Yeshaya 50:6 - MUKANDA WA MYIDI MUKULU

⁶ Ndi ntuma nyima wanyi kudi bantu badi bantuuta. Ndi ndeja mbanga yanyi kudi bantu badi bantula muedi. Tshiena mbuikila mpala wanyi, padibu bantuila mate, bampenda.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nakafila nyima wanyi kudi batutshi, ne matama anyi kudi batudi ba nsuki ya muedi wanyi; tshiakasokoka mpala wanyi ku bundu ne kudi batuidi ba lute.

Yeshaya 50:6 交叉引用

Matayi 26:67

Pashishe bamue kumufuila mate mu mpala, kumututa bisusu. Bakuabu kumukuma mapi,

Marke 14:65

Bamue ba kudibu kubanga kutuila Yezu mate pambidi, bamubuikila tshilamba ku mpala, bamutuuta bisusu bamuamba ne: — Jandula udi ukuenza nanku awu. Basolayi kumuangata, kumutuuta mapi.

Marke 15:19

Bavua bamutuuta lukodi ku mutu, bamutuila mate pambidi, bamutuila binu panshi kumpala kuende bua kumukukuila.

Matayi 27:30

Bavua bamutuila mate, bangata dilenga, bamufuta nadi ku mutu.

Yeshaya 53:5

Kadi bavua bamutape mputa, amu bua mibi yetu. Bavua bamukengeshe, amu bua buenzayi buetu. Bavua bamunyoke yeye, bandekele tuetu babinga. Bavua bamutuute bikole, kutulekela tuetu, kabayi nansha batulenga pambidi.

Yowanane 18:22

Yezu wamba nanku, umue wa ku balami, uvua muimane pabuipi nende, kumutapaye dipi, wamba ne: — Ke muudi wandamuna mutuangaji munene anyi?

Muadi 3:30

Afile ditama kudi udi umukuma, nansha mudie bipendu muukute.

Ebrewu 12:2

Tutangile Yezu, mfuki wa ditaba dietu, udi mua kudifikisha kabidi ku bujima buadi. Bua kupeta disanka divuabu bamulamine, kuitabaye bua bamushipe ku mutshi mutshiamakane, kayi umvua bundu bua lufu lua mushindu ewu. Mpindiewu udi musombe ku dia balume dia nkuasa wa butumbi wa Mvidi Mukulu.

Matayi 5:39

Kadi meme ndi nnukandika ne: kanusombuedi muntu udi unuenzela bibi. Padi muntu ukukuma dipi ku ditama dia balume, umuandamuine kabidi ditama dia bakaji.

Nehemya 13:25

Meme kubatandisha, kubela milawu. Meme kutuuta bantu bakuabu, kubatula nsuki. Pashishe meme kubambila bua baditshipe kudi Mvidi Mukulu, bua kabaseleshi kabidi bana babu kudi bantu benyi. Kabidi kabaseledi babu bana bakaji ba bantu benyi. Bobu bine kabena mua kusela bakaji ba bantu benyi.

Matayi 27:26

Nanku Pilate kubalekela Barabase, kututshisha Yezu mikaba. Kutumaye kabidi diyi bua bapopele Yezu pa mutshi mutshiamakane.

Mika 5:1

Maweja-Nangila udi wamba ne: “Wewe Betleyeme wa mu Efrata, ku misoku yonsu ya bena meku a Yuda, udi musoku udi ne bantu bakese. Kadi nempatule muntu wa munda muebe, bua alombole mu dina dianyi, tshisamba tshia bena Izrayele. Muntu awu uvuaku ku kale ne kalele.”

Dibadika 12:14

Maweja-Nangila kuambila Moshe ne: — Bu tatuende mumutuile mate mu mesu, kavua mua kufua bundu lumingu lujima anyi? Nanku numupatule mu mitanda bua lumingu lujima kabidi. Pashishe, neapingane kabidi munkatshi muenu.

Yobe 16:10

Bantu badi bakula amu kuakula, bantandisha, bantuta mapi, bampenda, badi badikunguja bua kunduisha.

Yobe 30:10

Badi bantshina, bansesuka, banjebula. Badi bangela mata mu mesu kabayi bundu.

Misambu 69:7

Maweja-Nangila, Mvidi Mukulu wa bukole buonsu, kufuishi bantu badi batekemena kuudi bundu. Mvidi Mukulu wa Izrayele, kuyi ungambuluisha, bantu bonsu aba nebakuangate bibi.

Misambu 69:8

Badi bampenda, bangela bibingu, bualu ndi muntu webe!

Misambu 129:3

Kunjulabu mubundabunda panyima, bu bantu badi badima budimi.

Yeshaya 53:7

Bavua bamukengesha, yeye kudipuekesha. Kavua ukandamana. Kavua wamba bualu. Uvua bu muana wa mukoku udibu baya nawu ku tshishipelu. Uvua bu mukoku mu bianza bia badi baukulula boya, kauyi udila.