Yeshaya 61:11 - MUKANDA WA MYIDI MUKULU

¹¹ Bushuwa, Maweja-Nangila Mvidi Mukulu udi upatula lupandu ne lumu, kumpala kua bisamba bia bantu. Amu bu mudi mu buloba mutoloka mitshi, nansha bu mudi mu budimi bumena ntete idibu bamiaminamu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bualu bua bu mudi buloba bumenesha lutonga luabu, bu mudi tshibidi tshitolesha maminu adibo bakunamu, nunku Mukelenge Yehowa neameneshe buakane ne butumbi ku mpala kua bisamba bionso bia bantu.

Yeshaya 61:11 交叉引用

Yeshaya 58:11

Maweja-Nangila neanulombole. Nansha nuenu bende mu tshipela, neanudishe nuukute, nupete bukole. Badi banumona nebasanke. Bualu nenuikale bu lupangu, ludibu bamiamina mayi mavule, bu mpokolu wa mayi a bungi, adi kaayi akama.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Yeshaya 62:7

Kanumushidi mpunga, too ne pamanaye kuibakulula tshimenga, ne penzaye tshimenga etshi muaba udibu batumbisha mu matunga onsu.”

Yeshaya 62:1

Bu mundi nkunanga, Yerushalayime, tshiakupuwa to. Bu mundi nkunanga Siyone, tshiakushala amu patupu, tshiyi ngenza bualu to. Nensengelele Mvidi Mukulu too ne ku diba didi lupandu luebe lumueneka, mudi butoke bukenka mu munya, ne tshimunyi tshia kapia butuku.

Yeshaya 45:8

Diulu, lokesha lumuma! Bu mudi mvula upueka mu mavuba, lupandu lufume mulu, lupueka pa buloba. Buloba bunzuluke, buleje lupandu, bupatule malu mimpe. Meme Maweja-Nangila, ndi mfuka bionsu abi.”

Musambu wa Solomo 4:16

Mpepele ya ku mutu ne ya kuinshi, tabalayi, luayi lukasa, tangalajayi dipembu dionsu didi mu lupangu luanyi. Miaba yonsu inunke mupuya muimpe! Munanga wanyi, luaku, buela mu lupangu luanyi, udie bimuma bisheme bidi momu.

Misambu 85:11

Malu mimpe ne bulelela nebisangile, buakane ne ditalala nebiupukilangane.

Matayi 13:23

Ntete idi ipona mu buloba buimpe, ke badi bumvua muaku wa Mvidi Mukulu, bajingulula mudiwu. Badi bakuama bimuma, aba lukama, bakuabu makumi asambombu, banga makumi asatu.

Matayi 13:3

Yezu uvua ubalondela malu mavule mu nsumuinu, ubambila ne: — Muntu kampande uvua uya kumiamina ntete.

Yeshaya 60:18

Mu ditunga diebe, kabakumvua kabidi mutoyi wa mvita to. Munda mua ditunga diebe kamuena kabidi kabutu nansha tshinyangu. Kadi newinyike bimana biebe dina ne: “Lupandu”, ne biibi biebe ne: “Lumu lua Mvidi Mukulu”.

Misambu 72:16

Ntete ya kuenza bukula, ivulangane mu ditunga. Biakudia bitoloke bia bungi mu mikuna, bisampile bu mu mikuna ya Lebanone, biele miepu bungi bu bisosa bia mu mpata!

Misambu 72:3

Ku bulongolodi buende, bupole bubuele mu ditunga, bubanji bupueke mu mikuna.

Matayi 13:8

Kadi minga ntete kumata mu buloba buimpe, kukuama miepu, eyi ne ntete lukama, mikuabu ne ntete makumi asambombu, minga eyi ne ntete makumi asatu.

Yeshaya 4:2

Dituku dikuabu, Maweja-Nangila neafukishe tshiakabidi buloba. Tshionsu tshidi tshitoloka netshikole. Bantu badi bashala ne muoyi mu Izrayele, nebasanguluke padibu bamona bionsu ebi. Nenku nebapetulule lumu ne butumbi biabu.

Yeshaya 45:23

Bu mundi Mvidi Mukulu bulelela, ndi nditshipa ne: nenkumbaje malaya anyi. Ndi ndaya ne muoyi umue ne: bantu bonsu nebatue binu kumpala kuanyi. Nebaditshipe bua kundamata kashidi.

Yeshaya 45:24

Nebambe ne: “Amu kudi Maweja-Nangila nkayende, ke kutudi tupeta bukole, ke kutudi mua kutshimuna.” Bonsu bavua banduishe, nebafike kundi ne bundu.

Yeshaya 46:13

Malu aa kaena kabidi nenu kule to. Akadi pa kukumbana amu mpindiewu! Lupandu kaluena lunengakana. Meme mene ndi mfika nalu mu Siyone. Eyowa, ndi ntuadila bena Izrayele tshitupa tshia butumbi buanyi.

Yeshaya 48:18

Eyi! bu wewe munteleje bimpe, bu wewe mukumbaje tshimvua mukutumine diyi! Nanku musulu wa diakalenga uvua mua kukupuekela. Lupandu luvua mua kufika kuudi, bungi bu mavuala a mayi manene!

Yeshaya 60:21

Bantu bebe bonsu nebalame meyi anyi. Kabakubipata kabidi mu ditunga diebe. Ke bantu bamvua mufuke ne bianza bianyi, bua baleje bantu bakuabu butumbi buanyi. Badi bu mitshi indi mukune mu lupangu luanyi.

Genese 1:11

Mvidi Mukulu kuamba ne: “Bikunyibua bitoloke pa buloba, bisosa bidi biela nzeba ne mitshi idi ikuama bimuma bia mishindu yonsu.”

Yeshaya 62:2

Bisamba bia bantu nebimone mudi Maweja-Nangila mukupikule. Bakalenga bonsu nebabandile lumu luebe. Bantu nebakuinyike dina dipiadipia, didi Maweja-Nangila mukubikile nadi.