Yeshaya 47:13 - MUKANDA WA MYIDI MUKULU

¹³ Udi upungila patupu, kuyi upeta tshintu, ukonka badi bamanye malu a mitotu. Bantu aba badi bakosolola diulu mu bitupa, bajoja mabulunge, bamanyisha ku ngondu ku ngondu bidi mua kukukuata, bamueneke, badileje tumone, bavue kukusungidila!

Mukanda wa Nzambi Dihungila Dikulukulu ne Dihungila Dihia-dihia 2003

¹³ Meji a ba bungi badi basue kukulesha meji akukutonda; badi bafunda bintu bia mu diulu ha mukanda wa carte, badi batangila mitoto, badi bakuambila ku ngondo ku ngondo bualu budi buamba kulua kûdi, bimane kulu, bakusungile ku malu adi alua hamʼbidi hebe.

Yeshaya 47:13 交叉引用

Yeshaya 44:25

Kadi mpindiewu malu onsu, adi bena mbuku bamba, ndi ngakudimuna a patupu. Bonsu badi bamanyisha malu atshidi kumpala, ndi mbapangisha malu abu. Ndi mbenga meji a bena meji, ndi ndeja mudi meji abu a bantu batshimbakane.

Yezekiyele 24:12

Kadi bionsu bindi ngenza kabiena biambuluisha. Dimoma ndikuate ku luesu bikole, kadiena mua kumuka nansha ku kapia.

Yirmeya 51:58

Udi wamba kabidi ne: “Bimana bialabale bia mu tshimenga tshia Babilone nebabitonkole panshi. Biibi biende bile nebabioshe! Bantu badi bakuata mudimu patupu, bualu bidi bisamba bienza nebibutuke mu kapia!”

Yeshaya 57:10

Wewe kupungila ne luendu luebe lua kukeba mvidie. Kadi kuena muambe ne: “Mbikumbane.” Wewe kupeta tshiakabidi dikanda, kuyi uvuluka dipungi diuvua nadi to.

Abakuke 2:13

Bantu banuvua bakuate mu bupika, bavua baditatshisha patupu. Bipeta bionsu nebibutuke mu kapia. Maweja-Nangila wa bukole buonsu, ke udi ukumbaja bionsu abi.

Danyele 5:30

Butuku buvua bulonda, kushipabu Baltazare, mukalenga wa ditunga dia Babilone.

Yeshaya 47:15

Ke muenzelabu bena mbuku bebe, bauvua wangata ne mushinga, bauvua ukonka matuku onsu bituadijile ku buana buebe. Nebaye bonsu, muntu yonsu mu wende njila, bakushiya. Muntu nansha umue kena ushala bua kukusungidila.

Yeshaya 8:19

Bantu bakuabu badi bamba ne: “Nukonke bakishi malu, bualu badi batumanyisha malu adi kaayi manji kuenzeka. Nukonke bena mbuku, bakuambile malu ku ditshi. Bualu tshisamba tshionsu tshidi tshikonka mvidie yatshi, tshikonka bakishi buakulongolola malu a bantu badi panu.” Padibu bakuambila nanku,

Yeshaya 47:9

Kadi makenga aa abidi, neakukuate amu dituku dimue. Neufuishe bana bebe ne bayebe amu diatshimue. Bionsu ebi nebikuenzekele, nansha baloji ne bena majimbu benza tshinyi ne ntshinyi, bua kukusungidila.

Yirmeya 51:64

wamba ne: “Ke mudi Babilone ne bua kudina mu mayi, kayi mua kupanda ku makenga adi Maweja-Nangila umutumina.” Ke miaku ya ndekelu ya muambi Yirmeya.