Yeshaya 42:16 - MUKANDA WA MYIDI MUKULU

¹⁶ Kadi nendudike bantu banyi, batshivua bashale bampofu, mu njila udibu katshia kabayi bayile. Nenkudimune miidima, yenze munya, bua bantu bende bimpe. Ndi ndandakaja miaba idi biina. Ke bindi musue kuenza. Nembikumbaje, tshiyi ndekela.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nenye ne bafofo mu nshila udibo kabayi bamanye; nembalombole mu nshila idibo kabayi bamanye; nenkudimune mîdima bu munya ku mpala kuabo, ne miaba ya bizakalabizakala bu miaba milandakane. Au mmalu andi ngenza, tshiena mpanga mua kuashikisha.

Yeshaya 42:16 交叉引用

Yeshaya 30:21

Panuakeba kuya, ku dia balume nansha ku dia bakaji, nenumvue miaku eyi ifumina kunyima kuenu, yamba ne: “Ke njila unudi ne bua kulonda ewu.”

Luke 3:5

Tshibandabanda tshionsu, nutshiuwuje. Mikuna minene ne mikese, nuyipuekeshe. Njila mikonyangale, nuyilulamije. Binina bia mu njila, nubilandakaje.

Yeshaya 35:8

Koku aku, nekuikale njila. Nebamuinyike ne: “Njila wa tshijila”. Muntu mupie mikiya kakupitshilaku to. Mutendeledi wa mvidie kakuendakanamu to. Njila awu neikale mutekela bantu ba Maweja-Nangila, patuadijabu luendu luabu.

Yeshaya 40:4

Bajibikile mpongu yonsu. Mikuna minene ne mikese, bayipuekeshe! Mikuna ikale bu mpata. Bidi kulu bilandakane, bienza bibanda.

Efeze 5:8

Kale nuvua mu midima. Mpindiewu nudi mu butoke, bualu nudi badisange ne Mfumu. Enzayi malu adi bantu badi benda mu butoke ne bua kuenza.

Yeshaya 32:3

Bantu aba badi ne mudimu wa kutabalela makenga a bantu, kabakushala kabidi bampofu to. Bantu aba badi ne bua kumvua, nebateleje bimpe tshidi bantu bamba.

Ebrewu 13:5

Mu nsombelu wenu, kanuikadi ne lukuka lua biuma. Nusanke ne binudi nabi, bualu Mvidi Mukulu mmuambe ne: “Tshiena nkulekela, tshiena nkushiya nkayebe nansha kakese.”

Yeshaya 29:18

Dituku adi, badi ne mapapa, nebumvue bidibu babala mu mukanda. Bampofu badi bapatuka mu miidima, nebamone bimpe.

Misambu 94:14

Maweja-Nangila kena ubenga bantu bende, kena ulekela bumpianyi buende.

Yeshaya 48:17

Wa tshijila wa bena Izrayele, Maweja-Nangila, uvua muangate bualu buenu ne manza abidi. Ke yeye udi ukuambila ne: “Meme Maweja-Nangila ndi Mvidi Mukulu webe. Meme ndi nkulongesha, malu adi ne bua kukulengelela. Meme ndi nya nebe mu njila uudi ne bua kulonda.

Yeshaya 45:2

Meme ndi ngenda kumpala kuebe, bua kumusha bionsu bidi mua kukujingakaja, kutshibula biibi bia tshiamu tshikunze, kuzaza milonda ya kupayika nayi biibi.

Yeshaya 35:5

Diba adi, mesu a bampofu neatabale, amone bimpe, matshi a bena mapapa, neunwue biakane.

Osheya 2:14

Nengupule mionji yende ya mvinyo, ne mitshi yende ya mfiku, ivuaye wamba ne: “Ke difutu didibu bangonda kudi babayanyi.” Nenshiye miaba yonsu ayi anu tshisuku. Nyama ya mu tshisuku neyipetele biakudia muaba awu.

Osheya 2:6

Tshiena nnanga bana bende to, bualu mbana ba muena tshiendenda, bafuane mamuabu.

Yeshaya 29:24

Bantu bavua bapange lungenyi, nebatuadije kungumvua. Bavua bela amu mpata, nebanyishe bua babalongeshe.”

Yoshua 3:4

Ke munudi mua kumanya njila wa kulonda. Katshia kanuvua banji kupitshila muaba ewu to. Kadi kanusemenyi pabuipi ne mushete wa ndondu to. Nuikale bashilangane nawu misangu yonsu, mutantshi wa kilometre bu umue.

Yezekiyele 14:23

Kanuakubungama kabidi bikole to. Bualu nuenu bamane kubamona, nenumvue mundi munyoke bena tshimenga etshi anu pa bualu. Meme Maweja-Nangila ndi njadika bualu ebu.

Yeshaya 54:13

Bana bebe bonsu nembalongeshe meyi anyi. Nebasombe mu bupole.

Yeshaya 41:3

Kubalondakajaye, kupitaye munkatshi muabu, kabayi bamuenzela bualu. Makasa ende kaena nansha adiata panshi.

Muambi 7:13

Tutangile mudi Mvidi Mukulu muenze. Muntu nansha umue kena mua kululamija tshidi Mvidi Mukulu mukonyangaje.

Muambi 1:15

Bualu tshidi tshinyongoboke, kabena mua kutshilulamija. Bintu bidi kabiyiku, kabena mua kutabala.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Yeshaya 26:7

Maweja-Nangila, wewe udi uleja bantu badi bakuitaba, njila mululame wa kulondabu. Njila uudi wewe uleja bantu, udi ubafikisha buludi muaba mene udibu bakeba.

Yeshaya 30:18

Kadi Maweja-Nangila udi windila, utekemena matuku onsu, diba didiye mua kunufuila luse. Udi ukeba mudiye mua kunuambuluisha. Bualu Maweja-Nangila udi Mvidi Mukulu, udi wenza bionsu amu bimpe. Bonsu badi batekemena kudi Mvidi Mukulu, mbena diakalenga.

Yeshaya 41:17

Bapele ne bakengi, badi bakeba mayi, kabayi baapeta. Nyota idi ibumisha muminu. Kadi meme Maweja-Nangila, ndi ngitaba ku dilomba diabu. Meme Maweja-Nangila wa bena Izrayele, tshiena mbalekela to.

Yeshaya 45:7

Ndi ngenza munya, mfuka miidima kabidi. Ndi mpetesha diakalenga, mfila ne dikenga. Eyowa, ke Meme Maweja-Nangila, udi wenza malu onsu aa.

Yeshaya 52:12

Musangu ewu, kanuena ne bua kupatuka mu tshiputuku to. Kanuena ne bua kunyema ne bowa, bualu Maweja-Nangila ke udi wenda kumpala kuenu. Yeye Mvidi Mukulu wa bena Izrayele, neanulame kabidi luanyima.

Yeshaya 58:10

panudi nuabanyangana tshiakudia tshienu ne muntu udi ne nzala, panudi nudisha muntu udi ne dikenga, nenku butoke nebuipate miidima muaba unudi nusombela. Pa mutu pa kuikala mu miidima, nenusombe mu butoke bu munda munya.

Yeshaya 62:12

Nebanuinyike ne: “Ke bantu ba tshijila, ke bantu bavua Maweja-Nangila mupikule.” Wewe Yerushalayime, kabena bakuinyika kabidi ne: “Tshimenga tshidi Mvidi Mukulu ubenga.” Kadi nebakuinyike ne: “Tshimenga tshidiye unanga.”

Amosa 5:8

Uvua muenze mitotu, tshidimina nzaji, mbua-nyama-ne-muntu. Udi ukudimuna midima, uyenza butoke bua mu dinda. Udi wandamuna munya, uwenza butuku. Udi ubikila mayi a mu mayi manene, wapuekesha pa buloba, ulokesha mvula. Dina diende Maweja-Nangila.