Yeshaya 49:4 - MUKANDA WA MYIDI MUKULU

⁴ Kadi meme, mvua ngela meji ne: mvua mukuate mudimu wanyi tshianana, mvua mudibambe muanyi muonsu, kakuyi tshipeta nansha tshimue. Kadi Maweja-Nangila neapeshe bindi ne bua kupeta. Mvidi Mukulu wanyi neansankishe.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi meme nakuamba ne, Nakuenza mudimu wanyi tshianana, nakujimisha bukole buanyi hatuhu tshiyi muhete tshintu; kadi bulelela, kulumbulula kuakane kundi nʼaku bualu kudi kufuma kudi Yehowa, ne ditutu dianyi didi kudi Nzambi wanyi.

Yeshaya 49:4 交叉引用

Yeshaya 35:4

Ambilayi badi batekesha mu maboku ne: “Kanutshinyi, kolayi bo bo bo, Mvidi Mukulu wenu udiku! Udi ufika bua kunusombuela, bua kupingajila bena lukuna benu malu mabi avuabu banuenzele. Yeye mene udi ufika bua kunupandisha.”

Ngalate 4:11

Ndi mpampakana bikole bualu buenu! Mudimu mukole undi munukuatshile, neupete tshipeta anyi?

2 Korente 12:15

Ndi njinga kufila bionsu bindi nabi ne disanka bualu buenu. Nendifile ne meme mene bua kunuambuluisha. Kadi dinnanga dienu nedikepele, padi dinunanga dianyi dienda divulangana anyi?

2 Korente 2:15

Bushuwa, tudi bu mulambu wa manananshi udi Kristu ulambula Mvidi Mukulu; tudi dipembu diawu didi ditangalaka kudi badi mu njila wa lupandu, ne kudi badi babutuka.

Matayi 23:37

— Yerushalayime, Yerushalayime, wewe udi ushipa bambi, wasa badi Mvidi Mukulu ukutumina mabue, ubashipa! Misangu bungi munyi imvua mujinge kusangisha bantu bebe pandi, bu mudi nzolu usangisha tuana tuende mu mapuapua. Kadi kanuvua basue to!

Matayi 17:17

Yezu kuandamuna ne: — Nuenu nudi bantu babi, badi kabayi bitaba Mvidi Mukulu! Nenshale nenu kabidi matuku bungi munyi? Nengikale amu ndengulula malu enu too ne ku diba kaayi? Semenayi ne muana kundi apa.

Yezekiyele 3:19

Kadi wewe mumudimuje, yeye mubenge kulekela bilema biende ne ngenzelu yende mibi, neafue bua mibi yende. Kadi wewe neushale ne muoyi.

Yeshaya 65:23

Kabakukuata kabidi midimu amu patupu. Kabakulela kabidi bana, bua bana kufuabu to. Bualu bobu ne bana babu, nebikale bena tshisamba tshindi ngela lupemba.

Yeshaya 62:11

tshidi Maweja-Nangila ubamanyisha ku ntengu ne ku ntengu ya buloba ne: Ambilayi bena Siyone ne: “Mupandishi wenu udi ufika, udi ufika ne bonsu badiye mupikule, udi ufika ne tshipeta tshia ku mudimu wende.”

Yeshaya 40:10

Monayi Maweja-Nangila Mvidi Mukulu. Udi ufika ne bukole, bua kulongolola bukalenga buende. Udi upingaja bena diende kuabu. Bavuaye mupikule, badi benda kumpala kuende.

Ebrewu 12:2

Tutangile Yezu, mfuki wa ditaba dietu, udi mua kudifikisha kabidi ku bujima buadi. Bua kupeta disanka divuabu bamulamine, kuitabaye bua bamushipe ku mutshi mutshiamakane, kayi umvua bundu bua lufu lua mushindu ewu. Mpindiewu udi musombe ku dia balume dia nkuasa wa butumbi wa Mvidi Mukulu.

Rome 10:21

Kadi bua bena Izrayele, muaba mukuabu mbafunde ne: “Dituku dijima mvua muolole bianza kudi bantu bavua bambenga, bantombokela.”

Yowanane 1:11

Muaku kufika mu ditunga diawu. Kadi bana bawu nanshabu kuwakidila.

Luke 24:26

Kristu kavua ne bua kudianza kukenga nanku, bua kubuela mu butumbi buende anyi?

Yeshaya 65:2

Meme mvua muoluele bantu bavua bantombokela bianza. Bantu aba bavua balonda njila mubi, uvuabu badisunguile.

Lewitiki 26:20

Nenuditatshishe bua kudima, kadi biakudia kabiakutoloka, mitshi kayakukuama bimuma.

Filipe 2:16

diba dinudi nubalongesha muaku udi utupetesha muoyi. Nuenu benze nanku, nemmone mua kuditemba bualu buenu, dituku diafika Kristu. Bualu dituku adi nebimueneke ne: mudimu wanyi, ne lutatu luanyi, kabivua tshianana to.

Nsumuinu 29:26

Bantu ba bungi badi bakeba bua mfumuabu abanyishe. Kadi kua Maweja-Nangila muntu yonsu neapete tshidiye ne bua kupeta.

Yeshaya 25:1

Maweja-Nangila, wewe ke Mvidi Mukulu wanyi. Ndi musue kutumbisha bunene buebe, kumanyisha bantu lumu luebe. Bualu wewe uvua muenze bia dikema. Biuvua mujadike kale, udi mubikumbaje bionsu bungi buabi.

Yeshaya 40:27

Wewe Izrayele, tshisamba tshia Yakobe, bua tshinyi udi wamba ne: “Maweja-Nangila kena umona makenga adi ankuata. Mvidi Mukulu kena utangila, badi bankengesha tshianana!”

Yeshaya 57:21

Mvidi Mukulu wanyi udi wamba ne: “Lupandu kaluena bua bantu babi to.”

Yeshaya 59:18

Neafute bantu bilondeshile malu avuabu benze. Neatekele bena lukuna bende bonsu tshiji tshikole. Neabanyoke nansha bobu base kule.

Yeshaya 61:10

Ndi ngela Maweja-Nangila tuasakidila muanyi muonsu. Ndi ntumbisha Mvidi Mukulu wanyi ne musangelu, bualu dingambuluisha diende didi bu tshivualu tshidiye umvuadika. Lupandu ludiye untuadila, ludi bu tshinkutu tshidiye umbuikila. Ndi ne disanka bu dia musedianganyi mupiamupia, udi wasa tshifulu tshia tshibilu, nansha bu dia nsongakaji udi ubuela mu dibaka, uvuala bilengejilu biende.

1 Bakalenga 19:10

Eliya kuandamuna ne: — Maweja-Nangila Mvidi Mukulu wa bukole buonsu, ndi mukunange bikole. Nanku tshitshiena musue kumona bionsu bidi bena Izrayele benza to. Bualu bena Izrayele mbanyangakaje ndondu webe, mbupule bilambuilu biebe, mbashipe bambi bebe. Ndi mushale anu meme nkayanyi. Kadi badi bakeba kunshipa ne meme!