Yeshaya 60:6 - MUKANDA WA MYIDI MUKULU

⁶ Ditunga diebe nediuwule ne nyama ya tumelu tente. Bangenda mushinga ba mu Madiyane ne ba mu Efa nebafume ku Saba, bisumbu ne bisumbu, ne tumelu tuabu. Nebakutuadile tshiamu tshia mpawungi ne musenga wa kamonya. Nebende batumbisha Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Tshisumbu tshia tumelo netshikubuikile, bana balume ba tumelo ba ku Midiyana ne ba ku Efa nehalue, tumelo atu tuonso tua ku Sheba netulue; netulue ne or ne manananshi, netumanyishe bantu bua butumbi bua Yehowa.

Yeshaya 60:6 交叉引用

Matayi 2:11

Kubuelabu mu nzubu, kumonabu muana ne mamuende Mariya. Kutuabu binu panshi bua kukukuila muana. Pashishe kusululabu mabuki abu, kupeshabu muana bintu bivuabu bamutuadile: tshiamu tshia mpawungi, musenga wa kamonya, ne manananshi.

Misambu 72:10

Bakalenga ba mu Tarshishe ne ba mu bidila bia kule, nebamutumine malambi, ba mu Saba ne ba mu Seba bamutuadile milambu.

Misambu 72:15

Mukalenga akole bobobu! Bantu bamulambule mpawungi wa mu Saba, batendelela, bamulombele diba dionsu, basengelela Mvidi Mukulu buatshia buila bua amuele lupemba.

Balombodi 6:5

Bantu aba, bavua benda ku muaba ne ku muaba, bafika ne bimuna biabu, kabidi ne ntenta yabu. Bivua benda mabumbu mabumbu bu mpasu. Nansha bobu, nansha tubalu tuabu, bivua bipite bungi, kakuyi udi mua kubibala. Kubutulabu ditunga, kudinyangakaja.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.

Filipe 2:17

Ndi kumpala kua Mvidi Mukulu bua kumulambula ditaba dienu. Pamue apa nebasakidile muoyi wanyi ku mulambu wenu. Nansha biobi bienzeka nanku, nensanke, nnubueje bonsu mu disanka adi.

Genese 10:7

Kushe kulela bankambua ba bena Seba, Avila, Sabta, Ragma ne Sabteka. Ragma kulela bankambua ba bena Saba ne bena Dedane.

Rome 15:9

mMufike kabidi bua bantu ba bisamba bikuabu batumbishe Mvidi Mukulu bua luse luende. Ke padi Mukanda wa tshijila wamba ne: “Ke pandi nkutumbisha munkatshi mua bisamba bikuabu, nsaka misambu ya kutumbisha nayi dina diebe.”

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

Yeshaya 61:6

Nuenu mene nebanuinyike ne: “Ke batuangaji ba Maweja-Nangila.” Bantu nebanutele bamba ne: “Ke bantu badi bakuatshila Mvidi Mukulu wetu mudimu.” Nenusankile ku mpetu ya bukua matunga. Nenuditembe ne bintu biabu.

Yeshaya 45:14

Izrayele, Maweja-Nangila udi ukuambila ne: tshionsu tshidi bena Ejipitu bapeta ku mudimu wabu, makasa adi bena Kushe, nansha bantu bale ba kafiondu ba mu Seba bapeta, bionsu ebi nebipitshile muebe, nebikale bintu biebe. Bantu aba nebakulonde, bamane kubasuika ne nkanu. Nebadiele panshi kumpala kuebe, bakutondela ne: “Mvidi Mukulu udi amu kuebe. Kena munga muaba to.”

Yeshaya 42:10

Imbilayi Maweja-Nangila musambu mupiamupia. Nuenu badi benda mu mayi manene, nuenu bifukibua bidi biendamu, ne nuenu bantu badi base kulekule, numutumbishe too ne ku ndekelu kua buloba.

Yeshaya 30:6

Nyama idi yambula bintu bia bungi, idi yenda ipitshila kuinshi kua ditunga. Mu buloba bua dikenga ne dibungama, mudi bintu bia bungi bidi bikuatshisha bowa, mudi nyama ya ntambue ikungula, mudi nyoka ya ntoka ne nyoka idi ibuka, nyama ya mpunde ne ya tumelu idi ipitshilamu, yambula bubanji ne bintu bia mushinga mukole. Balombodi ba mu ditunga badi baya nabi kudi bantu ba tshisamba, tshidi katshiyi mua kubambuluisha nansha kakese.

1 Bakalenga 10:2

Mukalenga mukaji awu, kufika mu Yerushalayime ne musumba munene wa bantu bavuaye nabu. Uvua kabidi ne nyama ya tumelu miambule manananshi, tshiamu tshia mpawungi kilo mivule, ne mabue a mushinga mukole. Kufikaye kudi Shelomu. Kumuelaye makonka onsu avuaye mumane kulongolola.

2 Kulondolola 9:1

Mukalenga mukaji wa mu ditunga dia Saba kumvua lumu lua Shelomu. Nanku kuyaye mu Yerushalayime bua kujadika muvua lungenyi lua Shelomu, ne kumuela nkonku mikole. Mukalenga mukaji awu, kufika mu Yerushalayime ne tshisumbu tshinene tshia bantu bende. Uvua kabidi ne nyama ya tumelu miambule manananshi, tshiamu tshia mpawungi kilo mivule, ne mabue a mushinga mukole. Kufikaye kudi Shelomu, kumuela nkonku yonsu ivuaye mumane kulongolola.

2 Bakalenga 8:9

Azayele kuya kumonangana ne muambi Elisha. Uvua mutuadile muambi bintu bimpe bia disanka bia mu Damase, biambula kudi nyama ya tumelu makumi anayi. Azayele ufika kudi muambi Elisha, kumuambila ne: — Muena mudimu webe Benadade, mukalenga wa bena Siriya ke udi muntume ewu. Uvua mungambile bua kukukonka bua disama diende ne didi mua kujika?

Balombodi 7:12

Bena Madiyane, bena Amaleke, ne bantu balalakanyi bavua bafuma luseke ludi diba dipatukila, bavua bapasalala mu mpata bungi bu mpasu. Bivua ne tumelu tupite bungi, bu lusenga ludi ku muelelu wa mayi manene.

Genese 25:13

Muanabute uvua Nebayote, balonda kudi Kedare, bamutua mu nyima kudi Adbeyele ne Mibsame,

Yeshaya 60:9

Ke matu adi afuma ku mielelu ya mayi a ku matunga a kule. Matu manene adi enda kumpala. Bana bebe badi pa matu aa, bafumine ku matunga a kule, bambule mpawungi yabu ne biamu bitoke bia mushinga mukole. Badi balua bua kutumbisha Maweja-Nangila, Mvidi Mukulu webe, wa tshijila wa bena Izrayele. Bualu Yeye ke udi ukusankisha nenku.

Yirmeya 6:20

Milambu yabu ya ku Saba, ne mitshi ya dipembu ya mu ditunga dia kule, bidi mua kungenzela tshinyi? Nyama idibu bangoshila pa tshilambuilu, kayena insankisha to. Tshiena musue milambu yabu.

Yezekiyele 27:22

Bangenda mushinga ba mu Saba ne ba mu Ragma, nuvua nusumbishangana nabu bintu. Bavua bakufuta ne manananshi mimpe, mabue a mushinga mukole a mishindu yonsu, ne tshiamu tshia mpawungi.

Sefanya 3:10

Bantu banyi bamvua mutangalaje, nebafume muaba mule, nansha dishiya dia misulu ya bena Kushe. Nebantuadile milambu yabu.”

Zekâya 14:16

Dituku adi, bantu bawa bashale ne muoyi, munkatshi mua bisamba bivua biluisha Yerushalayime, nebaye mu tshimenga etshi ku tshidimu ku tshidimu, bua kutendelela Maweja-Nangila, Mukalenga wa bukole buonsu, ne bua kuenza tshibilu tshia tuzubu tua Bisasa.

Dielulula 32:43

Bisamba bionsu bitumbishe bantu ba Maweja-Nangila. Maweja-Nangila neasombuele bua lufu lua bantu bende. Neanyoke baluishi ba bena Izrayele bonsu. Neafuile ditunga dia bena Izrayele luse, neasambe benadi.

1 Kulondolola 1:33

Bana ba balume ba Madiyane badi: Efa, Efere, Anoke, Abida ne Elda. Bonsu aba ndelanganyi ya Ketura.

Misambu 67:4

Mvidi Mukulu, bisamba bia bantu bikutumbishe, bisamba bionsu bikuele tuasakidila!