Yeshaya 54:1 - MUKANDA WA MYIDI MUKULU

¹ Wewe Yerushalayime, ukavua bu mukaji uvua kayi ne bana. Ela mbila mikole ya disanka. Wewe uvua kuyi ulela kabidi bana ba balume, Sankaku amu kusanka. Bualu Maweja-Nangila udi wamba ne: “Wewe mukaji mudiombola, udi ne bana ba bungi mpindiewu, bapite ba mukaji udibu banange kudi bayende.”

Mukanda wa Nzambi Dihungila Dikulukulu ne Dihungila Dihia-dihia 2003

¹ Imba biebe, wewe mukashi wa nkumba, wewe udi kuyi mulele; bandisha mei ebe mu kuimba kua misambu, wela dî dikole, wewe udi kuyi muikale ne didinyenga dia ha kulela! Bualu bua Yehowa udi wamba ne, Bana ba mukashi udi mushale hatuhu badi bahita bana ba mukashi mubaka bungi.

Yeshaya 54:1 交叉引用

Ngalate 4:27

Bualu Mikanda ya tshijila idi yamba ne: “Sankaku, wewe mukaji udi kuyi ne bana! Ela mbila ya disanka, wewe udi kuyi mumvue dikenga dia pa kulela! Bualu mukaji muabu babenge, neikale ne bana bavule, bapite ba mukaji udi bayende munange.”

Yeshaya 62:4

Kabakukuinyika kabidi ne: “Mmukaji udibu babenge”. Ditunga diebe kabena badinyika kabidi ne: “Mbuloba bunyanguke”. Kadi nebakuinyike ne: “Munanga wa Maweja-Nangila”. Nebinyike buloba buebe ne: “Ke mukaji udi usomba mu dibaka dimpe”. Bualu neusankishe Maweja-Nangila bulelela, kabidi buloba buebe nebuikale bu mukaji musela.

1 Samuele 2:5

Bavua badia bukuta, badi bakeba mudimu bua kupeta biakudia. Kadi bavua ne nzala, kabena ne bua kukuata mudimu kabidi to. Mukaji wa nkumba udi ulela, bana muanda mutekete, kadi mukaji uvua ne bana ba bungi, udi ushala nkumba.

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Misambu 113:9

Udi upesha mukaji udi kayi mulele nzubu, umupa disanka dia mamu wa bana. Tumbishayi Maweja-Nangila, Aleluya!

Sefanya 3:14

Tshimenga tshia Siyone, sankaku! Bena Izrayele, elayi tunkunduluila. Yerushalayime, sanguluka ne muoyi webe mujima.

Yeshaya 49:13

Diulu, lejaku disanka diebe! Buloba, Sankaku! Mikuna minene, imbayi misambu ne meyi makole. Bualu Maweja-Nangila udi usamba bantu bende. Bantu bende badi bakenga, udi ubafuila luse.

Yeshaya 49:20

Uvua udimona bu uvua kuyi ne bana. Kadi neunwue bana bebe bamba ne: “Meme tshiena ne muaba to. Semenaku kakese, bua mmone mua kusomba.”

Yeshaya 44:23

Eyowa, Maweja-Nangila udi muenze bualu. Diulu, leja disanka diebe patoke. Bidi mu kandondu ka buloba, imbayi ne meyi makole. Nuenu mitshi idi mu metu, nuenu kabidi mikuna, elayi mbila ya disanka. Bualu Maweja-Nangila udi upandisha bantu bende. Udi uleja lumu luende, padiye usungidila bena Izrayele.

Musambu wa Solomo 8:8

Tudi ne muanetu wa bakaji, kadi utshidi muana mutekete. Kena muanji kuasa mabele to. Netumuenzele tshinyi, padi diba dia kumusela dikumbana?

Genese 21:6

Sara kusanka wamba ne: — Mvidi Mukulu mmunsekeshe. Nanku bonsu bumvue batela Izake nebaseke pamue nanyi.

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Yeshaya 24:14

Bantu bikale bashale ne muoyi nebimbe musambu, batumbisha bunene bua Maweja-Nangila. Badi bela mbila ya disanka, bafuma ku luseke ludi diba dibuelela, bamba ne:

Yeshaya 49:19

Bushuwa bavua banyanga ditunga diebe, badishiya kamuyi bantu. Kadi mpindiewu kadiakuikala bunene bukumbana, bua bungi bua bantu badi bavua kusombamu. Diba adi bavua bakubutula, nebende basemena kule.

Yeshaya 66:7

Tshimenga tshianyi tshidi bu mukaji udi ukeba kulela. Makenga a pa lulelu kaayi manji kumukuata, udi ulela muana wa balume, kayi muanji kubuela mu dikenga dia pa lulelu.