Yeshaya 42:11 - MUKANDA WA MYIDI MUKULU

¹¹ Bantu bimbile Mvidi Mukulu misambu, mu tshipela ne mu bimenga biatshi, ne mu mitanda idi bena Kedare base. Bena mu tshimenga tshia Sela, bele tunkunduluila! Bele mbila ya disanka, pa mitu ya mikuna!

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Tshihela tshisanke, ne misoko idimu, misoko mene idi Bena Kedâ bashikamemu; badi bashikame mu Sela bimbe biabo, bele biabo mbila ha mutu ha mikuna.

Yeshaya 42:11 交叉引用

Yeshaya 32:16

Miaba yonsu, mu mpata ne mu metu, bantu nebakumbaje tshidi Mvidi Mukulu musue. Mu ditunga dijima bantu nebanangangane, nebumvuangane ne muoyi umue.

Yeshaya 60:7

Nyama ya bena Kedare, neisangile kumpala kuebe. Mikoku ya bimpanga ya bena Nebayote neikale yebe. Nebaye nayi pa tshilambuilu tshia Maweja-Nangila. Neikale milambu idi ilengelela Maweja-Nangila. Mvidi Mukulu neavudije lumu lua nzubu wende bikole.

Yeshaya 52:7

Ndisanka kaayi patudi tumona muntu wenda pa mikuna, ututuadila lumu lua disanka! Udi utuadila bantu lumu lua bupole, lua diakalenga ne lua lupandu. Udi ukuambila wewe Yerushalayime ne: “Mvidi Mukulu webe udi mukalenga.”

Yeshaya 35:6

Diba adi, batebuki nebatupike, baja ne maja, bu ngulungu mu mpata. Tumama netuele mbila ya disanka. Bualu mu tshipela, nemupatuke mayi: Misulu neipueke mu ditunga divua ne munanga.

Yeshaya 21:16

Nenku Maweja-Nangila uvua mungambile ne: “Papita tshidimu tshimue, amu tufika dituku ditudi lelu, lumu lua Kedare nelujike.

Yeshaya 16:1

“Bena Mowabe, tuminayi mukalenga wa ditunga dia Yuda mulambu wa mukoku wa tshimpanga. Numuke nawu ku Sela mu tshipela, nuye too ne ku mukuna wa Siyone.”

Misambu 120:5

Pandi nsomba mu ditunga dia Mesheke, ne mu nzubu ya ntenta ya bena Kedare, ndiakabi dianyi.

Genese 25:23

Maweja-Nangila kumuandamuna ne: Bisamba bia bantu bibidi bidi munda muebe, neulele bisamba bibidi bishilangane. Kadi tshisamba tshimue netshipite tshikuabu ku bukole. Muanabute neikale mupika wa muakunyende.

Yirmeya 49:16

Uvua ukuatshisha bantu bonsu bowa. Uvua udimona bu udi mupile bisamba bionsu. Kadi uvua udidinga. Nansha wewe musombe mu mbuebue, nansha wewe muase pa mikuna mitumbuke, nansha wewe muenzele disua diebe kulu kupita, mudi nyunyi wa tshiminyi wenza, kadi nenkukulule panshi.” Ke mudi Maweja-Nangila wamba nanku.

Yirmeya 48:28

Umukayi mu bimenga bienu, nuenu bena Mowabe. Nuase mu mbuebue nuidikije nyunyi ya nkutshi, idi yenza masua ayi ku mushiku wa lubuebue.

Yirmeya 21:13

Meme ndi nnuluisha nuenu badi base kuinshi pa mukuna. Nudi nuamba ne: Muluishi nansha umue kena mua kumpeta, kena mua kubuela muaba utudi basombe!

Yeshaya 43:19

Bualu nengenze bualu bupiabupia. Bualu ebu bukadi bumueneka. Kanuena nubumone anyi? Eyowa, nempande njila mu tshipela. Mu buloba buatuke abu, nempatulemu misulu.

Yeshaya 35:1

Tshipela ne buloba bume nebileje disanka diabi. Ditunga divua ne minanga nedisangale, nedimeneshe bilongu

Obadya 1:3

Nudi nuditambisha, kadi nudi nudidinga. Nudi basombe pa mikuna mu mabue, miaba idi bantu kabayi mua kufika. Nudi nudiamba ne: ‘Nganyi watupatula? Nganyi watusakila panshi?’

Yeshaya 40:3

Ndi mumvue diyi diamba ne: “Pandilayi Maweja-Nangila njila mu tshipela. Lulamijila Mvidi Mukulu njila mu buloba ebu buatuke.

Yeshaya 12:5

Imbilayi Maweja-Nangila ne bisanji, bualu mmuenze malu a dikema. Numuanyishe pa buloba bujima!”

Yirmeya 49:31

Maweja-Nangila udi wamba ne: Jukayi nuye kuluisha bantu aba, badi kabayi bumvua lutatu, basombe amu talalaa. Bimenga biabu kabiena ne tshiibi nansha bikuvu. Badi basombe amu pa nkayabu, ku mpenga.

Yezekiyele 27:21

Bena Arabe ne balombodi ba ditunga dia Kedare bavua basumbishangana nebe bintu. Batua bakufuta bana ba mikoku, mikoku ne mbuji.