Yeshaya 53:1 - MUKANDA WA MYIDI MUKULU

¹ Wa kutudi uvua mua kuitaba bualu, budibu batuambila mpindiewu, nnganyi? Wa kutudi uvua mua kuela meji a ne: Maweja-Nangila nealeje bukole buende nanku, nnganyi?

Mukanda wa Nzambi Dihungila Dikulukulu ne Dihungila Dihia-dihia 2003

¹ Wakuitabusha bualu butuakunvua nganyi? Diboko dia Yehowa diakubuluibua kudi nganyi?

Yeshaya 53:1 交叉引用

Yowanane 12:38

Ke muvua miaku ya muambi Yeshaya ikumbana ne: “Maweja-Nangila, udi muitabe bituvua bambe nnganyi? Uvua Maweja-Nangila muleje bivuaye musue kuenza nnganyi.”

1 Korente 1:18

Bualu bantu badi kabayi benda mu njila wa lupandu, badi batangila dilongesha dia bualu bua lufu lua Kristu pa mutshi mutshiamakane, bu dilongesha dia bupale. Kadi bualu buetu tuetu badi benda mu njila awu, dilongesha adi didi bukole bua Mvidi Mukulu.

Yowanane 1:12

Kadi bamue kuwakidila, kuwitaba. Kubapeshawu bukole bua kuikala bana ba Mvidi Mukulu.

Matayi 16:17

Pashishe Yezu kumuambila ne: — Wewe Simone, muana wa Yowanane, udi wa diakalenga, bualu udi mukujanduile bulelela ebu, ki mmuntu wa mubidi ne mashi to, kadi nTatu wanyi udi mu diulu.

Matayi 11:25

Tshikondu atshi, Yezu uvua wamba ne: — Eyo, Tatu, Mfumu wa diulu ne buloba, ndi nkutumbisha, bualu udi muambile bantu bashadile malu audi musokoke bena meji ne bantu bavua balonga mikanda.

1 Korente 1:24

Kadi bua bonsu badi Mvidi Mukulu mubikile, nansha bena Yuda nansha bantu ba bisamba bikuabu, Kristu udi bukole bua Mvidi Mukulu, kabidi ne meji a Mvidi Mukulu.

Yeshaya 40:5

Diba adi, butumbi bua Maweja-Nangila nebumueneke. Bantu bonsu nebamumone diakamue. Ke mudi Maweja-Nangila muambe nanku.”

Yeshaya 52:10

Maweja-Nangila nealeje bukole buende, bua kukumbaja mudimu wende wa tshijila, bena mu matunga onsu bamona. Too ne ku ndekelu wa buloba, nebamone lupandu, ludi Mvidi Mukulu wetu ututuadila.

Yeshaya 51:9

Wewe Maweja-Nangila, tabalaku. Juka lukasa, kunengakanyi. Leja bukole buebe tshiakabidi. Ubuleje bu muuvua muenze kale mu bikondu bipite. Uvua mushipe, musaye Rakabe, nyama wa tshikisu wa mu mayi manene, ki ngwewe anyi?

Yowanane 1:7

Yeye uvua mulue kujadika malu, bua kumanyisha bantu malu a butoke. Uvua mulue bua bantu bonsu bitabe tshidiye wamba.

Yeshaya 62:8

Maweja-Nangila mmuditshipe, wamba ne: “Bulelela, bu mundi ne bukole bua kuenza tshindi musue, ndi nditshipa kudi bantu banyi ne: tshiena mua kuitaba bua baluishi bebe kudiabu ntete ya bukula iudi mudime, nansha bua bantu badi bafuma ku matunga a bende kunuabu maluvu mapiamapia, audi mutatshile ne midimu.

Luke 18:31

Yezu kubikila balongi bende dikumi ne babidi, kubambila ne: — Telejayi. Tukadi tuya ku Yerushalayime. Muaba awu bionsu bivua bambi bafunde bua Muana wa muntu nebikumbane.

Yeshaya 59:16

Maweja-Nangila uvua mumone muvua muntu nansha umue kayi wambuluisha bavuabu bakengesha. Uvua ukema, bua pavua bantu kabayi bambuluishangana. Ke mudiye musue kukuata mudimu yeye mene. Bu mudiye unanga bantu, udi ukeba kubasungidila.