Yeshaya 55:4 - MUKANDA WA MYIDI MUKULU

⁴ Meme kumuteka, bua ikale mukalenga wa bukua matunga. Ke nuwuaye ne bua kushindika bumfumu buanyi munkatshi mua bisamba.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Monai, nakamusungula bu mumanyi wanyi kudi bantu, bu mukokeshi wabo ne kapitene ka bantu.

Yeshaya 55:4 交叉引用

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.

Danyele 9:25

Umanye bimpe, ujingulule ne: kudi bidimu muanda mutekete misangu muanda mutekete, kubangila ku diba divuabu bamanyishe mukenji wa dipingana dia bena tshimuangi, ne wa dibakulula dia Yerushalayime, too ne ku diba didi mfumu wa tshijila upatuka kuudi. Pashishe bidimu muanda mutekete misangu makumi asambombu ne ibidi nebibakulule tshimenga ne bimana biatshi. Kadi matuku awu neikale a ntatu.

Ebrewu 2:10

Bualu Mvidi Mukulu — udi mufuke bionsu, kabidi udibu bafukila bionsu — uvua ne bua kupitshisha Yezu mu makenga bua kumufikisha ku bujima buende, bua amone mua kubueja bana bende bavule mu butumbi buende. Bualu Yezu ke udi ubafikisha ku lupandu.

Yowanane 18:37

Ke Pilate kumukonka ne: — Nanku udi mukalenga anyi? Yezu kumuandamuna ne: — Anu muudi muambe amu: Ndi mukalenga. Meme tshidibu bandelele, kabidi tshindi mufikile panu apa, mbua kujadika malu malelela. Muntu yonsu udi munangi wa bulelela udi uteleja bindi ngamba.

Osheya 3:5

Pashishe, bena Izrayele nebapingane kudi Maweja-Nangila. Nebapingane kudi Mvidi Mukulu wabu, ne kudi mukalenga wabu wa ku ndelanganyi ya Davide. Matuku atshidi kumpala, bena Izrayele nebakebe Maweja-Nangila, nebamunemeke, nebatekemene bintu amu kudiye.

Yirmeya 30:9

Kadi nebankuatshile mudimu meme Maweja-Nangila Mvidi Mukulu wabu. Nenku nempingaje mu bukalenga bua Davide muana wa ku ndelanganyi yende. Nebamuenzele mudimu, bualu mmukalenga wabu.

Misambu 18:43

Ndi mbavingutula, mbenza lupuishi, ludi mvunde upepula, mbadiata bu bitotshi bia mu njila.

Misambu 2:6

“Ndi mubanjije mukalenga umvua musungule bua adie bukalenga mu Siyone, pa mukuna wanyi wa tshijila.”

Didimanyisha 3:14

— Fundila mutumibue wa Tshisumbu tshia bena ditaba ba mu Lawodikiya ne: “Amene, mujadiki wa malu malelela ne wa diyi dimue, mfuki wa bionsu bivua Mvidi Mukulu mufuke, udi wamba ne:

Ebrewu 5:9

Bamane kumufikisha ku bujima buende, ukadi mpokolu wa lupandu lua tshiendelele bua bantu bonsu badi bamutumikila.

1 Timote 6:13

Kumpala kua Mvidi Mukulu, udi upa bintu bionsu muoyi, kumpala kua Yezu Kristu, uvua mujukule ditaba diende ne miaku milenga kumpala kua Ponsiyo-Pilate, ndi nkulomba ne:

Yowanane 12:26

Pikala muntu musue kungenzela mudimu, udi ne bua kundonda. Nanku muena mudimu wanyi neikale kabidi muaba undi. Tatu wanyi udi utumbisha muntu udi ungenzela mudimu.

Yowanane 3:16

Bualu Mvidi Mukulu uvua munange bantu bikole. Ke mutataye mubapeshe Muanende mulela umue, bua muntu yonsu udi umuitaba kafu to, kadi ikale ne muoyi wa tshiendelele.

Matayi 2:6

“Wewe, Betleyeme, musoku wa mu ditunga dia Yudeya, kuena mushadile ku misoku yonsu ya mu ditunga dia Yudeya. Bualu kuudi wewe nkuafumina mfumu, mulombodi wa bantu banyi, bena Izrayele.”

2 Tesalonike 1:8

Neatulukile bu kapia kela ndimi, bua kunyoka badi kabayi banemeka Mvidi Mukulu, kabayi bitaba Lumu lua Disanka lua Mfumu wetu Yezu.

Efeze 5:24

Nanku bakaji batumikile babayabu mu malu onsu, anu bu mudi Tshisumbu tshia bena ditaba tshitumikila Kristu.

Yowanane 13:13

Nudi numbikila “Mulongeshi,” kabidi “Mfumu.” Nudi nuamba bimpe. Ke mundi.

Yowanane 10:27

Mikoku yanyi idi iteleja diyi dianyi. Ndi muyimanye. Idi indonda.

Yowanane 10:3

Mulami wa ku tshiibi udi umunzuluila tshiibi, mikoku idi iteleja diyi diende. Udi ubikila mikoku yende, mukoku onsu mu dina diawu, uyipatula pambelu.

Yeshaya 16:5

Diba adi, bu munudi nudileja luse luenu, muntu wa ku ndelanganyi ya Davide, neasombe kashidi mu nkuasa wa bukalenga. Nealumbuluishe bantu, neakose nsambu pa yoyi, nealudike bantu mu njila muimpe.”

Yezekiyele 37:24

Muntu mufuanangane ne muntu wanyi Davide neikale mukalenga wenu, mulami wenu umuepele. Nenuitabe meyi anyi. Nenukumbaje mikenji yanyi yonsu imvua munupe.

Yezekiyele 37:25

Nenusombe mu ditunga dimvua mupe muntu wanyi Yakobe, mutua bankambua benu basombe. Nenushalemu kashidi, nuenu, bana benu, ne ndelanganyi yenu yonsu. Muntu mufuanangane ne muntu wanyi Davide, neashale mukalenga wenu kashidi.

2 Samuele 22:44

Udi mumpikule kudi bantu banyi, badi bantombokela. Udi mundame, nshala mukalenga wa bisamba. Bantu bandi tshiyi mumanye, badi bangenzela mudimu.

Yeshaya 43:10

Maweja-Nangila udi wamba ne: Bajadiki ba malu anyi, ke nuenu bantu banyi. Nudi bena mudimu banyi, bandi musungule. Dijinga dianyi didi ne: numanye, nuitabe, nujingulule ne: Meme ndi nganyi. Kumpala kuanyi, kakuvua mvidie, panyima panyi, kakuakuikala mvidie mukuabu.

Yeshaya 43:12

Meme ke udi unupandisha. Meme ke uvua mumanyishe bualu ebu kumpala. Ki mmvidie wa bikuabu bisamba uvua muenze nanku nansha! Nudi bajadike ne: meme ndi Mvidi Mukulu!