Yeshaya 64:5 - MUKANDA WA MYIDI MUKULU

⁵ Tudi bonsu bantu babi, katuena bakanyine kukukuatshila mudimu. Tudi bu tshintu tshipia mikiya. Nansha mianda mimpe ituvua tuenza, idi kabidi mikuatshike muendi bu tshilamba tshidi ne makeji a mashi. Bualu bua bilema bietu, tudi bu mabeji mume a mutshi, adi lupepele luambula luya nawu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Wewe udi wakidila muntu udi wenza bienzedi biakane ne disanka, udi wakidila badi bakuvuluka mu bienzelu biebe. Mona, wewe wakadi ne tshiji, ne tuakenza malu mabi; tuakadimu musangu mule, netusungidibue, anyi?

Yeshaya 64:5 交叉引用

Ebrewu 4:16

Nenku tusemenayi ne ditekemena dionsu ku nkuasa wa butumbi wa Mvidi Mukulu, muaba udiye utuleja ditunanga diende. Netupeteku dijimija dia mibi. Neatulejeku mudiye utunanga, bua tupete diambuluisha diba dionsu ditudi tudikengela.

Bienzedi 10:35

Muntu nansha wa mu tshisamba kaayi, udi umutshina, wenza tshidiye musue, Mvidi Mukulu udi mumuanyishe.

Malaki 3:6

“Meme Maweja-Nangila tshiena nkudimuka. Kadi nuenu kabidi nudi basue kushala kashidi ndelanganyi menemene ya Yakobe.

Osheya 11:8

Nuenu bena Efrayime, tshiena mua kunutekela to. Nuenu bena Izrayele, tshiena mua kunuelela meji mabi to. Tshiena mua kunubutula, mumvua mubutule bimenga bia Adma ne Seboyime to. Bualu meme muenze nanku, ndi mua kumvua bibi; nengikale ne kanyinganyinga kakole.

Yeshaya 63:10

Kadi bavua bamutombokela, bavua banyingalaja Mueyelu wende wa Tshijila. Nanku Maweja-Nangila kudienza muluishi wabu, kubanga kuluangana nabu mvita.

Misambu 112:1

Tumbishayi Maweja-Nangila, aleluya! Muntu udi unemeka Maweja-Nangila, umvua disanka bua kulonda mikenji yende, udi ne disanka.

Misambu 103:17

Kadi malu mimpe a Maweja-Nangila adi ashala bikondu bionsu kudi badi bamunemeka. Buakane buende budi bujama kudi bana ba bana babu,

Misambu 37:4

Disanka diebe dikale amu kudi Maweja-Nangila. Nanku neakupeshe bionsu biudi umulomba.

Misambu 25:10

Bionsu bidi Maweja-Nangila wenza, bidi bileja mudiye unanga bantu badi balama ndondu wende, bakumbaja mikenji yende.

Ekesode 30:6

Tshilambuilu atshi, utshiteke kumpala kua tshilamba tshidi tshijike mushete wa ndondu. Tshikale tshitangilangane ne mushete wa ndondu awu, muaba utuikala tumuenangana nebe.

Ekesode 25:22

Netumonangane nebe anu pa tshibuikidiji tshia mushete awu. Pankatshi pa Bakerubine abu, ke pandi nkupela mikenji idi itangila bena Izrayele.

Ekesode 20:24

Kadi nungenzele tshilambuilu tshibaka ne buloba. Pa mutu patshi nundambuilepu milambu ya kuosha ne ya ditua ndondu, nusungula munkatshi mua ngombe, mbuji ne mikoku yenu. Miaba yonsu indi mumuambile bua nuenu kuntendelela, nengikale munkatshi muenu bua kunuela lupemba.

Osheya 6:3

Tuenzayi muetu muonsu bua kumanya Maweja-Nangila, tukumbaje bidiye musue. Difika diende ndimane kujadika, anu bu mudi butuku butshia misangu yonsu. Neafike bua kutuambuluisha, bu mudi mvula mbedi uloka, bua kutalaja buloba.”

Yeshaya 12:1

Dituku diudi upeta lupandu, newambe ne: “Maweja-Nangila, ndi nkuela tuasakidila. Uvua mumfikile munda pa bualu. Kadi tshiji tshiebe tshiatuyi. Udi muvue kunsamba.

Yeshaya 26:13

Maweja-Nangila Mvidi Mukulu wetu, tuvua ne bamfumu bakuabu. Kadi wewe nkayebe, ke utudi tuvuluka.

Yeshaya 63:7

Ndi musue kuvuluija bantu muoyi mulenga udi Maweja-Nangila nawu. Ndi musue kumutumbisha, bua bionsu bidiye mutuenzele. Uvua muenzele tshisamba tshia Izrayele bimpe bitambe, bualu udi utshinanga kashidi, utshifuila luse misangu yonsu.

Danyele 9:5

Tuvua babenge kuitaba diyi diebe. Tuvua benze malu mabi. Tudi bena tshibawu. Tuvua bakutombokele. Tuvua babenge mikenji yebe.

Yeshaya 1:30

Nenushale bu mitshi eyi, idi mimane kupopoka mabeji. Nenuikale bu mpangu eyi, idi kayiyi kabidi ne mayi.

Yeshaya 27:8

Bushuwa, mmubafundile tshibawu, tshia kuya mu tshimuangi, mu ditunga dia bende. Uvua mubumushe mu buloba buabu dituku dimue, ne lupepele lukole, luvua lufuma luseke ludi diba dipatukila.

Zekâya 3:3

Yeshuwa uvua muimane kumpala kua mutumibue wa Mvidi Mukulu, muvuale bilamba bia manyanu.