Yeshaya 49:9 - MUKANDA WA MYIDI MUKULU

⁹ Ndi ngambila bena lukanu, bantu badi basomba mu miidima ne: ‘Patukayi, numone butoke.’ Nanku nebikale bu mikoku, idi idia bisosa ku muelelu wa njila, idi ipeta tshiakudia tshiayi pa mikuna yonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Newambile badi basuika mu nkanu ne, Hatukai; newambile badi bashikame mu midima ne, Dimueneshai. Mu nshila yonso idibo baya nebikale ne bia kudia, ne ha mutu ha mikuna yonso idi kayiyi ne mashinda nehikale madimi abo a mashinda.

Yeshaya 49:9 交叉引用

Yeshaya 42:16

Kadi nendudike bantu banyi, batshivua bashale bampofu, mu njila udibu katshia kabayi bayile. Nenkudimune miidima, yenze munya, bua bantu bende bimpe. Ndi ndandakaja miaba idi biina. Ke bindi musue kuenza. Nembikumbaje, tshiyi ndekela.

Yeshaya 42:7

Neutabeje bampofu. Neupatuishe bena lukanu mu nzubu wa lukanu, muaba udibu basomba, bindile mu miidima.”

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Luke 4:18

“Mueyelu wa Maweja-Nangila mmuntulukile. Udi munsungule, bua ntuadile bapele Lumu lua Disanka. Uvua muntume, bua mmanyishe bena lukanu ne: nebanulekele; mmanyishe kabidi bampofu ne: nenutabale; kabidi bua mpikule badibu bakengesha,

Yeshaya 61:1

Maweja-Nangila Mvidi Mukulu, mmunguwuje ne Mueyelu wende, bualu mmundabe manyi a tshijila, mmutume bua kumanyisha bapele lumu lua disanka, bua kukolesha ku muoyi badi benda batekete mu maboku, bua kuambila bavuabu baye nabu mu matunga a bende ne: nudi mua kuya kuonsu kunudi basue, ne bua kuambila bena lukanu ne: mbamane kunupatula mu lukanu.

Yeshaya 41:18

Nempatule misulu ya mayi, pa mikuna idi kayiyi ne mitshi. Nempatule mishimi ya mayi muinshi mu bibandabanda. Tshipela netshiandamuke dijiba dia mayi. Buloba buume nebuandamuke muaba udi mayi mavule.

Yeshaya 9:2

Maweja-Nangila, wewe kubasankisha bikole, kuvudija musangelu wabu! Badi basanka kumpala kuebe, mudi bantu batshionkomoka matuku a kunowa, mudibu babanyangana bivuabu bapawule mu mvita, beela mbila ya disanka.

Misambu 102:20

Mu diulu mudiye, Maweja-Nangila mmuinangile, mutangile pa buloba. Ku nzubu wende wa tshijila udi utangila mesu ende panshi,

Misambu 69:33

Bantu bapuekele nebamone bionsu ebi, nebasanke. “Nuenu bonsu badi bakeba Mvidi Mukulu, nulale panu nuboboke.

Kolose 1:13

Bualu mmutupikule ku bukole bua miidima, mutubueje mu bukalenga bua Muanende munanga.

Efeze 5:14

Bualu bidibu basokolola patoke, bidi bienza butoke. Ke mudibu bamba ne: “Wewe udi mulale, tabala, juka ku bafue. Kristu neakuludike mu butoke buende.

Efeze 5:8

Kale nuvua mu midima. Mpindiewu nudi mu butoke, bualu nudi badisange ne Mfumu. Enzayi malu adi bantu badi benda mu butoke ne bua kuenza.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

Yowanane 10:9

Ndi tshiibi. Muntu udi ubuelela kundi neapande. Neabuele, neapatuke, neapete kabidi tshiakudia tshiende.

Yowanane 8:12

Yezu kulongesha kabidi bantu, ubambila ne: — Meme ndi butoke bua badi pa buloba. Muntu udi undonda katshia kena wenda mu miidima, kadi neikale ne butoke bua muoyi.

Luke 1:79

Butoke abu nebutokeshe badi mu miidima ne mu dijimba dia lufu, nebuludike makasa etu mu njila wa bupole.

Yezekiyele 34:29

Nembapeshe madimi adi ne bufuke bua bungi. Kabakuikala kabidi ne nzala mu ditunga diabu to. Bantu ba bisamba bikuabu kabakubapepeja kabidi to.

Yezekiyele 34:23

Nenteke muntu anu umue bua kuikalaye mulami wa mikoku yanyi. Yeye neayilame bimpe bu muvua Davide wanyi wenza.

Yeshaya 65:13

Telejayi, tshindi meme Maweja-Nangila Mvidi Mukulu ngamba: nuenu nenuikale ne nzala, kadi bantu banyi nebadie. Nuenu nenufue nyota, kadi bantu banyi nebanue. Nuenu nenufue bundu, kadi bantu banyi nebasanke.

Yeshaya 5:17

Mu misesu ya mu tshimenga nemuikale tshisuku. Mikoku neidiemu bisosa, amu bu bidiyi idia mu mpata. Bana ba mbuji ba manyi, nebakebemu biakudia biayi.

Misambu 146:7

Udi ulumbuluila bantu badibu bakengesha, upesha badi ne nzala tshiakudia, usulula badi mu nkanu.

Misambu 22:26

Maweja-Nangila, ke pandi nkutumbisha mu tshisangilu tshinene, nkulambula milambu imvua mukulaye, bantu bebe batangile!

Dielulula 32:13

Maweja-Nangila mmubapeshe ditunga dia mikuna, mubadishe ne biakudia bia mu madimi, mubapatule buitshi mu lubuebue. Mmumeneshe mitshi ya olive mu buloba bua mabue.

Luke 2:32

Ke butoke budi bumanyisha bisamba bionsu muudi, bupetesha bena Izrayele, bantu bebe, lumu.

Yeshaya 48:17

Wa tshijila wa bena Izrayele, Maweja-Nangila, uvua muangate bualu buenu ne manza abidi. Ke yeye udi ukuambila ne: “Meme Maweja-Nangila ndi Mvidi Mukulu webe. Meme ndi nkulongesha, malu adi ne bua kukulengelela. Meme ndi nya nebe mu njila uudi ne bua kulonda.

Mika 5:4

Yeye neafile ditalala. — Pikala bena Ashure bafika bua kukuata ditunga dietu, babuela mu nzubu ya bakalenga betu, netubatumine bamfumu tshisumbu tshinene bua kubaluisha.

Lewitiki 25:54

Padi muena Izrayele awu kayi mua kudipikula, nansha kabayi mua kumupikula yeye ne bana bende, nebabapatule mu bupika tshidimu tshia ‘Mufikilu’ wa disanka dinene.