Yeshaya 60:1 - MUKANDA WA MYIDI MUKULU

¹ Yerushalayime, juka, ukenke bu diba! Bualu meme ndi mfika, meme butoke buebe. Lumu lua Maweja-Nangila nelukutokeshe, bu diba ditshidi dipatukilaku.

Mukanda wa Nzambi Dihungila Dikulukulu ne Dihungila Dihia-dihia 2003

¹ Juka, temena; bua munya webe wakulua, ne butumbi bua Yehowa buakubanda, buakukutemena.

Yeshaya 60:1 交叉引用

Efeze 5:14

Bualu bidibu basokolola patoke, bidi bienza butoke. Ke mudibu bamba ne: “Wewe udi mulale, tabala, juka ku bafue. Kristu neakuludike mu butoke buende.

Efeze 5:8

Kale nuvua mu midima. Mpindiewu nudi mu butoke, bualu nudi badisange ne Mfumu. Enzayi malu adi bantu badi benda mu butoke ne bua kuenza.

Yowanane 8:12

Yezu kulongesha kabidi bantu, ubambila ne: — Meme ndi butoke bua badi pa buloba. Muntu udi undonda katshia kena wenda mu miidima, kadi neikale ne butoke bua muoyi.

Yeshaya 58:8

Diba adi, nenusanke, nukenke, mudi diba dikenka mu dinda. Mputa yenu neyume lukasa. Nengende nenu. Nennulame kumpala ne kunyima. Nennupandishe.

Yowanane 12:46

Meme ndi mufike pa buloba bu butoke, bua muntu yonsu udi ungitaba kashadi mu miidima.

Matayi 5:16

Ke mudi butoke buenu ne bua kukenkela bantu, bua bamone malu mimpe anudi nuenza, batumbishe Tatu wenu udi mu diulu.

Yowanane 1:9

Butoke ebu ke butoke bulelela budi bufika pa buloba bua kutokesha bantu bonsu.

Didimanyisha 22:5

Butuku kabuakuikala kabidi to. Kabakukengela munya, nansha muendu. Bualu Maweja-Nangila Mvidi Mukulu neabakenkeshile butoke buende. Nebadie bumfumu kashidi.

1 Petro 4:14

Nudi bena diakalenga, padibu banupenda bualu nudi nulonda Kristu munyima. Bualu Mueyelu wa butumbi, Mueyelu wa Mvidi Mukulu mmunutulukile.

Filipe 2:15

Ke munudi mua kuikala bantu bimpe, ba munda mutoke. Nenusombe panu munkatshi mua bantu babi, bapambuke, bu bana ba Mvidi Mukulu, badibu kabayi mua kudiwula. Nudi ne bua kukenka munkatshi muabu bu mitotu ya mu diulu,

Didimanyisha 21:23

Tshimenga katshiena tshikengela butoke bua diba, nansha bua ngondu, bualu butumbi bua Mvidi Mukulu budi butshitokesha; kabidi Muana wa mukoku ke muendu watshi.

Matayi 4:16

Bantu badi basomba mu midima nebamone butooke bunene! Bantu badi basomba mu ditunga dia lufu mu midima, butooke nebubakenkele!”

Yeshaya 9:2

Maweja-Nangila, wewe kubasankisha bikole, kuvudija musangelu wabu! Badi basanka kumpala kuebe, mudi bantu batshionkomoka matuku a kunowa, mudibu babanyangana bivuabu bapawule mu mvita, beela mbila ya disanka.

Yowanane 3:19

Telejayi mudi tshilumbu pa buloba: butoke mbufike pa buloba, kadi bantu kunanga bikole miidima kumpala kua butoke, bualu badi benza malu mabi.

Luke 2:32

Ke butoke budi bumanyisha bisamba bionsu muudi, bupetesha bena Izrayele, bantu bebe, lumu.

Didimanyisha 21:11

Tshimenga tshivua tshiwule ne butumbi bua Mvidi Mukulu, tshibalakana bu dibue dia mushinga mukole, bu dibue dia yaspise, dimueneka munda ne panyima bu lusoka lua kristale.

Misambu 87:3

Wewe tshimenga tshia Mvidi Mukulu, Mvidi Mukulu udi ukutumbisha wamba ne:

Misambu 102:16

Bisamba bionsu bia bantu benyi bitshine Maweja-Nangila, bakalenga bonsu ba pa buloba bujima batshine butumbi buende.

Yeshaya 2:5

Nuenu, ndelanganyi ya Yakobe, vuayi, tuende bonsu pamue, mu butoke bua Maweja-Nangila.

Yeshaya 4:5

nenku Maweja-Nangila neasombe pa mukuna wa Siyone, munkatshi mua bantu badi basangilamu. Mu munya divuba dia muinshi, butuku tshimunyi tshia kapia, nebileje bantu mudi Maweja-Nangila munkatshi muabu, ubalama. Butumbi abu nebubambuluishe,

Yeshaya 24:23

Pashishe ngondu neakunzubile, diba nedibuitshidile ne bundu. Bualu Maweja-Nangila muena bukole buonsu, neadie bumfumu mu Yerushalayime pa mukuna wa Siyone. Bakulu ba ditunga, nebamone butumbi buende.

Yeshaya 28:5

Dituku dikuabu, Maweja-Nangila muena bukole buonsu neikale tshikata tshia lumu, tshifulu tshilengeja ne bilongu bimpe, tshisankisha bantu badi bashala ne muoyi.

Yeshaya 35:2

bilenga bu kapapankole! Eyowa, ditunga dimeneshe bilongu, disangale, diele mbila ya disanka! Maweja-Nangila neadipeshe buimpe bua mikuna ya Lebanone, bulenga bua mukuna wa Karmele, ne bua mpata wa Sarone. Nenku bantu bonsu nebamone butumbi bua Maweja-Nangila, buneme bua Mvidi Mukulu wetu.

Yeshaya 42:6

“Meme Maweja-Nangila, mvua mukubikile, bua ukumbaje meji andi nawu. Meme ndi nkuambuluisha. Mvua mukuenze, bua utuadile bantu bupole, ukumbaje bimvua mulaye bantu, wikale butoke munkatshi mua matunga.

Yeshaya 66:11

Nenku nutshionkomoke! Nenudie nuukute, padi Yerushalayime unusamba, unudisha, mudi mukaji wamusha muana dibele, bua bana banue dibele ne disanka.

Yeshaya 62:1

Bu mundi nkunanga, Yerushalayime, tshiakupuwa to. Bu mundi nkunanga Siyone, tshiakushala amu patupu, tshiyi ngenza bualu to. Nensengelele Mvidi Mukulu too ne ku diba didi lupandu luebe lumueneka, mudi butoke bukenka mu munya, ne tshimunyi tshia kapia butuku.

Yeshaya 62:2

Bisamba bia bantu nebimone mudi Maweja-Nangila mukupikule. Bakalenga bonsu nebabandile lumu luebe. Bantu nebakuinyike dina dipiadipia, didi Maweja-Nangila mukubikile nadi.

Yezekiyele 43:4

Butumbi bua Maweja-Nangila kubuela mu nzubu wende, bupitshila ku tshiibi tshia luseke ludi diba dipatukila lua nzubu.