Yeshaya 49:1 - MUKANDA WA MYIDI MUKULU

¹ Nuenu bantu badi basomba kule, ntelejayi meme. Bisamba bia mu matunga a kule, teyayi matshi enu kundi. Maweja-Nangila uvua mumbikile meme, mamu kayi muanji kundela. Meme mutshikale munda mua mamu, ukavua munsungule bu muena mudimu wende.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nuenu, maloba a ku muelelu wa mai manene, telejai matshu kundi; nuenu bantu badi kule, nungunvuile. Yehowa wakumbikila diambedi tshiyi muanze kuedibua; hanakadi munda mua mamu wanyi, wakungidika dina dianyi.

Yeshaya 49:1 交叉引用

Yirmeya 1:5

— Nkavua mukumanye, tshiyi muanji kukufumba munda mua mamuebe. Nkavua mukusungule, kabayi banji kukulela. Nkavua mukufundile mudimu wa kuya kuambila bisamba bionsu miaku yanyi.

Ngalate 1:15

Kadi bu mudi Mvidi Mukulu munnange, ukavua mudianze kunsungula, kabayi banji kundela, bua meme kumukuatshila mudimu.

Yeshaya 44:2

Teleja tshindi nkuambila: Meme Maweja-Nangila, ndi mukufuke, ndi mukuenze munda mua mamuebe, kabayi banji kukulela. Meme ndi nkuambuluisha: Kutshinyi, tshisamba tshia Yakobe, muena mudimu wanyi, Yeshurune undi musungule.

Yeshaya 49:5

Mpindiewu, Maweja-Nangila udi ungambila nuwuaye mumfumbe, pantshivua munda mua mamuanyi, bua ngikale muena mudimu wende. Udi musue bua mpingaje ndelanganyi ya Yakobe kudiye, bua mmusangishile tshisamba tshia Izrayele. Nanku Maweja-Nangila udi mumanye bulenga bua mudimu wanyi. Amu Mvidi Mukulu udi umpesha bukole.

Luke 1:31

Newimite difu, ulele muana wa balume, umuinyike Yezu.

1 Petro 1:20

Mvidi Mukulu kayi muanji kufuka buloba, ukavua mumane kusungula Kristu. Kadi matuku a ndekelu aa kudienzaye muntu bualu buenu.

Luke 1:15

Bualu neikale muntu munene kumpala kua Maweja-Nangila. Kakunua nwinyo, nansha maluvu makole makuabu. Yeye mutshikale munda mua mamuende, neikale muwule tente ne Mueyelu wa Tshijila.

Ebrewu 12:25

Nanku nudimuke! Kanubengi kuteleja udi wakula nenu. Bantu bavua babenga kuteleja muntu uvua ubabela pa buloba mu dina dia Mvidi Mukulu, batata bapete dinyoka. Nanku tuetu nangananga nebatunyoke patudi tubenga udi utuambila diyi didi difume mulu.

Yowanane 10:36

Nanku meme, Mvidi Mukulu mmunsungule, muntume pa buloba. Mmunyi munudi nungamba ne: udi usendeka Mvidi Mukulu, pandi njadika ne: ndi Muana wa Mvidi Mukulu?

Sefanya 2:11

Maweja-Nangila neabakuatshishe bowa. Neabutule nwidie yonsu ya pa buloba. Diba adi, bantu bonsu, nansha badi basomba kule kupite, nebamutendelele, muntu yonsu muaba udiye usomba.

Yeshaya 60:9

Ke matu adi afuma ku mielelu ya mayi a ku matunga a kule. Matu manene adi enda kumpala. Bana bebe badi pa matu aa, bafumine ku matunga a kule, bambule mpawungi yabu ne biamu bitoke bia mushinga mukole. Badi balua bua kutumbisha Maweja-Nangila, Mvidi Mukulu webe, wa tshijila wa bena Izrayele. Bualu Yeye ke udi ukusankisha nenku.

Yeshaya 57:19

nembeleshe mbila ya disanka. Nempandishe, bushuwa nempandishe bantu bonsu, badi kule ne badi pabuipi. Ke mundi ngamba meme, Maweja-Nangila.”

Yeshaya 55:3

Ntelejayi meme. Luayi kundi. Umvuayi diyi dianyi, nenuikale ne muoyi. Maweja-Nangila udi wamba ne: “Ndi ntua nenu ndondu wa kashidi. Ndi musue kunuenzela bilenga bimvua mulaye Davide.

Yeshaya 46:3

Nuenu bena Izrayele, ntelejayi, nuenu bena Yakobe badi bashala ne muoyi, nuenu bandi mulame katshia banulela, katshia nuamona diba.

Yeshaya 44:24

Izrayele, Maweja-Nangila udi ukupandisha, udi mukuenze munda mua mamuebe, kabayi banji kukulela, ke udi ukuambila ne: “Meme ndi mufuki wa bionsu bidipu. Meme nkayanyi ndi muteke diulu, mutenteke buloba, tshiyi ne diambuluisha dia muntu.

Efeze 2:17

Nanku Kristu mmufike bua kumanyisha bantu Lumu lua Disanka, ludi lufila bupole kudi bantu bonsu, kunudi nuenu bantu ba bisamba bikuabu batua kabayi pabuipi ne Mvidi Mukulu, ne kudi bena Yuda batua pamue nende.

Yeshaya 51:5

Nkadi pabuipi, nkadi pa kunupandisha. Nkadi pa kutshimuna baluishi benu. Bantu badi basomba mu matunga a kule, nembaleje njila mululame. Badi basomba mu bidiila bidi kule kuaka, nebatekemene kundi bua meme kubasungidila.

Yeshaya 45:22

Nuenu badi basombe ku ndekelu kua buloba, fikayi kundi meme. Nennusungidile. Bualu Mvidi Mukulu ke meme! Kakuena mukuabu to.

Yeshaya 42:12

Bantu badi base kule, batumbishe Maweja-Nangila, bamusamune ne meyi makole!

Yeshaya 41:1

Maweja-Nangila udi wamba ne: Nuenu bantu badi base kule, puwayi, nunteleje. Nuenu bisamba bia bantu, koleshayi muoyi. Semenayi pabuipi! Nenushishe kuakula. Eyowa, tusemenayi, nuenu ne meme, bua kubanga tshilumbu.

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Yeshaya 66:19

Nembaleje mundi ne bumfumu. Kadi bantu bakuabu bandi mumane kupandisha, nembatume mu bisamba bia bena Tarshishe, bena Pule, bena Lude, — ke bantu badi bamanye bikole mua kuela mikete, — bia bena Tubale ne bena Yavane, ne mu bidiila bidi kulekule. Miaba yonsu ayi bantu kabena banji kumvua butumbi buanyi. Kadi bantu bambatuma, nebamanyishe bena bisamba ebi butumbi buanyi.

Yeshaya 7:14

Nanku Maweja-Nangila nkayende neakupeshe tshimanyinu: nsongakaji neimite difu. Nealele muana wa balume. Neamuinyike Emanuwele, mmumue ne: “Mvidi Mukulu udi netu.”

Misambu 22:10

Maweja-Nangila, wewe uvua mumpatule munda mua mamu bimpe! Uvua munteke pa tshiadi tshiende, tshiyi ntshina tshintu!

Yeshaya 11:11

Dituku adi Maweja-Nangila neenze tshiakabidi muende muonsu, bua kupikula bantu bende. Neapingaje kuabu bavua bashale ne muoyi mu ditunga dia Ashure ne dia Ejipitu, mu ditunga dia Patrose ne dia Kushe, mu Elame ne mu Babilone, mu Amate wa bena Arame, ne mu matunga a ku muelelu wa mayi manene.

Yeshaya 24:15

“Nuenu bena ku luseke ludi diba dipatukila, tumbishayi Maweja-Nangila. Nuenu badi basomba ku mielelu ya mayi manene, kobolayi dina dia Maweja-Nangila Mvidi Mukulu wa Izrayele.”

Yeshaya 33:13

Nuenu badi base kule, telejayi bimvua muenze. Nuenu badi basomba pabuipi, manyayi bukole buanyi!”

Yeshaya 45:3

Ndi nkupesha lupetu, ne biuma bivuabu basokoke. Nenku neumanye mundi Maweja-Nangila. Meme Mvidi Mukulu wa bena Izrayele, ndi nkuangata bu muena mudimu wanyi.

Yeshaya 49:12

Tangilayi, mbobu aba bakadi bafika. Badi pa mayi manene, batumina kule. Bamue mbafumine ku mutu kua matunga, banga kudi diba dibuelela, bakuabu ku Ejipitu kuinshi kua ditunga.”

Yeshaya 52:13

Maweja-Nangila udi wamba ne: “Muena mudimu wanyi, neapete tshipeta tshimpe mu mudimu wende, neapete lumu lunene.