Yeshaya 43:6 - MUKANDA WA MYIDI MUKULU

⁶ Nengambile badi ku mutu ne: ‘Nubalekele, bapingane kuabu.’ Nengambile badi kuinshi ne: ‘Kanukandamanyi nabu to.’ Nufike ne bana banyi ba balume, badi ku mutu kuaka. Nufike ne bana banyi ba bakaji, badi ku ndekelu kua buloba.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nengambile luseke lua node ne, Ubalekele, nengambile luseke lua Sude ne, Kukandamanyi nʼabo; nulue kundi ne bana banyi ba balume badi ku luseke lua kule, ne bana banyi ba bakashi badi kunfudilu kua buloba.

Yeshaya 43:6 交叉引用

Yirmeya 3:14

Maweja-Nangila udi wamba ne: Nuenu bana bavua bambenge, pinganayi. Meme ke mfumuenu. Nensungule muntu umue mu tshimenga etshi, bantu babidi mu musoku wawa, bua kubapingaja mu Siyone.

Yeshaya 18:7

Ke tshikondu tshidibu batuadila Maweja-Nangila wa bukole buonsu milambu kudi bantu aba bale ba kafyondu, badi mibidi yengelela, kudi tshisamba tshidi bantu bakakala, kunu too ne ku ndekelu kua buloba, kudi ditunga didi ne bukole bupite, didi dibutula baluishi badi, kudi ditunga didi ne misulu mivule. Milambu eyi, nebayituadile Maweja-Nangila wa bukole buonsu, muaba udiye musombele, pa mukuna wa Siyone.

Misambu 107:3

kudi bavuaye mukunguje muaba umue, pavuabu batangalake mu matunga onsu, a kudi diba dipatukila ne dibuelela, a ku mutu ne a kuinshi kua ditunga.

Dielulula 30:4

Nansha nuenu bikale diba adi mu bupika ku ndekelu kua buloba, neanukebeku. Neanusangishe,

Yeshaya 45:22

Nuenu badi basombe ku ndekelu kua buloba, fikayi kundi meme. Nennusungidile. Bualu Mvidi Mukulu ke meme! Kakuena mukuabu to.

Yeshaya 49:12

Tangilayi, mbobu aba bakadi bafika. Badi pa mayi manene, batumina kule. Bamue mbafumine ku mutu kua matunga, banga kudi diba dibuelela, bakuabu ku Ejipitu kuinshi kua ditunga.”

Yeshaya 49:22

Maweja-Nangila Mvidi Mukulu udi wamba ne: Meme nemmanyishe bakalenga ba matunga, tshidibu ne bua kuenza. Nanku nebapingaje bana bebe ba balume, bambula mu maboku abu. Nebapingaje bana bebe ba bakaji, bambula pa makaya abu.

Yeshaya 54:3

Bualu neuvulangane ku nseke yonsu. Bana bebe ba balume nebangatulule maloba adi mu bianza bia bena mutumba. Nebasulule kabidi mu bimenga, muvua mushale dikolu.

Yeshaya 60:4

Kenzakana ku nseke yebe yonsu, umone mudi bana bebe bonsu bafika. Badi badisangisha pabuipi nebe. Bana bebe ba balume badi bafume kule. Bantu badi bakupingajila bana bebe ba bakaji, babambula mu maboku.

Yeshaya 60:9

Ke matu adi afuma ku mielelu ya mayi a ku matunga a kule. Matu manene adi enda kumpala. Bana bebe badi pa matu aa, bafumine ku matunga a kule, bambule mpawungi yabu ne biamu bitoke bia mushinga mukole. Badi balua bua kutumbisha Maweja-Nangila, Mvidi Mukulu webe, wa tshijila wa bena Izrayele. Bualu Yeye ke udi ukusankisha nenku.

Yeshaya 66:20

Nenku bisamba ebi nebipingaje kuabu bana benu bonsu bavua muabu. Nebabande pa tubalu, mu matempu a mvita, ne pa bipoyi. Nebende panyima pa mpunde ne pa tumelu. Nebafike ku mukuna wanyi wa tshijila mu Yerushalayime. Maweja-Nangila udi wamba ne: ke mulambu udibu bandambula. Nenguanyishe amu mundi nganyishe mulambu udi bena Izrayele bantuadila mu nzubu wanyi, mu ngesu milengeja.

Yirmeya 23:8

Kadi nebaditshipe bamba ne: “Ndi nditshipa mu dina dia Maweja-Nangila udi ne muoyi uvua mupatule bena Izrayele mu matunga a ku mutu kua ditunga ne mu matunga onsu avuaye mubatangalaje, bua basombe tshiakabidi mu ditunga diabu!”

Yirmeya 29:14

Nennumushe mu bisamba bionsu ne miaba yonsu imvua munutangalaje. Nennusangishe, nnupingaje muaba ewu umvua munukuatshishe bua kunutuma mu bupika. Meme Maweja-Nangila ndi njadika nanku.

Yirmeya 31:8

Eyowa, meme Maweja-Nangila ndi mbasangisha ku matunga a ku mutu. Ndi mbakunguja ku ntengu ne ntengu ya buloba. Bantu bonsu nebikaleku: bampofu, ne badi batebuka, bakaji badi ne mafu, ne bakadi balele. Bantu banyi bonsu nebapingane tshisumbu tshinene.

Yezekiyele 36:24

“Pandi mumane kunumusha munkatshi mua matunga a bantu munuvua, nennusangishe, nnupingaja mu ditunga dienu.

Yezekiyele 37:21

Pashishe newambile bantu tshindi meme Maweja-Nangila Mvidi Mukulu mubamanyishe ne: “Nuenu bena Izrayele, nennupatule munkatshi mua bisamba bia bantu munuvua baye. Nennusangishe, nnupingaje mu ditunga dienu.

Zekâya 6:6

Ditempu divuabu bakoka kudi tubalu tufike kuyadi ku luseke lua buloba bua ku mutu. Tubalu tutoke kuyatu ku luseke ludi diba dibuelela. Tubalu tua matobamatoba kuyatu ku buloba bua kuinshi.

Yeshaya 11:12

Nease dibendele, bua kuvuluija bukua matunga, mudiye musue kusangisha bena Izrayele, bavuabu baye nabu mu bupika, pamue ne bena Yuda bavua bamuangalake ku ntengu ne ntengu ya buloba.

Yeshaya 27:13

Dituku adi, muadi munene wa mpungi neumvuike. Nenku bonsu bavua bajimine mu bena Ashure, nansha bavua batangalaka mu Ejipitu, nebafike. Nebatue binu kumpala kua Maweja-Nangila, pa mukuna wa tshijila, udi mu Yerushalayime.