Yeshaya 49:8 - MUKANDA WA MYIDI MUKULU

⁸ Maweja-Nangila udi wamba ne: “Padi tshikondu tshia lupandu tshifika, nengandamune ku dindomba diebe. Pafika dituku dia kukupandisha, nenkuambuluishe. Mvua mukuteke, mukulame, bua ukumbaje bimvua mulaye bantu banyi. Ndi nnupingaja mu ditunga dienu, bua nusombe tshiakabidi miaba yonsu mu buloba bua tshijila, buvuabu banyangakaje lelu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Yehowa udi wamba dî edi ne, Mu tshikondo tshia diakalengele nakitaba kûdi, ne mu dituku dia luhandu nakukukuatshisha; nenkutume, nenkume kudi bantu bu tshihungidi tshiabo, bua kujadika buloba, bua kubahesha mahianyi akadi mashale makolo.

Yeshaya 49:8 交叉引用

2 Korente 6:2

Bualu Mvidi Mukulu udi wamba mu Mukanda wa tshijila ne: “Tshikondu tshia kukuleja mundi nkunanga tshimane kufika, ke meme kukuteleja. Dituku dia kukusungidila dimane kufika, ke meme kubambuluisha.” Telejayi! Lelu ke tshikondu tshinudi ne bua kuanyisha bua Mvidi Mukulu anunange, ke dituku didiye mua kunusungidila.

Yeshaya 42:6

“Meme Maweja-Nangila, mvua mukubikile, bua ukumbaje meji andi nawu. Meme ndi nkuambuluisha. Mvua mukuenze, bua utuadile bantu bupole, ukumbaje bimvua mulaye bantu, wikale butoke munkatshi mua matunga.

Misambu 69:13

Miaba idi bantu basangile badi bantela, banu ba maluvu badi banseka, bangimba mu misambu.

Ebrewu 12:24

Nudi basemena pabuipi ne Yezu, mutuangaji wa ndondu mupiamupia, kabidi pabuipi ne mashi ende atota mamate panshi, adi akula ne diyi dipite dia Ebele.

Yeshaya 61:4

Nebasulule nzubu muimpe muaba udi dikolu. Nebibakulule nzubu, uvuabu babumbule kale. Nebalongolole bimenga bivua binyanguke mutantshi mule.

Yeshaya 58:12

Nenku nenuasulule miaba ivua mishale makolu. Nenuibakulule nzubu mipiamipia, pa bitaku bia nzubu binukavua bamane kulekela kale. Bantu nebanumanye bu bantu badi balongolola miaba ya mu bimana bia tshimenga idi minyanguke, bu bantu badi balandakaja misesu idi mu tshimenga.

Ebrewu 5:7

Patshivua Yezu pa buloba, uvua ulomba Mvidi Mukulu, umutendakena, wela mbila mikole, ne binsonji ku mesu, kudi uvua mua kumusungila ku lufu. Mvidi Mukulu kumuteleja bualu Yezu uvuaumutumikila.

Yeshaya 51:16

Ndi mbalula tshiakabidi diulu, ndi nshindika kabidi buloba. Nengambile bena mu Yerushalayime ne: “Nuenu nudi bantu banyi. Ndi nnupesha mikenji yanyi. Nennusokoke mu tshianza tshianyi.”

Yeshaya 44:26

Kadi ndi nkumbaja, bivua bantu banyi bamba. Ndi nkumbaja malu avua bantu, bamvua mutume, bamane kumanyisha. Ndi njadika ne: ‘Bantu nebasombe tshiakabidi mu Yerushalayime. Nengasulule bimana bia tshimenga.’ Ndi ngamba kabidi ne: ‘Nebasulule bimenga bia bena Yuda.’

Efeze 1:6

Nanku tutumbishayi Mvidi Mukulu bua ditunanga diende dia dikema, divuaye mutulejile bimpe bitambe mu Muanende munanga.

Yeshaya 54:3

Bualu neuvulangane ku nseke yonsu. Bana bebe ba balume nebangatulule maloba adi mu bianza bia bena mutumba. Nebasulule kabidi mu bimenga, muvua mushale dikolu.

Yeshaya 49:19

Bushuwa bavua banyanga ditunga diebe, badishiya kamuyi bantu. Kadi mpindiewu kadiakuikala bunene bukumbana, bua bungi bua bantu badi bavua kusombamu. Diba adi bavua bakubutula, nebende basemena kule.

Yeshaya 42:1

Maweja-Nangila udi wamba ne: Tangila muntu wanyi. Ndi mumukoleshe. Ndi mumunange, mumusungule. Ndi mumuwuje ne Mueyelu wanyi, bua kumanyishaye bukua bisamba bilenga bindi mulongoluele bantu.

Yeshaya 26:3

Bualu ke bantu badi bajadika malu ne muoyi umue. Wewe Maweja-Nangila udi ubalama ne bupole, bualu badi batekemena kuudi.

Misambu 75:3

Mvidi Mukulu udi wamba ne: “Meme nkayanyi ndi njadika tshikondu tshindi ndumbuluisha bantu, nenkose nsambu yabu amu pa yoyi.

Misambu 2:8

Wewe mundombe bisamba bionsu, nenkupeshabi, bishale biebe. Bumfumu buebe nebufike ku ntengu ne ntengu ya buloba.

Ebrewu 8:6

Kadi mpindiewu, Yezu mmupete mudimu mupite wabu. Bualu Yezu udi mutuangaji wa ndondu mupite bunene, udi mushindame pa malaya mapite buimpe.

Matayi 26:28

Bualu mmashi anyi, adi ashindika ndondu udi Mvidi Mukulu utua ne bantu, adibu bapuekesha bua kujimijila bantu bonsu mibi yabu.

Yeshaya 51:3

Ke mudi Mvidi Mukulu usamba Siyone lelu. Udi musue kufuila badi basomba mu makolu ende luse. Buloba ebu bukavua bu tshipela. Maweja-Nangila neabuenze budimi buimpe. Buloba buatuke ebu, neabuandamune lupangu lua Edene. Koku aku bantu nebele mbila mikole ya disanka. Nebimbe misambu, bakokola bisanji, bela Maweja-Nangila tuasakidila.

2 Samuele 7:13

Muanebe awu, neangibakile nzubu. Nemmujadike mu bukalenga kashidi.

Yeshaya 27:3

“Meme Maweja-Nangila, ndi mulami wa budimi. Ndi ngelamu mayi pa diba, ndi mbulama munya ne bufuku, bua muntu nansha nyama kabunyangi.

Yeshaya 41:10

Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Yeshaya 55:6

Nuye bonsu kudi Maweja-Nangila, bualu mpindiewu udi munuindile! Numuele lubila, bualu udi pabuipi nenu.

Yeshaya 57:13

Paudi wela lubila, ulomba diambuluisha, mvidie yebe yonsu ayi ikupandishe, tumone! Kadi mvunde neaye nayi, lupepele neluyikombe! Amu bantu badi batekemena kundi, nebapiane ditunga, nebasombe pa mukuna wanyi wa tshijila.

Yeshaya 58:5

Dijila dia biakudia dia mushindu ewu, ke dindi musue meme anyi? Ke dituku dia kudipuekesha dindi mua kuanyisha meme anyi? Kuinyika mutu bu dilenga, kuvuala bilamba bia madilu, kulala mu lupuishi, ke dituku dinudi nuenu nuamba ne: ndia tshijila anyi? Ke dituku dinudi nuela meji ne: didi disankisha meme anyi?

Yeshaya 61:2

Uvua muntume bua kumanyisha bantu ne: tshidimu etshi, Maweja-Nangila mmunufuile luse. Dituku edi Mvidi Mukulu wetu neanyoke baluishi bende. Mbantume bua kusamba bonsu badi mu madilu,

Yeshaya 65:9

Meme nemvudije bena tshisamba tshia Yakobe, ne bena diku dia Yuda. Bonsu aba bandi musungule, nebasombe pa mikuna yanyi minene, nebapiane ditunga. Bantu badi bandamate nebasemu nzubu yabu.