Yeshaya 6:13 - MUKANDA WA MYIDI MUKULU

¹³ Ku bantu dikumi, anu umue neapanduke ku tshinyangu. Yeye awu neabutuke kabidi. Neikale bu lutonga ludi lutoloka ku tshikuku tshia lusanga, nansha tshia mutshi wa terebinte. Nebaludie kudi nyama. Kadi tshikuku tshidi tshishala, netshisangule bantu badi banemeka Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Biashalamu tshia dikumi, tshiotshi netshioshibue mu kahia tshiakabidi, bu mudi mutshi wa telebinta anyi mutshi wa chêne ishiya bikuka hayitahabo hanshi. Tunkanunuina tua tshijila netuikale tshikuka tshia bantu aba.

Yeshaya 6:13 交叉引用

Genese 22:18

Bisamba bionsu bia pa buloba nebipetele diakalenga ku ndelanganyi yebe, bualu witabi mikenji yanyi.

Ezela 9:2

Bavua basele bakaji ba mu ditunga edi, baselele babu bana ba balume bakaji ba bena bisamba abi. Nanku bantu ba tshijila mbamane kubuelakana ne bena ditunga. Bamfumu ne balombodi ba bantu ke bavua ba kumpala ku dienza bualu bubi bua mushindu ewu.

Marke 13:20

Bu Maweja-Nangila kayi mukepeshe bungi bua matuku awu, muntu nansha umue kavua mua kupanda. Kadi mmuakepeshe bua bantu bende badiye musungule.

Malaki 2:15

Maweja-Nangila ki ngudi munuenze nende muntu umue ku mubidi ne ku lungenyi anyi? Tshidi muntu umue awu wipatshila ntshinyi? Nkupeta bana badi bantu ba Mvidi Mukulu! Nenku nudilame bimpe, kanulekedi mukaji unuvua basele ku buana buenu.

Yeshaya 1:9

Kadi bu Maweja-Nangila muena bukole buonsu, kayi mupandishe kasumbu kakese ka bantu, tuvua mua kubutuka bu tshimenga tshia Sodome, tuvua mua kujimina bu tshimenga tshia Ngomore.

Rome 9:5

Badi ba ku ndelanganyi ya bankambua. Kristu mu buntu buende udi wa ku tshisamba tshiabu. Yeye Mvidi Mukulu, udi ku mutu kua bionsu, atumbe kashidi. Amene.

Yeshaya 4:3

Nenku bonsu bavua bapanduke mu Yerushalayime, basombe pa mikuna mu Siyone, nebabinyike ne: “Bantu ba Tshijila ba Maweja-Nangila.” Bantu aba ke bavua Maweja-Nangila mufunde mu mukanda wende, bua kusombabu mu Yerushalayime.

Matayi 24:22

Bu Mvidi Mukulu kayi mukepeshe bungi bua matuku awu, muntu nansha umue kavua mua kupanda. Kadi mmuakepeshe, bualu bua bantu badiye musungule.

Dielulula 7:6

Nuenu bena Izrayele nudi tshisamba tshijidila Maweja-Nangila Mvidi Mukulu wenu. Nuenu ke badi Maweja-Nangila musungule, bua nuikale tshisamba tshiende tshisunguluke munkatshi mua bisamba bikuabu bionsu bia pa buloba.

Yeshaya 11:1

Lutonga ludi lupatuka ku tshikuku tshia Ishayi. Ditamba dipiadipia didi dimena ku miji yende.

Yezekiyele 6:8

Kadi bantu bakese ba kunudi nembasungidile, nembapandishe ku mvita. Nembatume mu matunga a bantu benyi.

Amosa 5:3

Bualu Maweja-Nangila udi wamba ne: “Ku bantu tshinunu ba mu tshimenga bavua baye mu mvita, nebapingane amu lukama. Ku bantu lukama ba mu musoku, nebapingane amu dikumi. Nebienzeke nanku mu Izrayele mujima.”

Zekâya 13:8

Maweja-Nangila udi wamba kabidi ne: “Bia bisatu bibidi bia bena ditunga edi nebifue, amu tshia bisatu tshiabu tshimue ke tshiashala ne muoyi.

Dielulula 28:62

Nanku nansha nuenu bamane kusangana bu mitotu ya mulu, anu bantu bakese nebashale ne muoyi. Bualu nuvua babenge Maweja-Nangila Mvidi Mukulu wenu.

Ezela 9:8

Kadi Maweja-Nangila Mvidi Mukulu wetu, matuku makese aa, udi mutuleje muudi mutunange. Uvua muanyishe bua bana betu bavua bashale ne muoyi, bapingane mu buloba buebe bua tshijila. Nanku, bua luse luebe, Mvidi Mukulu wetu, mesu etu adi aleja tshiakabidi disanka. Tudi Nsanguluka kakese mu dikenga ditudi nadi.

Mika 5:6

— Bena Izrayele badi bashala ne muoyi munkatshi mua bisamba bia bungi, nebikale bu lumuma ludi Maweja-Nangila ulokesha, bu mvula ulokela pa bisosa. Kabena balomba bantu tshintu, badi batekemena amu Maweja-Nangila.

Sefanya 3:12

Nenshiye amu bantu bapuekele ne bapele munkatshi muenu, badi bandomba bua meme kubakuba.