Yeshaya 50:1 - MUKANDA WA MYIDI MUKULU

¹ Maweja-Nangila udi unuebeja ne: Nudi nuamba ne: ndi mubenge Yerushalayime, mamuenu, kadi mukanda udi ujadika mundi munubenge wepi? Meme munusumbishe, munutume ku bupika, bua meme kufuta mabanza, kadi ndi munutume kudi nganyi? Eyowa, bavua banusumbishe bua malu enu mabi, bavua babenge mamuenu bua buntomboji buende, bua buntomboji buenu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa udi ukonka ne, Mukanda wa kushiha kua dibaka unakuha mamu webe hanakumûmusha udi hanyi? Nakukuhana kudi musombeshanganyi kai? Mona, bakukuhana bua malu mabi ebe, ne bua mantombokela ebe bakûmusha mamu webe.

Yeshaya 50:1 交叉引用

Dielulula 32:30

Pandi meme Maweja-Nangila, lubuebue ludi bukole buabu, mbafila mu bianza bia baluishi babu, muluishi umue neatshimune bena Izrayele tshinunu, baluishi babidi nebanyemeshe bena Izrayele binunu dikumi.

Yirmeya 3:8

Yuda mmujadike mumvua mupeshe Izrayele muena tshiendenda mukanda wa kushipa nawu dibaka, mumvua mumubenge, mumulekele bua tshiendenda tshiende. Kadi Yuda ntomboji kena utshina to. Kena umona bionsu ebi bu bualu to. Yeye mene ukadi ubanga kuenda tshiendenda.

Matayi 18:25

Muntu ewu kavua ne kantu ka kuhita dibanza edi. Nanku mukalenga wende kutuma diyi bua bamupane bu mupika, bapane kabidi mukajende, bana bende, ne bionsu bivuaye nabi bua kuhita dibanza diende.

Nehemya 5:5

Kadi tudi bantu ba tshisamba tshimue! Bana betu kabena bashilangane ne bana ba bena Yuda bakuabu to. Kadi tuetu tudi ne bua kufila bana betu mu bupika. Bana betu ba bakaji bakadi mene bamane kubuelamu. Katuena ne tshitadi mua kuenza kabidi to. Bualu madimi etu, ne mionji yetu ya mvinyo, mbamane kubiangata.”

2 Bakalenga 4:1

Mukaji mukuabu uvua mufuishe bayende. Bayende awu uvua wa mu tshisumbu tshia bambi. Mukaji awu kuya kudi Elisha, umusengelela bua kumuambuluisha, wamba ne: — Elisha, udi mumanye ne: bayanyi mmumane kufua. Kadi, muntu uvua mutusombeshe makuta, mmufike bua kuangata bana banyi babidi, bua bashale bapika bende.

Yeshaya 52:3

Maweja-Nangila udi wamba bantu bende ne: “Bavua banufile mu bupika tshianana, kabayi nansha banusumbe. Nanku nebanupikule tshianana, kabayi bafila nansha dikuta.”

Yirmeya 4:18

Yerushalayime, bionsu ebi bikuenzekela, bua buenzavi buebe, ne bua bubi buonsu buudi muenze. Udi umvua dikenga edi dikutonda, difika too ne ku muoyi webe wa munda. Didi bu muele udi mubuele mu muoyi webe.

Yirmeya 3:1

Maweja-Nangila udi ukonka ne: Pikala mulume mubenge mukajende, mumuipate, mukaji awu kumuselabu kudi mulume mukuabu, bayende wa kale udi mua kumuangata kabidi bu mukajende anyi? Nansha kakese! Ditunga didi mua kunyanguka. Kadi, wewe Izrayele, ndi njadika ne: udi mumane kuenda tshiendenda ne balume ba bungi. Muudi musue bua meme kukuangata kabidi bu mukajanyi mbishi?

Misambu 44:12

Udi utufila mu bianza biabu bu nyama ya kushipa. Bakadi batutangalaja mu matunga a bantu benyi.

2 Bakalenga 17:17

Bavua balambula bana babu ba balume ne ba bakaji bu mulambu wa kuosha. Bavua benza majimbu a mishindu yonsu. Nanku, bavua bafikisha Maweja-Nangila munda bualu bavua benza malu adiye mubenge.

Estere 7:4

Bena tshisamba tshianyi ne meme bavua batusumbishe bua batubutule, batushipe, kamuyi luse. Bu bobu batupane, bua kushala bapika tshianana, mvua mua kupuwa, tshivua mua kukusuya bua kukuambila bualu bua nenku to.

1 Bakalenga 21:25

Bulelela, katshia kabena banji kumona muntu usanka bua kuenza bidi Maweja-Nangila ubenga, bu mudi mukalenga Akabe usanka bua kuenza nanku. Kadi badi bamuenzeja bionsu ebi kudi mukajende Yezabele.

Ekesode 21:7

“Muntu musumbishe muanende wa bakaji ku bupika, kabena batekela mukaji awu bu mudibu batekela muntu mulume to.

Lewitiki 25:39

“Padi muanenu mu dikenga, yeye mudieyeka kunudi bua kunuenzela mudimu, kanumuenzeji mudimu bu mupika to.

Yeshaya 1:28

Padibu batombokela Maweja-Nangila, bamubenga, benzelangana bibi, nebabutuke.

Yeshaya 27:8

Bushuwa, mmubafundile tshibawu, tshia kuya mu tshimuangi, mu ditunga dia bende. Uvua mubumushe mu buloba buabu dituku dimue, ne lupepele lukole, luvua lufuma luseke ludi diba dipatukila.

Yeshaya 43:27

Nkambua webe wa kumpala ukavua mupile. Ke mudi kabidi balombodi ba ditunga diebe bantombokele lelu.

Yeshaya 46:8

Nuenu bantomboji, nuvuluke bimvua muenze kale. Nuelangane meji bimpe, nudilengeje.

Yeshaya 54:6

Maweja-Nangila uvua ukufuanyikija ne mukaji uvuabu bashiye kudi bayende, mushale ne kanyinganyinga kavule. Kadi Mvidi Mukulu webe udi wamba ne: “Mukaji uvuabu basungule mu bunsonga, mudibu mua kumulekela mmunyi?

Yeshaya 54:7

Mvua mukutokele bushuwa, kadi amu bua katupa kipi. Kadi bu mundi nkunanga bikole, ndi nkuangata tshiakabidi.

Yeshaya 58:1

Maweja-Nangila udi wamba ne: Ela lubilu lukole. Kulekedi to. Diyi diebe difike kule, bu mudi muadi wa mpungi. Vuluija bantu banyi mudibu bantombokela. Manyishayi ndelanganyi ya Yakobe bilema biayi.

Yeshaya 64:6

Kakuena muntu nansha umue udi ukeba kukulomba diambuluisha, ujinga kudilengeja, ukuitaba. Bualu wewe mene kuena musue kutumona kabidi. Ukadi mumane kutubenga bua bilema bietu.

Osheya 4:5

Udi ulenduka mu munya. Nansha muambi udi utetuka nebe butuku. Nembutule ne mamuebe Izrayele mene.