66:4

Meme kabidi nensanke padibu bakenga. Nembatumine makenga onsu, adibu batshina. Bualu ndi muele lubila, kadi muntu nansha umue kena mungitabe. Meme kubambila malu, kadi kabavua bateleja. Bavua benza amu bindi mubenge. Bavua basungula amu bidi kabiyi binsankisha.”

Yirmeya 18:12

Kadi badi bandamuna ne: “Nansha kakese! Katuena basue kuenza malu mimpe. Netuenze anu malu mabi, netuikale bena tshitunu amu mutudi basue.”