Yeshaya 42:10 - MUKANDA WA MYIDI MUKULU

¹⁰ Imbilayi Maweja-Nangila musambu mupiamupia. Nuenu badi benda mu mayi manene, nuenu bifukibua bidi biendamu, ne nuenu bantu badi base kulekule, numutumbishe too ne ku ndekelu kua buloba.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Imbilai Yehowa musambu muhia-muhia, numutumbishe tô ne kunfudilu kua buloba! Nuenu badi benda ha mai manene, ne bintu bionso bidimu, maloba a ku muelelu wa mai manene ne bantu bonso badimu bimutumbishe.

Yeshaya 42:10 交叉引用

Misambu 33:3

Imbilayi Maweja-Nangila musambu mupiamupia, numusekelele ne bisanji, numukobuele!

Yeshaya 42:4

Kakuteketa mu maboku, kakupungila, too ne muabuejaye malu malenga pa buloba bujima. Bantu ba ku matunga a kule, badi amu bamuindila, bua abalongeshe.

Misambu 40:3

Kumpatulaye mu dijimba dia lufu, mu bitotshi bia lunteke. Kungimanyikaye makasa madiata pa lubuebue, unkolesha mu mikolu.

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.

Yeshaya 49:13

Diulu, lejaku disanka diebe! Buloba, Sankaku! Mikuna minene, imbayi misambu ne meyi makole. Bualu Maweja-Nangila udi usamba bantu bende. Bantu bende badi bakenga, udi ubafuila luse.

Didimanyisha 14:3

Bantu aba binunu ne binunu bavua bimane kumpala kua nkuasa wa butumbi, kua Bia muoyi binayi, ne kua bakulu, bimba musambu mupiamupia. Muntu nansha umue kavua mua kulonga musambu awu, amu bantu abu binunu lukama makumi anayi ne binayi bavuabu bapikule, bumushe pa buloba.

Sefanya 2:11

Maweja-Nangila neabakuatshishe bowa. Neabutule nwidie yonsu ya pa buloba. Diba adi, bantu bonsu, nansha badi basomba kule kupite, nebamutendelele, muntu yonsu muaba udiye usomba.

Yeshaya 65:14

Nebikale ne disanka dinene, nebele mbila bua diakalenga didibu nadi. Kadi nuenu, yenu mbila neikale ya dikenga. Nenukengakane ne muadi, muoyi neunushikile munda.

Yeshaya 60:9

Ke matu adi afuma ku mielelu ya mayi a ku matunga a kule. Matu manene adi enda kumpala. Bana bebe badi pa matu aa, bafumine ku matunga a kule, bambule mpawungi yabu ne biamu bitoke bia mushinga mukole. Badi balua bua kutumbisha Maweja-Nangila, Mvidi Mukulu webe, wa tshijila wa bena Izrayele. Bualu Yeye ke udi ukusankisha nenku.

Yeshaya 51:5

Nkadi pabuipi, nkadi pa kunupandisha. Nkadi pa kutshimuna baluishi benu. Bantu badi basomba mu matunga a kule, nembaleje njila mululame. Badi basomba mu bidiila bidi kule kuaka, nebatekemene kundi bua meme kubasungidila.

Yeshaya 49:6

Yeye kungambila ne: “Kabiena bikumbana bua wikale muena mudimu wanyi anu bua kujula tshisamba tshia Yakobe, ne bua kupingaja kundi bena Izrayele badi bashale ne muoyi. Kadi ndi mukuteke kabidi butoke bua bukua bisamba, bua umone mua kupandisha bantu too ne ku ntengu ya buloba.”

Yeshaya 44:23

Eyowa, Maweja-Nangila udi muenze bualu. Diulu, leja disanka diebe patoke. Bidi mu kandondu ka buloba, imbayi ne meyi makole. Nuenu mitshi idi mu metu, nuenu kabidi mikuna, elayi mbila ya disanka. Bualu Maweja-Nangila udi upandisha bantu bende. Udi uleja lumu luende, padiye usungidila bena Izrayele.

Misambu 150:6

Bionsu bidi ne muoyi bitumbishe Maweja-Nangila! Tumbishayi Maweja-Nangila, Aleluya!

Misambu 97:1

Maweja-Nangila udi mukalenga, buloba bujima busanke, bantu bonsu badi kule basanke!

Misambu 96:11

Diulu disanka, buloba busanguluke, mayi manene ne bionsu bidimu bikungule.

1 Kulondolola 16:32

Mayi manene akungule! Bia muoyi bionsu bidimu bikungule! Mpata isangale, ne bionsu bidi bimenamu!

Ekesode 15:1

Pashishe, Moshe ne bena Izrayele kuimbila Maweja-Nangila musambu, bamba ne: Nengimbile Maweja-Nangila musambu: mmuleje bukole budiye nabu! Mmubutule mu mayi tubalu ne bavua babandapu.

Ekesode 20:11

Bualu meme Maweja-Nangila ndi mufuke diulu, mayi manene ne bionsu bidimu, anu mu matuku asambombu. Meme kuikisha dituku dia muanda mutekete, kudijidila, bua dikale dituku dia Dikisha.

Misambu 65:5

Muena diakalenga mmuntu uudi musungule bua asombe mu nzubu muebe. Netusanke, tutshionkomoka, bua bilenga bipite, bitudi tupeta muaba webe wa tshijila.

Misambu 72:10

Bakalenga ba mu Tarshishe ne ba mu bidila bia kule, nebamutumine malambi, ba mu Saba ne ba mu Seba bamutuadile milambu.

Yeshaya 11:11

Dituku adi Maweja-Nangila neenze tshiakabidi muende muonsu, bua kupikula bantu bende. Neapingaje kuabu bavua bashale ne muoyi mu ditunga dia Ashure ne dia Ejipitu, mu ditunga dia Patrose ne dia Kushe, mu Elame ne mu Babilone, mu Amate wa bena Arame, ne mu matunga a ku muelelu wa mayi manene.

Yeshaya 12:5

Imbilayi Maweja-Nangila ne bisanji, bualu mmuenze malu a dikema. Numuanyishe pa buloba bujima!”

Yeshaya 48:20

Patukayi mu Babilone. Nyemayi lubilu lukole. Nuele mbila ya disanka, numanyishe bualu ebu, too ne ku nshikidilu kua buloba. Buambayi, bumanyishayi, nuambe ne: “Maweja-Nangila mmuangate bualu bua Izrayele, muntu wende, ne manza abidi.”

Yeshaya 60:6

Ditunga diebe nediuwule ne nyama ya tumelu tente. Bangenda mushinga ba mu Madiyane ne ba mu Efa nebafume ku Saba, bisumbu ne bisumbu, ne tumelu tuabu. Nebakutuadile tshiamu tshia mpawungi ne musenga wa kamonya. Nebende batumbisha Maweja-Nangila.

Yeshaya 62:11

tshidi Maweja-Nangila ubamanyisha ku ntengu ne ku ntengu ya buloba ne: Ambilayi bena Siyone ne: “Mupandishi wenu udi ufika, udi ufika ne bonsu badiye mupikule, udi ufika ne tshipeta tshia ku mudimu wende.”