Yeshaya 45:8 - MUKANDA WA MYIDI MUKULU

⁸ Diulu, lokesha lumuma! Bu mudi mvula upueka mu mavuba, lupandu lufume mulu, lupueka pa buloba. Buloba bunzuluke, buleje lupandu, bupatule malu mimpe. Meme Maweja-Nangila, ndi mfuka bionsu abi.”

Mukanda wa Nzambi Dihungila Dikulukulu ne Dihungila Dihia-dihia 2003

⁸ Diulu, witshikishe biebe buakane hanshi ha buloba, ne matutu alokeshe buakane, buloba bunzuluke bua buhatulemu luhandu, bumeneshe nʼalu buakane diatshimue; meme Yehowa nakubufuka.

Yeshaya 45:8 交叉引用

Osheya 10:12

Nuenu benza malu mimpe, nebanuenzelewu. Nudime budimi bupiabupia. Tshikondu tshiakumbanyi tshia nuenu kupingana kundi meme Maweja-Nangila, too nepangafika bua kunusungidila.

Yeshaya 61:11

Bushuwa, Maweja-Nangila Mvidi Mukulu udi upatula lupandu ne lumu, kumpala kua bisamba bia bantu. Amu bu mudi mu buloba mutoloka mitshi, nansha bu mudi mu budimi bumena ntete idibu bamiaminamu.

Misambu 72:6

Bukalenga buende bulengelele bantu, bu mudi mvula uloka mu madimi, walengeja, bu mudi mvula wa mudimbi utotesha buloba, ubufukisha.

Yeshaya 44:3

Bualu nempuekeshe mayi mu ditunga didi kadiyi mayi. Nempatule tusulu mu buloba buume. Nengitshikije Mueyelu wanyi pa bana bebe. Nengele ndelanganyi yebe lupemba.

Yeshaya 32:15

Dituku dikuabu, Maweja-Nangila, neatutumine Mueyelu wende. Nenku, madimi avua kaayi akuama bintu, neandamuke malaba mafuke a mitshi. Mitshi ya bimuma neikale bungi bu mitshi ya muitu!

Yeshaya 11:1

Lutonga ludi lupatuka ku tshikuku tshia Ishayi. Ditamba dipiadipia didi dimena ku miji yende.

Yeshaya 4:2

Dituku dikuabu, Maweja-Nangila neafukishe tshiakabidi buloba. Tshionsu tshidi tshitoloka netshikole. Bantu badi bashala ne muoyi mu Izrayele, nebasanguluke padibu bamona bionsu ebi. Nenku nebapetulule lumu ne butumbi biabu.

Yeshaya 60:21

Bantu bebe bonsu nebalame meyi anyi. Kabakubipata kabidi mu ditunga diebe. Ke bantu bamvua mufuke ne bianza bianyi, bua baleje bantu bakuabu butumbi buanyi. Badi bu mitshi indi mukune mu lupangu luanyi.

Yeshaya 53:2

Bualu Maweja-Nangila uvua musue, bua muena mudimu wende ende ukola bitekete bitekete, bu mutshi wa tshitende, bu mutshi udi wela miji mu buloba buume. Kavua ne buneme, nansha bulenga, buvua mua bantu kumutangidila. Kavua ne tshintu nansha tshimue, tshivua mua kusaka bantu bua bamutangile.

Misambu 72:3

Ku bulongolodi buende, bupole bubuele mu ditunga, bubanji bupueke mu mikuna.

Efeze 4:24

Vualayi muntu mupiamupia, udi Mvidi Mukulu mufuke mu tshimfuanyi tshiende. Nuenze malu makane a tshijila adi Mvidi Mukulu musue. Muaku mulelela neunuleje njila.

Efeze 2:10

Bualu amu Mvidi Mukulu ke udi mutufumbe, mutufuke bua tuetu kudisanga ne Yezu Kristu, bua tukumbaje malu mimpe akavuaye mudianze kulongolola bua tuetu kuenza.

Bienzedi 2:33

Mpindiewu udi muzanjike ku dia bukole dia Mvidi Mukulu. Kupetaye Mueyelu wa Tshijila uvua Tatu mulaye. Ke yeye kututuminawu: ke binudi numona, numvua kabidi lelu ewu.

Yezekiyele 34:26

Nenganyishe bua mikoku isombe pabuipi ne mukuna wanyi wa tshijila. Nendokeshe mvula mukumbane pa tshikondu tshiende.

Yirmeya 31:22

Nsongakaji mutomboke, newindile too ne ku tshikondu kayi, bua wewe kupingana? Bualu Maweja-Nangila mmupatule bualu bupiabupia pa buloba ne: ke mukaji udi uya kukeba mulume.

Yeshaya 66:22

Maweja-Nangila udi wamba ne: ndelanganyi yebe ne dina diebe nebishale kashidi kumpala kuanyi, amu mudi diulu dipiadipia ne buloba bupiabupia bindi mfuka bua kashidi.

Yeshaya 61:3

bua kusankisha bena mu Siyone badi badila muadi. Ndi ne bua kubasa tshifulu tshia lumu, pa mutu pa butu buvuabu babalabe ku mitu. Ndi ne bua kubalaba mafuta a mupuya muimpe, bua kumusha dibungama didi pa mpala yabu. Ndi ne bua kubavuadika tshilamba tshia tshibilu, bua kumusha kanyinganyinga kadi mu muoyi wabu. Nanku nebabafuanyikije ne mitshi idi isankisha Mvidi Mukulu, nansha ne lupangu luimpe ludi luleja butumbi bua Maweja-Nangila.

Misambu 68:8

Mvidi Mukulu, pauvua uya kumpala kua bantu bebe, mudianjidile mu tshipela,

Yeshaya 48:18

Eyi! bu wewe munteleje bimpe, bu wewe mukumbaje tshimvua mukutumine diyi! Nanku musulu wa diakalenga uvua mua kukupuekela. Lupandu luvua mua kufika kuudi, bungi bu mavuala a mayi manene!

2 Bakalenga 19:25

“Wewe, Senakeribe, udi uditambisha. Kadi teleja, nkuvuluija malu. Ku kale, meme ke udi mulongolole malu aa. Ku kalekale, mvua muele meji a tshia kuenza. Mpindiewu ndi nkumbaja bionsu abi. Meme ndi mukupeshe bukole, bua kubutula, ne kushimbula, bimenga bidi ne bimana bikole.

Yeshaya 44:24

Izrayele, Maweja-Nangila udi ukupandisha, udi mukuenze munda mua mamuebe, kabayi banji kukulela, ke udi ukuambila ne: “Meme ndi mufuki wa bionsu bidipu. Meme nkayanyi ndi muteke diulu, mutenteke buloba, tshiyi ne diambuluisha dia muntu.

Yeshaya 46:13

Malu aa kaena kabidi nenu kule to. Akadi pa kukumbana amu mpindiewu! Lupandu kaluena lunengakana. Meme mene ndi mfika nalu mu Siyone. Eyowa, ndi ntuadila bena Izrayele tshitupa tshia butumbi buanyi.