Yeshaya 43:5 - MUKANDA WA MYIDI MUKULU

⁵ Kutshinyi to. Meme ndi nebe. Nempingaje bana bebe mu ditunga, badi luseke ludi diba dipatukila. Nensangishe bebe bonsu, bafume kudi diba dibuelela.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Kutshinyi, bualu bua ndi nʼebe; nendue kabidi ne tunkanunuma tuebe ludi ku esete, nennusangishe nuenu badi ku wesete.

Yeshaya 43:5 交叉引用

Dielulula 30:3

Maweja-Nangila Mvidi Mukulu wenu neandamune malu enu. Neamuenzele bimpe, neanumushe mu matunga onsu avuaye munutangalaje. Neanupingaje mu ditunga dienu.

Luke 13:29

Bantu nebafume ku nseke yonsu inayi ya buloba. Nebasombe ku mesa mu Bukalenga bua Mvidi Mukulu.

Yeshaya 49:12

Tangilayi, mbobu aba bakadi bafika. Badi pa mayi manene, batumina kule. Bamue mbafumine ku mutu kua matunga, banga kudi diba dibuelela, bakuabu ku Ejipitu kuinshi kua ditunga.”

Yeshaya 44:2

Teleja tshindi nkuambila: Meme Maweja-Nangila, ndi mukufuke, ndi mukuenze munda mua mamuebe, kabayi banji kukulela. Meme ndi nkuambuluisha: Kutshinyi, tshisamba tshia Yakobe, muena mudimu wanyi, Yeshurune undi musungule.

Yeshaya 43:2

Pawapitshila mu mayi, nengikale nebe. Pawasabuka misulu, kuena udiinamu to. Pawikala mupitshile mu kapia, kuena upiamu. Ndimi ya kapia kayena ikosha.

Zekâya 8:7

Ndi nnulaya ne: neusungidile bantu banyi, badi mu bupika mu matunga a kudi diba dipatukila ne kudidi dibuelela.

Yeshaya 41:14

Izrayele, tshisamba tshia Yakobe, lekela kutshina. Bakuabu badi bakumona bu kantu kakese, bu kishi kadibu mua kudiata ku makasa. Kadi meme nkayanyi nenkuambuluishe. Meme Maweja-Nangila ndi njadika nanku. Meme Mvidi Mukulu wa tshijila wa bena Izrayele, nenkusungidile.

Yeshaya 41:10

Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Yeshaya 41:8

Izrayele, muena mudimu wanyi, tshisamba tshia Yakobe tshimvua musungule, ndelanganyi ya Abrahame, mulunda wanyi, teleja.

Misambu 106:47

Maweja-Nangila Mvidi Mukulu wetu, utusungidile, utumbushe mu bisamba bia benyi, utusangishe pamue, bua bitumbishe dina diebe dia tshijila, tutue ntunku bua butumbi buebe.

Yowanane 10:16

Ndi kabidi ne mikoku mikuabu idi kayiyi mu lupangu elu. Ndi ne bua kuyilombola kabidi. Neyiteleje diyi dianyi. Neyenze tshisumbu amu tshimue, tshikale ne mulami amu umue.

Mika 2:12

Maweja-Nangila udi wamba ne: “Nuenu ndelanganyi ya Yakobe, nennusangishe bonsu. Nuenu badi bashale ne muoyi mu Izrayele, nennukunguje. Nennusangishe muaba umue, bu mikoku mu lupangu luayi, bu tshisumbu tshia nyama mu mpata. Nennuenze tshisumbu tshimue tshia bantu bavule.

Misambu 107:3

kudi bavuaye mukunguje muaba umue, pavuabu batangalake mu matunga onsu, a kudi diba dipatukila ne dibuelela, a ku mutu ne a kuinshi kua ditunga.

Yeshaya 8:10

Elayi meji a kuenza bualu kampanda, kadi kanuakubukumbaja munudi basue. Umvuanganayi, kadi kanuena ne tshinuenza. Bualu Emanuwele udiku, mmumue ne: Mvidi Mukulu udi netu.

Yeshaya 41:9

Meme kukukeba too ne ku nshikidilu kua buloba. Meme kukubikila, pauvua ku matunga a kule. Meme kukuambila ne: “To, tshiena mukubenge nansha. Ndi mukusungule. Muena mudimu wanyi ke wewe.”

Yeshaya 43:1

Izrayele, mpindiewu Maweja-Nangila udi wakula! Yeye ke mufuki webe. Yeye uvua mukufumbe wewe, tshisamba tshia Yakobe. Udi ukuambila ne: “Kutshinyi, bualu nenkusungidile! Ndi mukubikile, mutele dina diebe! Udi muntu wanyi meme!

Yeshaya 49:18

Banduluka, tangila ku nseke yebe, umone: bana bebe badi badisanga pamue bonsu, bakadi bafika kuudi. Maweja-Nangila udi wamba ne: bu mundi Meme Mvidi Mukulu ne muoyi, ndi nditshipa ne: Neusanke bua bantu bebe, amu bu mudi nsongakaji, udi ubuela mu dibaka, usanka bua mabue a mushinga mukole, ne mukaba muimpe udiye uvuala.

Yeshaya 54:3

Bualu neuvulangane ku nseke yonsu. Bana bebe ba balume nebangatulule maloba adi mu bianza bia bena mutumba. Nebasulule kabidi mu bimenga, muvua mushale dikolu.

Yeshaya 54:7

Mvua mukutokele bushuwa, kadi amu bua katupa kipi. Kadi bu mundi nkunanga bikole, ndi nkuangata tshiakabidi.

Yeshaya 61:9

Nebamanye ndelanganyi yenu miaba yonsu, mu matunga onsu. Bantu bonsu badi babamona, nebamanye ne: ke bantu badi Maweja-Nangila muele lupemba.

Yirmeya 23:8

Kadi nebaditshipe bamba ne: “Ndi nditshipa mu dina dia Maweja-Nangila udi ne muoyi uvua mupatule bena Izrayele mu matunga a ku mutu kua ditunga ne mu matunga onsu avuaye mubatangalaje, bua basombe tshiakabidi mu ditunga diabu!”

Yirmeya 29:14

Nennumushe mu bisamba bionsu ne miaba yonsu imvua munutangalaje. Nennusangishe, nnupingaje muaba ewu umvua munukuatshishe bua kunutuma mu bupika. Meme Maweja-Nangila ndi njadika nanku.

Yirmeya 42:11

Kanutshinyi mpindiewu mukalenga wa bena Babilone. Meme Maweja-Nangila ndi nnuambila ne: kanutshinyi, bualu ndi nenu, bua kunusungidila, bua kumukandika, bua kankengeshi.

Yirmeya 51:46

Kanutekeshi mu maboku, kanutshinyi. Lelu badi bamba nenku, maloba bamba munga! Bilondeshile mushindu udi bidimu, badi batela mudi bantu bakengeshangana pa buloba, mudi mukalenga wa tshikisu wipata mukuabu mu nkuasa wa bumfumu.

Yirmeya 3:18

Diba adi, bena Yuda ne bena Izrayele nebumvuangane. Bonsu babidi nebafumine mu ditunga didi ku mutu kua dienu, bua kupingana mu ditunga dimvua mupeshe bankambua babu bua dishale diabu.

Yirmeya 23:7

Maweja-Nangila udi wamba ne: Eyowa, dituku nedifike didi bantu kabayi baditshipa kabidi bamba ne: “Ndi nditshipa mu dina dia Maweja-Nangila udi ne muoyi, uvua mupatule bena Izrayele mu Ejipitu…”