Yeshaya 60:2 - MUKANDA WA MYIDI MUKULU

² Midima idi imbuikile buloba. Bantu badi benda mu miidima ya bufuku. Kadi wewe, Maweja-Nangila udi ukukenkesha, bu diba ditshidi dipatukilaku. Butumbi buende nebumuenekele pa mutu pebe.

Mukanda wa Nzambi Dihungila Dikulukulu ne Dihungila Dihia-dihia 2003

² Bua mena, midima neyibuikile buloba, ne mîdima mifike-fitutû neyibuikile bantu; kadi Yehowa neabande hamʼbidi hebe mene, butumbi buandi nebumueneshibue hamʼbidi hebe.

Yeshaya 60:2 交叉引用

Kolose 1:13

Bualu mmutupikule ku bukole bua miidima, mutubueje mu bukalenga bua Muanende munanga.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

2 Korente 3:18

Tuetu bonsu tudi tumuenesha butumbi bua Mfumu, bualu ki mbabuikile mpala wetu ne tshilamba. Ke mutudi bandamuke, bua difuanangane ne Mfumu, bua tumuke mu butumbi, tubuele mu bukuabu budi bupita bua kumpala. Ke bidi Mfumu muenze ku bukole bua Mueyelu wende.

Bienzedi 17:23

Bualu ndi muendakane mu tshimenga tshienu tshionsu. Meme kumona miaba yonsu inudi nutendelela. Meme kusangana tshilambuilu tshikuabu: bavua bafundapu ne: “Mvidie utudi katuyi bamanye.” Kadi tshinudi nutendelela kanuyi bamanye, meme ndi musue kunumanyishatshi.

Bienzedi 14:16

Ku kale Mvidi Mukulu uvua muanyishe bua bantu ba bisamba bikuabu balonde wabu njila.

Yowanane 8:55

Kadi kanuena bamumanye. Meme ndi mumumanye. Bu meme muambe ne: Tshiena mumumanye, mvua kuikala muena dishima munudi nuenu. Kadi ndi mumumanye. Ndi ntumikila miaku yende.

Yowanane 1:18

Muntu nansha umue kena muanji kumona Mvidi Mukulu. Amu Muana mulela umue, Mvidi Mukulu udi musombe pamue ne Tatu, ke udi mutumanyishe Tatu.

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Yezekiyele 10:4

Butumbi bua Maweja-Nangila kumuka pa bakerubine, kubuka, kuya kuikila ku tshibuelelu tshia nzubu wa Mvidi Mukulu. Divuba kuwula mu nzubu wa Mvidi Mukulu tente. Butumbi bua Mvidi Mukulu buvua bumueneka mu lupangu lua nzubu wa Mvidi Mukulu, bukenka bikole.

Dibadika 16:19

Kora kubikila bena Izrayele bonsu muaba uvua Moshe ne Arone bimane, pabuipi ne mushiku wa ntenta wa kusambakena. Diba adi, bena Izrayele bonsu kumona butumbi bua Maweja-Nangila.

Lewitiki 9:23

Nanku Moshe ne Arone kubuela mu ntenta wa kusambakena. Bobu bamane kupatukamu, kuelabu bantu lupemba. Nanku Maweja-Nangila kudileja kudi bena Izrayele ne butumbi buende.

Yowanane 1:1

Pavua Mvidi Mukulu mufuke ku tshibangidilu bintu bionsu, Muaku ukavuaku. Muaku uvua ne Mvidi Mukulu. Muaku uvua Mvidi Mukulu.

Matayi 23:19

Nudi bampofu! Tshidi ne mushinga mupite ntshinyi? Mulambu anyi, peshi tshilambuilu tshidi tshivuija mulambu awu wa tshijila?

Matayi 15:14

Balekelayi! Bampofu, badi balombola bampofu! Kadi padi mpofu ulombola mpofu nende mu njila, bonsu babidi nebadishinde mu tshiina.

Yirmeya 13:16

Nemekayi Maweja-Nangila Mvidi Mukulu wenu. Tshianana nennutumine miidima, bua nuenu kutetuka pa mikuna, kuenda mu miidima inuvua kanuyi bindile, batekemena munya. Maweja-Nangila kuandamuna butuku, kunutumina miidima, bu mavuba a mvula wa tshipupu.

Misambu 80:1

Musambu wa mu mukanda wa mulombodi wa bena misambu, wa mu mukanda wa misambu ya Asafe, wa kuimba ne lunzenze.

1 Bakalenga 8:11

Batuangaji kabawa ne mushindu wa kuenza mudimu to, bualu bua divuba adi, butumbi bua Maweja-Nangila ke buvua buwule mu nzubu.

Matayi 23:24

Nuenu nudi basue kulombola bakuabu, kadi nudi bampofu! Nudi nutata maluvu enu, numusha kishi. Kadi kamelu, nudi nukumina!

Misambu 102:16

Bisamba bionsu bia bantu benyi bitshine Maweja-Nangila, bakalenga bonsu ba pa buloba bujima batshine butumbi buende.

Yeshaya 2:5

Nuenu, ndelanganyi ya Yakobe, vuayi, tuende bonsu pamue, mu butoke bua Maweja-Nangila.

Yeshaya 4:5

nenku Maweja-Nangila neasombe pa mukuna wa Siyone, munkatshi mua bantu badi basangilamu. Mu munya divuba dia muinshi, butuku tshimunyi tshia kapia, nebileje bantu mudi Maweja-Nangila munkatshi muabu, ubalama. Butumbi abu nebubambuluishe,

Yeshaya 58:10

panudi nuabanyangana tshiakudia tshienu ne muntu udi ne nzala, panudi nudisha muntu udi ne dikenga, nenku butoke nebuipate miidima muaba unudi nusombela. Pa mutu pa kuikala mu miidima, nenusombe mu butoke bu munda munya.

Yeshaya 66:11

Nenku nutshionkomoke! Nenudie nuukute, padi Yerushalayime unusamba, unudisha, mudi mukaji wamusha muana dibele, bua bana banue dibele ne disanka.

Yeshaya 8:22

nebatangile panshi, kadi nebamone amu dibungama, midima ne makenga. Nebabuele mu midima idi yenza bowa.

Yeshaya 58:8

Diba adi, nenusanke, nukenke, mudi diba dikenka mu dinda. Mputa yenu neyume lukasa. Nengende nenu. Nennulame kumpala ne kunyima. Nennupandishe.

Yeshaya 62:1

Bu mundi nkunanga, Yerushalayime, tshiakupuwa to. Bu mundi nkunanga Siyone, tshiakushala amu patupu, tshiyi ngenza bualu to. Nensengelele Mvidi Mukulu too ne ku diba didi lupandu luebe lumueneka, mudi butoke bukenka mu munya, ne tshimunyi tshia kapia butuku.