Yeshaya 55:2 - MUKANDA WA MYIDI MUKULU

² Tshinudi nutudila makuta bua diampa didi kadiyi didisha mubidi ntshinyi? Tshinudi nuditatshishila kanuyi mua kuukuta ntshinyi? Panuikala banteleje, nenupete tshiakudia, tshidi tshilengelela mubidi. Nenudie biakudia bidi bimpe bitambe, nuukuta.

Mukanda wa Nzambi Dihungila Dikulukulu ne Dihungila Dihia-dihia 2003

² Munyi munudi nuidikishila bantu argent bua kusumba tshidi katshiyi bidia? Nudi nufila luhetu lua ku mudimu wenu bua kusumba tshidi katshiyi tshinukuatshisha munyi? Binuangunvuila bimpe, nenudie tshintu tshidi tshilengele, ne mitshima yenu neyisanke mu bia kudia bidi ne manyi.

Yeshaya 55:2 交叉引用

Yirmeya 2:13

Bantu banyi bena Izrayele mbenze malu mabi abidi: Mbambenge meme, mpokolu wa mayi mimpe. Mbadiumbuile biina bia mayi. Kadi biina bia mayi abi mbimane kuela mitanta, kabiena mua kulama mayi to!

Misambu 36:8

Mvidi Mukulu wanyi, wewe udi utunanga bikole; ke patudi tusokomena mu mapuapua ebe.

Misambu 22:26

Maweja-Nangila, ke pandi nkutumbisha mu tshisangilu tshinene, nkulambula milambu imvua mukulaye, bantu bebe batangile!

Ebrewu 13:9

Kanumbuki mu njila mulelela, bua kuitaba malongesha mashilangane adi kaayi etu. Bidi bimpe bua dinanga didi Mvidi Mukulu utunanga nadi dikoleshe muoyi wetu, mikenji idi itangila biakudia kayena mua kuenza nanku. Badi bitabe mikenji ya mushindu ewu, katshia kabena mua kupeta kantu nansha kakese.

Yirmeya 31:14

Nempeshe batuangaji munyinyi muimpe wa nyama ya mafuta ya milambu. Nenkumbaje majinga onsu adi bantu banyi nawu.

Abakuke 2:13

Bantu banuvua bakuate mu bupika, bavua baditatshisha patupu. Bipeta bionsu nebibutuke mu kapia. Maweja-Nangila wa bukole buonsu, ke udi ukumbaja bionsu abi.

Osheya 8:7

Nanku, tshiudi ukuna, ke tshiudi upola. Udi ubuelakana ne mvidie ya patupu, udi udienza kabidi wa patupu. Tshikolakola katshiyi ne miepu, katshiena mua kupetesha ntete ya kuenza bukula to. Nansha yoyi mitupeshe bukula, nebabudie anu kudi bantu benyi.

Yeshaya 51:7

“Ntelejayi, nuenu badi bamanye tshindi musue. Nuenu bantu banyi badi bangata meyi anyi ne mushinga, kanutshinyi bantu badi banupenda. Kanutu bundu bua padi bantu banuseka.

Marke 7:14

Pashishe Yezu kubikila bantu tshiakabidi, kubambilaye ne: — Nuenu bonsu, nunteleje, mimanye bimpe ne:

Matayi 22:4

Pashishe kutumaye bena mudimu bakuabu, ubambila ne: “Ambilayi bamvua mubikile ne: mpindiewu nkadi mumane kulongolola didia dianyi. Ndi mushipe ngombe milume, ne nyama mikuabu mimpe ya mafuta. Bionsu biakumbanyi! Vuayi mu didia dia dibaka!”

Yeshaya 51:1

Maweja-Nangila udi wamba ne: “Nuenu badi bakeba lupandu, nuenu badi balukeba kundi, ntelejayi. Tangilayi mudibu banusonge ne dibue dia mu lubuebue lukole. Vulukayi mudibu banupatule muaba udibu bapandila mabue mimpe.

Misambu 63:5

nkuela tuasakidila matuku onsu andi ne muoyi. Nengele bianza mulu bua kukusamuna.

Rome 9:31

Kadi bena tshisamba tshia Izrayele bavua bakeba mikenji ivua mua kubabingisha ku mesu kua Mvidi Mukulu, ki mbapete tshikuabu bipatshila nansha.

Matayi 15:9

Padibu bantendelela, kabena bapeta tshintu, bualu bidibu balongesha, bidi amu mikenji ya bantu.

Yeshaya 51:4

Maweja-Nangila udi wamba ne: “Nuenu bantu banyi, ntelejayi bimpe. Nuenu bena ditunga dianyi, teyayi matshi enu kundi. Meme ke udi umanyisha bantu meyi. Meyi ne mikandu bindi ngela, nebitokeshile bantu ba pa buloba njila.

Yeshaya 1:19

Eyowa, panuikala bakumbaje mikenji yanyi, panuikala banteleje, nenudie bintu bimpe bia mu ditunga dienu.

Nsumuinu 9:5

“Luakunuayi, nudie ku mesa anyi, nunue maluvu andi munuenzele.

Misambu 34:11

Baneme kabena pa kusokoma, bua tshiyole ne bua nzala. Kadi badi batekemena Maweja-Nangila, nebapete bionsu bidibu bakengela.

Rome 10:17

Nenku ditaba didi difuma ku diteleja dia Lumu ludibu batumanyisha. Lumu alu ludi lufuma ku muaku uvua Kristu mene muambe.

Luke 15:23

Nufike ne muana wa ngombe utudi badiundishe, numushipe, bua tudie didia dinene dia disanka.

Osheya 12:1

Maweja-Nangila udi wamba ne: Bena Efrayime badi bandinga, banshima nseke yonsu. Bena Yuda kabidi batshidi amu bantombokela, meme Mvidi Mukulu wabu wa tshijila.

Yeshaya 46:6

Bantu badi batula mpetu yabu yonsu. Badi bapima nkanu mitoke ya mushinga mukole, ne biamu bia mpawungi. Badi bangata nsenda wa mpawungi ku mudimu, bua abafudile mvidie, udibu batendelela, udibu bakukuila.

Yeshaya 25:6

Maweja-Nangila muena bukole buonsu, nealongoluele bantu bonsu didia dinene, pa mukuna wa Siyone. Bantu nebadie minyinyi ya mafuta, banue maluvu masheme, — minyinyi mimpe mitekete, maluvu a mvinyo mimpe menemene, mamane kulala bidimu. —

Muambi 6:2

Tuambe ne: Mvidi Mukulu mmupeshe muntu kampanda bubanji, biuma ne lumu lunene. Muntu awu udi ne bionsu bidiye ujinga. Kadi Mvidi Mukulu kena musue bua asanke nabi to. Muntu mukuabu udi ubidia. Bualu abu mbualu bubi, ndikenga dipite bunene!

Nsumuinu 8:32

“Kadi mpindiewu, bana banyi, ntelejayi. Panuikala nulonda mibelu yanyi, nenupete diakalenga.

Dielulula 11:13

Nuenu bakumbaje bimpe mikenji ya Maweja-Nangila Mvidi Mukulu, indi nnuambila lelu eyi, nuenu bamunange, bamuenzele mudimu ne muoyi wenu mujima ne bukole buenu buonsu,

Ekesode 15:26

Maweja-Nangila kubambila ne: “Nuenu bateleje diyi dianyi meme, Maweja-Nangila, Mvidi Mukulu wenu, bakumbaje bilenga bindi nnuambila, batumikile mikenji yanyi, tshiakunutumina dikenga nansha dimue, bu mumvua mutumine bena Ejipitu. Bualu meme ndi Maweja-Nangila, udi unondapa.”

Yeshaya 44:20

Bivua mua kuikala bimpe, batendelele nansha butu! Muoyi wabu mmubatshimbakaje, mubadinge. Mvidie wabu kena ubasungidila to. Kadi bobu mene kabena badiamba ne: “Bushuwa tshitudi natshi mu bianza, tshidi amu mvidie wa dishima.”

Nsumuinu 7:23

Mukete kumutua kumutubula mutshima. Udi bu nyunyi udiela mu nsumba, kayi umanya muaba udi lufu lumuindila.

Nsumuinu 1:33

Kadi muntu udi unteleja udi ushala mu bupole. Neasombe talalaa kayi utshina dikenga to.”

Matayi 5:6

Bantu badi bajinga muabu muonsu mua kukumbaja bidi Mvidi Mukulu musue, ke bena diakalenga, bualu Mvidi Mukulu neabakumbajile bionsu bidibu bajinga!

Yowanane 6:27

Kanukuatshi mudimu bua biakudia bidi binyanguka. Kadi nuenze mudimu bua biakudia bidi bishala, bifikisha bantu ku muoyi wa kashidi. Muana wa muntu neanupe biakudia abi, bualu Mvidi Mukulu Tatu mmumutue tshitampi tshia bumfumu buende.

Yeshaya 10:27

Dituku adi, neakumushile bujitu budi bukunemenena pa makaya. Neakupepejile mutshi uuvua wambula nawu bintu bia bujitu pa dikaya diebe. Bena mvita ba bena Ashure badi baya mu Samariya,

Yeshaya 62:8

Maweja-Nangila mmuditshipe, wamba ne: “Bulelela, bu mundi ne bukole bua kuenza tshindi musue, ndi nditshipa kudi bantu banyi ne: tshiena mua kuitaba bua baluishi bebe kudiabu ntete ya bukula iudi mudime, nansha bua bantu badi bafuma ku matunga a bende kunuabu maluvu mapiamapia, audi mutatshile ne midimu.

Yeshaya 62:9

Amu bantu bavua banowa ntete ya kuenza bukula, nebayidie, batumbisha Maweja-Nangila. Bavua bapole tumuma tua mvinyo, nebanue maluvu mu lubanza lua nzubu wanyi wa tshijila.”

Yeshaya 65:23

Kabakukuata kabidi midimu amu patupu. Kabakulela kabidi bana, bua bana kufuabu to. Bualu bobu ne bana babu, nebikale bena tshisamba tshindi ngela lupemba.

Yirmeya 12:13

Nuenu kumiamina ntete ya kuenza bukula, kadi nudi nunowa amu meba ne mingonga. Nuvua batate bikole, kadi kanuakupeta nansha kantu. Nudi nufua bundu, nuzakala! Binuvua mua kunowa bidi binyanguke, bua tshiji tshikole tshimvua natshi.

Yirmeya 17:24

“Meme Maweja-Nangila ndi ngamba ne: Nuenu bonsu nunteleje bimpe. Dituku dia Dikisha kanupitshidi ne bujitu ku biibi bia bimenga. Nunemeke dituku edi, dikale dianyi meme. Midimu yonsu ipumbe.