Yeshaya 41:22 - MUKANDA WA MYIDI MUKULU

²² Semenayi pabuipi, tuambilayi malu anuvua bakumbaje. Nutumvuije malu akadi mamane kuenzeka, bua tuetu kuelaku meji. Tumanyishayi nansha malu adi kaayi manji kuenzeka. Nanku netumanye bidi mua kuenzeka.

Mukanda wa Nzambi Dihungila Dikulukulu ne Dihungila Dihia-dihia 2003

²² Balue nʼau ku mpala kuetu, batuambile malu alualua kumueneka; ambai bienu malu akadiku diambedi ne, Akadi nunku; bua tuetu kuelangana meji a malu â ne bua kumanya bietu nshikidilu wau; anyi neuleshe malu adi kayi manji kulua.

Yeshaya 41:22 交叉引用

Yeshaya 45:21

Buelayi mu bipangu, nukebe tshinudi mua kuamba bua kudibingisha! Kadi uvua munumanyishe ku kale bidi bienzeka lelu nnganyi? Uvua mubisokolole bangabanga ne kuenzekabi nnganyi? Ki mmeme Maweja-Nangila anyi? Kakuena Mvidi Mukulu mukuabu to, amu meme. Mvidi Mukulu wa diyi dimue, Mvidi Mukulu udi usungidilangana, kenaku, amu meme.

Yeshaya 48:14

Bena Izrayele, kungilayi muaba umue, telejayi bonsu buenu: Ndi ne mulunda wanyi, neakumbaje meji andi muelele Babilone. Neakuate mudimu, bua bena Babilone bumvue mundi ne bukole. Kadi wa munkatshi muenu, uvua munumanyishe bualu ebu nnganyi? Kakuena nansha umue.

Yeshaya 46:10

Ku tshibangidilu tshia bionsu, ndi mudianze kuamba tshindi ngipatshila. Ndi mudianze kuamba amu ku kale, bivua kabiyi bianji kuenzeka. Ndi ngamba ne: Tshindi ngela meji, ndi ntshikumbaja. Tshionsu tshindi musue, ndi ntshienza.

Yeshaya 44:7

Padi mvidie kampanda wela meji ne: tudi nende mumue, adileje apa, akule! Angumvuije bivuaye muenze. Uvua mumanyishe ku kale malu avua ne bua kuenzeka anyi? Udi mutuambile malu adi kaayi manji kuenzeka anyi?

Yowanane 16:14

Neuntumbishe, bualu neupete bidi kundi bua kunumanyishabi.

Yowanane 13:19

Ndi udianjila kunuambila bualu ebu mpindiewu kabuyi buanji kuenzeka, bua penzekabu nuitabe ne: “Meme ndi mundi.”

Yeshaya 42:9

Malu amvua munumanyishe kumpala, akadi mamane kuenzeka. Ndi nnuambila malu mapiamapia mpindiewu. Ndi nnumanyishawu, kaayi manji kuenzeka.

Yeshaya 41:26

Wakadianjila kutuambila bualu ebu, bua tuetu kubumanya nnganyi? Wakabuamba kumpala, bua tuetu kujadika ne: “Ke muntu uvua mumanye bualu,” nnganyi? Bulelela, kakuena nansha umue wa kunudi, nuenu mvidie, uvua mubumanye. Kabena banumvue bamba bualu.

Yeshaya 48:3

Mvua munumanyishe kale malu avua ne bua kuenzeka. Mvua munulayewu, mvua munumanyishewu. Pashishe musangu umue meme kuakumbaja!

Yeshaya 45:22

Nuenu badi basombe ku ndekelu kua buloba, fikayi kundi meme. Nennusungidile. Bualu Mvidi Mukulu ke meme! Kakuena mukuabu to.