Yeshaya 64:4 - MUKANDA WA MYIDI MUKULU

⁴ Wewe udi wakidila bantu badi benza muudi wewe musue, badi bitaba ku diyi diebe ne disanka, badi bakeba kulonda njila iudi mubaleje. Uvua mufika munda, bualu tuvua bakutombokele. Kadi netupande, patuikala tulonda njila webe utuvua balonde kale.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bua ku bikondo bia kale kakuena muntu wakumana anyi wakujingulula ku matshu, kakuena disu diakumona Nzambi udi muomumue nʼebe, udi ukuatshila badi bamuindila mudimu.

Yeshaya 64:4 交叉引用

Misambu 31:19

Bena dishima aba bashale tumama. Badi baditambisha, bapepeja bantu badi kabayi ne bualu, babafunda.

Yakobe 5:7

Bana hetu, ikalayi ne lutuulu too ne pafika Mfumu. Monayi mudi tshidime windila ne lutuulu biakudia bidibu nabi dikenga menemene, too ne diba didi buloba mua kubipatula. Udi utekemena mvulambedi ne wa ndekelu.

Yeshaya 25:9

Dituku adi, bantu nebambe ne: “Yeye ke Mvidi Mukulu wetu. Tuvua batekemene amu kudiye, Yeye kutusungidila. Eyowa, tuvua batekemene amu kudi Maweja-Nangila. Tudi tusanka, tudi ne musangelu, bua padiye Mutusungidi wetu.

Misambu 130:5

Ndi mutekemene kudi Maweja-Nangila, ne muoyi wanyi mujima, muindile diandamuna diende.

Genese 49:18

Maweja-Nangila, ndi mutekemene lupandu kuudi.

Yowanane 14:3

Meme mumane kuya kunulongoluela muaba, nempingane bua kunuangata, bua nuikale nuenu kabidi muaba undi.

Ebrewu 11:16

Kadi batata bajinga ditunga ditambe buimpe, mbuena kuamba ne: ditunga dia mu diulu. Ke padi Mvidi Mukulu kayi umvua bundu padibu bamubikila ne: mMvidi Mukulu wetu, bualu mmubalongoluele tshimenga.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

Matayi 25:34

Nenku mukalenga neambile bantu badi ku diende dia balume ne: “Vuayi, nuenu badi Tatu wanyi muele lupemba. Angatayi Bukalenga buvuabu banulongoluele, katshia bafuka bukua panu.

Yeshaya 30:18

Kadi Maweja-Nangila udi windila, utekemena matuku onsu, diba didiye mua kunufuila luse. Udi ukeba mudiye mua kunuambuluisha. Bualu Maweja-Nangila udi Mvidi Mukulu, udi wenza bionsu amu bimpe. Bonsu badi batekemena kudi Mvidi Mukulu, mbena diakalenga.

Rome 8:19

Bionsu bidi Mvidi Mukulu mufuke bidi bipampakana, bindila tshikondu tshidi Mvidi Mukulu ne bua kuleja bana bende patoke.

Misambu 62:1

Musambu wa mu mukanda wa mulombodi wa bena misambu. Wa kuimba bu Yedutune. Musambu wa mu mukanda wa misambu ya Davide.

1 Yone 4:10

Dinanga didi nenku: ki ntuetu bavua banange Mvidi Mukulu to. Kadi Yeye ke uvua mutunange, mufume Muanende bua adilambule bualu buetu, bua kutujimijila mibi yetu.

1 Korente 1:7

Ke munudi kanuyi bapange dipa dia Mvidi Mukulu nansha dimue, nuenu badi bindile tshikondu tshidi Mfumu wetu Yezu Kristu ne bua kumueneka mu butumbi buende.

Luke 2:25

Diba adi mu Yerushalayime muvua muntu, dina diende Shimeyone. Uvua unemeka Mvidi Mukulu, ukumbaja bivuaye musue. Uvua muindile muntu uvua ne bua kusungidila bena Izrayele. Mueyelu wa Tshijila kabidi uvua nende.

1 Tesalonike 1:10

Nudi bindile Muanende Yezu, uvuaye mubishe ku lufu, udi ne bua kutuluka mu diulu. Yeye mene ke udi utusungidila ku tshilumbuluilu tshia Mvidi Mukulu tshikadi pabuipi.

Yeshaya 40:31

Kadi badi batekemena kudi Maweja-Nangila, badi bapeta makanda mapiamapia. Badi babuka bu nyunyi ya biminyi. Badi banyema lubilu, kabayi bapungila. Badi benda, kabayi bateketa.

Yeshaya 66:8

Katshia bantu ki mbumvue bualu bua nanku to! Kabena banji kumona mudi malu a nanku enzeka to! Ditunga didi mua kumueneka dituku dimue anyi? Badi mua kulela tshisamba diba dimue anyi? Kadi ke bidi bienzekela Siyone. Utshibuelelaku mu makenga a pa lulelu, ukadi ulela bana bende!

Ezela 9:7

Tshikondu tshia bankambua betu too ne mpindiewu, tshisamba tshietu tshivua tshienza bibi bitambe. Ke pavuabu batukengesha, bakengesha bakalenga betu ne batuangaji betu, kudi bakalenga ba bisamba bikuabu. Bavua batuluisha, baya netu ku bupika, banyanga bintu bietu, babakuatshisha bundu, bu mudibu benza ne lelu mene ewu.

Misambu 103:18

pikalabu banemeka ndondu, bavuluka mikenji yende bua kuyilonda.

Yeshaya 59:12

Maweja-Nangila, misangu mivule, tuvua bakutombokele. Bilema bietu bidi bibipisha. Buntomboji buetu mbutulamate. Tudi bamanye bimpe ntupakanyi yetu.

Danyele 9:5

Tuvua babenge kuitaba diyi diebe. Tuvua benze malu mabi. Tudi bena tshibawu. Tuvua bakutombokele. Tuvua babenge mikenji yebe.

Danyele 9:8

Eyo, Maweja-Nangila wetu, tuetu, bakalenga betu, bamfumu betu, ne batatuetu, tudi tufua bundu, bualu tuvua babenge diyi diebe!

Danyele 9:15

“Maweja-Nangila Mvidi Mukulu wetu, pauvua mupatule bantu bebe mu ditunga dia Ejipitu ku bukole buebe, uvua mupete lumu lunene, luutshidi nalu too ne lelu. Kadi tuetu tuvua babenge diyi diebe. Nanku tudi bena tshibawu.

Osheya 7:7

Bonsu ne tshiji tshikole, bu kapia ka mu tshioshilu, badi bashipa balombodi babu. Bakalenga babu badi babutuka ku umue ku umue. Kadi muntu nansha umue kena mumbikile to.

Zekâya 10:9

Mvua mubatangalaje mu bisamba bikuabu, bu mudibu bamiamina maminu. Kadi nebamvulukile mu matunga a kule. Nanku nebakoleshe bana mu matunga awu, pashishe nebapingane nabu mu ditunga diabu.