Yeshaya 41:11 - MUKANDA WA MYIDI MUKULU

¹¹ Eyowa, bonsu badi bakukina, nebafue bundu. Bantu nebabaseke. Baluishi bebe nebajimine, nebabutuke bonsu!

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Monai, bonso badi bakukuatshile tshiji nebafuishibue bundu, nebabuelakane; badi bafuilangana nʼebe nebikale ba hatuhu, nebajimine.

Yeshaya 41:11 交叉引用

Ekesode 23:22

Kadi, nuenu bitabe diyi diende, bakumbaje bionsu bindi ngamba, meme Maweja-Nangila nenduishe bantu bonsu badi banuelela meji mabi.

Yeshaya 45:24

Nebambe ne: “Amu kudi Maweja-Nangila nkayende, ke kutudi tupeta bukole, ke kutudi mua kutshimuna.” Bonsu bavua banduishe, nebafike kundi ne bundu.

Didimanyisha 3:9

Umvuayi tshingenzela tshisumbu tshia bena diabolu, bena dishima aba, badi badiamba mudibu bena Yuda, kadi kabayi nanku. Nembenzeje ku bukole, bua badiele panshi ku makasa ebe bua kukunemeka. Nebajadike mundi mukunange.

Bienzedi 16:39

Kuvuabu kubalomba luse. Pashishe kubalekelabu, babasengelela bua bumuke mu tshimenga.

Yeshaya 54:17

Tshia mvita tshionsu tshidibu bafula, bua kukuenzela natshi bibi, katshiakukuenzela bualu to. Padi muntu musue kukufunda kudi bandumbulula, wewe neumupishishe. Ke tshindi ngenzela bena mudimu banyi bonsu. Ndi mbalama, mbambuluisha bua batshimune baluishi babu. Meme Maweja-Nangila, ndi ngamba nanku.”

Ekesode 11:8

Balombodi ba mu bukalenga buebe bonsu nebantuile binu, balengelela ne: “Umbukayi mene ne bantu bonsu baudi nabu!” Diba adi nenshishe kuya. Moshe kumuka ne tshiji tshikole kudi mukalenga wa bena Ejipitu.

Zekâya 12:3

Dituku adi, nengenze Yerushalayime dibue dinene dia bujitu, didi bantu bakeba kuambula. Kadi bonsu badi badiambula nebatapike. Nenku bisamba bionsu bia pa buloba nebidisangishe bua kuluisha Yerushalayime.

Yeshaya 49:26

Nengenzele ku bukole bua badi bakukengesha, bashipangane nkayabu. Nebanue, bakuatshike mashi abu, mudibu bakuatshika maluvu a mvinyo mupiamupia. Nenku bantu bonsu nebamanye ne: Ke meme Maweja-Nangila, mupandishi webe. Ndi mudiangatshile tshilumbu tshiebe ne manza abidi. Meme Mvidi Mukulu tshilobu tshia Yakobe.

Yeshaya 41:29

Bonsu buabu badi tshianana. Bidibu benza bidi patupu. Mvidie yabu idi lupepele, kayiyi ne bukole nansha bukese.

Yeshaya 29:8

Bualu ebu nebuikale bu mudi muntu ne nzala, ulota, udia biakudia. Kadi upapuka ku tulu, kudiumvuaye amu ne nzala. Nebuikale bu muntu ne nyota, ulota unua mayi. Kadi upapuka ku tulu, mupungile, kudiumvuaye amu ne nyota yende ayi. Ke muikalabi nanku, ne bena matunga badi baluisha mukuna wa Siyone.

Yeshaya 41:24

Kadi nudi tuntu tua patupu. Binudi nuenza bidi bia tshianana. Badi banusungula bu mvidie yabu, ndi mbadiwula kashidi.

Yeshaya 40:17

Bisamba bionsu bisanga pamue, kabiena ne bujitu ku mesu ende. Bidi amu kajitu ka patupu.

Yeshaya 17:13

Tshimvundu tshia bisamba tshidi tshienda tshisemena pabuipi, tshifuana tshiona tshia mavuala a mayi manene. Kadi Maweja-Nangila udi ukanyina bisamba. Biobi bidi binyema kule, bu kasosa kapepula kudi lupepele lua pa mikuna, bu lupuishi lujuula kudi mvunde.

Yeshaya 29:5

Kadi baluishi bebe ba bungi, nebikale anu bu dibungi dia lupuishi. Bena lukuna badi bakuluisha, nebikale bu bisosa bidi lupepele lupepula.” Eyowa, bualu ebu nebuenzeke lukasa, katuyi babutekemene.

Yeshaya 29:7

Bena matunga a bende, bavua bakuluisha wewe Ariyele, bavua bakubunda, bavua bakunyungulula ne mushiki wa buloba, bavua bakukengesha, nebajimine bonsu bu mudi tshilota, bu mudi bualu butudi tumona bufuku.

Yeshaya 34:12

Kamuakuikala kabidi bakulu ba ditunga, badi mua kusungula Mukalenga. Balombodi bonsu mbamane kufua.

Yeshaya 40:2

Nukoleshe bena Yerushalayime ku muoyi! Nubele mbila, nubambile ne: “Midimu yenu mikole yajiki! Nudi bafute tshibawu tshienu. Maweja-Nangila mmununyoke misangu ibidi dinyoka dijima dinuvua ne bua kupeta.”

Yeshaya 54:15

Padi muntu musue kukuluisha, mu mvita yende ayi, meme tshiakumuambuluisha to. Kadi muntu yonsu udi ukuluisha, neumutshimune.

Yirmeya 2:3

Wewe Izrayele, uvua wanyi meme nkayanyi, bu biakudia bia tshianyi bidibu banowa. Bantu bonsu bavua bakuluisha meme kubakengesha. Diakamue kupetabu diakabi. Meme Maweja-Nangila, ndi njadika nanku.

Ekesode 12:29

Mundankulu, Maweja-Nangila kushipa bamuanabute bonsu ba mu ditunga dia Ejipitu, biangatshile ku muanabute wa mukalenga wa ditunga, too ne ku muanabute wa muntu tshianana uvua mu nzubu wa lukanu. Kushipaye kabidi ne bamuanabute ba bimuna.

Yeshaya 49:25

Kadi meme Maweja-Nangila ndi ngamba ne: Eyowa, nennyenge tshilobu tshia mvita, muntu uvuaye muele mu lukanu. Nendiapule mukalenga wa tshikisu tshintu tshivuaye mupawule mu mvita! Yerushalayime, meme nkayanyi, nenduangane ne bena lukuna bebe, bua kupandisha bana bebe.

Yirmeya 12:17

Kadi padi tshisamba kampanda tshia bena mutumba aba tshibenga kunteleja, nentshipate bua tshibutuke kashidi. Meme Maweja-Nangila ndi njadika nanku.