Yeshaya 5:21 - MUKANDA WA MYIDI MUKULU

²¹ Bantu bonsu badi baditangila bu bena meji, ne bena lungenyi, mbena diakabi!

Mukanda wa Nzambi Dihungila Dikulukulu ne Dihungila Dihia-dihia 2003

²¹ Mulau wikale kudi badi badimona bu bena meji, badi badimona bu bena budimu!

Yeshaya 5:21 交叉引用

Rome 12:16

Umvuanganayi munkatshi muenu. Kanuditambishi to. Kadi nuanyishe midimu mishadile yonsu. Kanudiangatshi bu bena meji.

Nsumuinu 3:7

Lekela kuditangila bu muena meji. Kadi tshina Maweja-Nangila, epuka bubi.

Nsumuinu 26:12

Wewe musangane muntu udiamba mudiye muena meji, mbimpe kutekemena kudi mutshimbakane pa muntu pa kutekemena kudiye.

Rome 1:22

Badi baditemba ne: tudi bena meji, kadi badi bantu bapale.

Yowanane 9:41

Yezu kubandamuna ne: — Bu nuenu bampofu, kanuvua mua kupila. Kadi bu munudi nuamba ne: “Tudi tumona,” nudi nushala bena tshibawu.

Nsumuinu 26:16

Muena lulengu udi mudimone muena meji mupite bantu muanda mutekete badi bandamuna ne lungenyi.

Rome 11:25

Bana hetu, telejayi bualu bulelela busokome, bundi musue kunumanyisha, bua kanudiangatshi bu bena meji. Bena Izrayele bakuabu mbapapishe muoyi wabu. Kadi bualu ebu nebatungunuke amu too ne padi bisamba bikuabu bionsu bimane kupeta lupandu.

Yobe 11:12

Kadi muntu wa tshidingidingi neapete lungenyi, anu dituku didi nyama wa mpunde wa muitu, uvua mpunde wa pambelu.

Yeshaya 37:23

Uuvua upenda nnganyi? Uuvua ujana ne dikamakama nnganyi? Wewe mutshimbakane, uuvua mutangile ne kapeja nnganyi? Uvua usendeka amu meme, Mvidi Mukulu wa tshijila wa bena Izrayele!

Yeshaya 40:23

Maweja-Nangila udi upuekesha balombodi ba matunga, bashale bantu ba patupu. Udi uleja badi ne bumfumu, mudibu bantu ba patupu.

Yeshaya 47:10

Uvua mutekemene lupandu, amu bua bibi biuvua wenza. Uvua wamba ne: “Muntu kena ummona”. Kadi budiambi buebe bua ne: Ndi mumanye, ndi ne lungenyi lutue, ke budi bukutshimbakaja! Ukadi wamba ne: “Meme tshiena ne undi tufuanangana nende!”

Yeshaya 10:13

Udi wamba ne: “Ndi muenze bionsu amu ku bukole buanyi. Meme ndi mumanye malu, ndi muena budimu bupite. Ndi mushipe mikalu idi munkatshi mua matunga. Meme kupawula bintu bivuabu balamina mu mayeba. Meme kuipata ne bakalenga mu nkuasa yabu ya bumfumu.