Yeshaya 41:10 - MUKANDA WA MYIDI MUKULU

¹⁰ Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kutshinyi, bualu bua ndi nʼebe; kukenzakanyi bua buowa nansha, bualu bua ndi Nzambi webe; nenkukoleshe, bulelela, nenkukuatshishe; bulelela, netujadike ne tshianza tshianyi tshia balume tshia buakane buanyi.

Yeshaya 41:10 交叉引用

Yoshua 1:9

Ndi mumane kukuambila ne: kolesha muoyi, kutshinyi, kuzakadi, kutekeshi mu maboku. Bualu meme, Maweja-Nangila Mvidi Mukulu webe, nengikale nebe konsu kuudi uya.

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

Filipe 4:13

Bu mudi Kristu unkolesha, ndi mua kupitshila mu bionsu amu bimpe.

2 Korente 12:9

Kungandamunaye ne: “Tshiudi natshi dikenga, ke amu dinanga dindi nkunanga nadi, bualu bukole buanyi budi budileja patoke paudi muena butekete.” Ke mundi musue kuditemba nangananga bua butekete buanyi, bua bukole bua Kristu buntulukile.

Misambu 27:1

Musambu wa mu mukanda wa misambu ya Davide. Maweja-Nangila udi bukole buanyi, kabidi mumpandishi wanyi, tshiena mua kuzakela muntu to. Maweja-Nangila udi undama, tshiena ntshina muntu.

Misambu 63:8

Udi mulue kungambuluisha. Ke pandi ngela mbila ya disanka mu mapuapua ebe.

2 Kulondolola 20:17

Kanuakuikala ne tshilumbu tshia kubaluisha muaba awu to. Nuenu bena Yerushalayime ne bena Yuda, nuimane amu muaba awu, numone mundi nnupikula. Kanutshinyi, kanupampakanyi. Malaba nuye kudibu. Nengikale nenu.”

Misambu 145:14

Udi wimanyika bantu bonsu badi badishinda, ukankamika bonsu badi batekete.

Yeshaya 12:2

“Monayi mudi Mvidi Mukulu umpandisha. Ndi ne ditalala munda, tshiena ntshina tshintu to. Maweja-Nangila ke bukole buanyi. Ndi mmuimbila, bualu uvua munsungidile.”

Yeshaya 60:19

Bua wewe kuikala ne butoke, kuakukengela kabidi diba mu munya, nansha ngondu butuku. Bualu meme Maweja-Nangila Mvidi Mukulu webe, nentekeshe muebe matuku onsu, nenkukenkeshe ne butoke buanyi buonsu.

Dielulula 20:1

Nuenu baye kuluangana mvita ne bantu badi ne tubalu, kabidi ne matempu a mvita, nansha ne baluishi bapite bena mvita benu ku bungi, kanubatshinyi to. Bualu Maweja-Nangila Mvidi Mukulu wenu, uvua munupatule mu Ejipitu, udi munkathi muenu.

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Misambu 37:24

Muntu awu, nansha yeye udishinda, kena ushala panshi, Maweja-Nangila udi umukuata ku tshianza, umujula.

Misambu 29:11

Maweja-Nangila apeshe bantu bende bukole, abele lupemba, abasombeshe mu bupole.

Efeze 3:16

Ndi mmulomba se: anukankamike, bilondeshile buneme bua butumbi buende, anukoleshilemu munda muenu kudi Mueyelu wende.

2 Kulondolola 32:8

Yeye udi ne bantu badi bamuambuluisha bua kuluangana. Kadi tuetu tudi ne Maweja-Nangila Mvidi Mukulu wetu, udi utuambuluisha, utuluila mvita. Mukalenga Izkiya wamba miaku ayi, bantu bonsu ba mu tshimenga kupeta dikima.

Zekâya 10:12

Nenkankamike bantu banyi, nebenze amu malu adi andengelela. Meme Maweja-Nangila, ndi ngamba nanku.”

Yeshaya 43:5

Kutshinyi to. Meme ndi nebe. Nempingaje bana bebe mu ditunga, badi luseke ludi diba dipatukila. Nensangishe bebe bonsu, bafume kudi diba dibuelela.

Misambu 46:11

Udi wamba ne: “Lekelayi mvita! Numanye ne: Meme ke Mvidi Mukulu: Ndi ku mutu kua bisamba ne kua buloba bujima!”

Yeshaya 49:8

Maweja-Nangila udi wamba ne: “Padi tshikondu tshia lupandu tshifika, nengandamune ku dindomba diebe. Pafika dituku dia kukupandisha, nenkuambuluishe. Mvua mukuteke, mukulame, bua ukumbaje bimvua mulaye bantu banyi. Ndi nnupingaja mu ditunga dienu, bua nusombe tshiakabidi miaba yonsu mu buloba bua tshijila, buvuabu banyangakaje lelu.

Misambu 37:17

Bualu bumfumu bua muena bubi nebunyanguke, kadi bantu bende Maweja-Nangila udi ubashindika.

Yeshaya 44:2

Teleja tshindi nkuambila: Meme Maweja-Nangila, ndi mukufuke, ndi mukuenze munda mua mamuebe, kabayi banji kukulela. Meme ndi nkuambuluisha: Kutshinyi, tshisamba tshia Yakobe, muena mudimu wanyi, Yeshurune undi musungule.

Misambu 144:11

Umpandishe ku muele wa lufu unsungidile kudi bantu ba bisamba bikuabu, badi ne dishima mukana, buupula ne bianza biabu mutshipu udibu baditshipa.

Misambu 41:12

Pikala muluishi wanyi katshiyi udikokola pa tshiadi, nenjadike bushuwa ne: udi munnange!

Misambu 46:7

Padi Mvidi Mukulu wakula, bisamba bidi bizakala, makalenga atutakana, buloba bunyungakana.

Yeshaya 52:7

Ndisanka kaayi patudi tumona muntu wenda pa mikuna, ututuadila lumu lua disanka! Udi utuadila bantu lumu lua bupole, lua diakalenga ne lua lupandu. Udi ukuambila wewe Yerushalayime ne: “Mvidi Mukulu webe udi mukalenga.”

Genese 15:1

Malu onsu mamane kupita, Maweja-Nangila kumuenekela Abrame, umuambila ne: — Abrame, kutshinyi to! Ndi nebe, nenkulame ku njiwu yonsu, kabidi difutu diebe nedikale dinene.

Misambu 65:5

Muena diakalenga mmuntu uudi musungule bua asombe mu nzubu muebe. Netusanke, tutshionkomoka, bua bilenga bipite, bitudi tupeta muaba webe wa tshijila.

Luke 1:30

Ke mutumibue wa Mvidi Mukulu kumuambila ne: — Mariya, kutshinyi nansha. Udi mutokele Mvidi Mukulu ku muoyi.

Misambu 147:12

Yerushalayime, ela Maweja-Nangila mbila ya disanka. Siyone, tumbisha Mvidi Mukulu webe,

1 Kulondolola 12:18

Davide kuya kubakidila, ubambila ne: — Panuikala bafike kundi ne ditalala bua kungambuluisha, ndi nnuakidila ne muoyi mujima. Kadi panuikala bangelele tshifufu bua kumfila kudi baluishi banyi, nansha tshiyi muenze bualu bubi, Mvidi Mukulu wa bankambua betu amone bualu abu, anunyoke.

Luke 1:13

Kadi mutumibue kumuambila ne: — Zekarya, kutshinyi nansha. Mvidi Mukulu mmuitabe ditendelela diebe. Mukajebe Elisabete neakulelele muana wa balume. Neumuinyike dina dia Yowanane.

Misambu 99:4

Batumbishe bukole buebe, wewe mukalenga udi munange buakane. Wewe ke udi muelele bantu mikenji ya nsombelu muimpe, wewe ke udi mujadike buakane, ne bulongolodi mu Izrayele.

Misambu 144:8

badi ne dishima mukana, buupula ne bianza biabu mutshipu udibu baditshipa.

Osheya 1:9

Maweja-Nangila kuambila Osheya ne: “Muana awu, umuinyike ne: Lowami, mmumue ne: Muenyi. Bualu nuenu bena Izrayele, kanuena kabidi bantu banyi. Meme tshiena kabidi wenu to.”

Genese 31:5

Kubambilaye ne; — Ndi mumone ne mpala wa tatuenu mmubinduluke. Katshiena bu mutuvua nende diambedi to. Kadi Mvidi Mukulu wa nkambua wanyi uvua nanyi.

Genese 49:24

Kadi Yozefe udi ukuata buta bikole. Maboku ende ne bianza kabiena bipungila. Udi umukolesha ke Mvidi Mukulu wa Yakobe, muena bukole buonsu, Mulami wa bena Izrayele, dibue didibu beyemina.

Ekesode 14:13

Moshe kuandamuna bena Izrayele ne: — Nukoleshe muoyi. Kanutshinyi to! Nenumone mudi Maweja-Nangila unupandisha lelu. Bena Ejipitu banudi bamona aba, katshia kanuakubamona kabidi to.

Ekesode 20:20

Moshe kubandamuna ne: — Kanutshinyi to. Mvidi Mukulu mmufike bua kunuteta, bua numutshine, nulekele buenzayi.

Yeshaya 50:9

Eyowa, Maweja-Nangila Mvidi Mukulu udi umbingisha. Udi mua kungamba ne: udi muena tshibawu nnganyi? Bena lukuna banyi nebasunsuke bonsu, mudi tshilamba tshisunsuka, padibu batshidia kudi musuasua.

Danyele 6:16

Kadi baluishi ba Daniyele kupingana lukasa kudi mukalenga wa bakalenga, kumuambila ne: — Mukalenga wa bakalenga, udi mumanye bimpe ne: bilondeshile meyi a bena Madayi ne a bena Persa, mukenji muela kudi mukalenga munene kabena mua kushintulula to.

Danyele 10:12

Kuambaye kabidi ne: ‘Daniyele, kutshinyi nansha! Kubangila ku dituku diuvua mudipuekeshe ku mesu a Mvidi Mukulu, muikale ne muoyi wa kujingulula malu avua enzeka aa, Mvidi Mukulu mmumvue ditendelela diebe. Ke pandi mufike bua kukutuadila diandamuna.

Agayi 1:13

Pashishe Maweja-Nangila kutuma muambi Agayi bua kuambila bantu ne: — Meme Maweja-Nangila ndi nnulaya ne: Nengikale nenu.

Agayi 2:5

Panuvua bapatuke mu Ejipitu, mvua munulaye bua kuikala munkatshi muenu. Kanutshinyi to.

Genese 26:24

Butuku abu Maweja-Nangila kumumuenekela, umuambila ne: — Kutshinyi! Ndi Mvidi Mukulu wa tatuebe Abrahame. Ndi nebe. Nenkuele lupemba. Nemvudije ndelanganyi yebe, bualu mvua munange muntu wanyi Abrahame.

Balombodi 6:16

Ke Maweja-Nangila kumuambila ne: — Nengikale nebe. Nanku neushipe bena Madiyane, bu bikale amu muntu umue.

2 Samuele 22:19

Dituku dia tshiyole kunduishabu. Kadi Maweja-Nangila kungambuluisha.

Misambu 18:36

Maweja-Nangila, udi undama ne diebe dia bukole, unsungidila ne ngabu, umpesha bukole, pandi nkubikila.

Misambu 33:12

Bantu badi Maweja-Nangila muikale Mvidi Mukulu wabu, bantu badiye mudisunguile mbena diakalenga!

Yeshaya 35:4

Ambilayi badi batekesha mu maboku ne: “Kanutshinyi, kolayi bo bo bo, Mvidi Mukulu wenu udiku! Udi ufika bua kunusombuela, bua kupingajila bena lukuna benu malu mabi avuabu banuenzele. Yeye mene udi ufika bua kunupandisha.”

Yeshaya 37:6

awu kubambila ne: “Nuye kuambila mfumuenu ne: Maweja-Nangila udi wamba ne: Uvua muteleje muvua balombodi ba bena mvita ba mukalenga wa bena Ashure bampenda. Kadi kutshinyi bionsu bivuabu bakula abi to.

Muadi 3:57

Pamvua mukubikile uvua musemene pabuipi nanyi. Wewe kungambila ne: “Kutshinyi nansha.”

Zekâya 10:6

Nenkankamike tshisamba tshia Yuda, nensungidile bena Izrayele. Nembapingaje mu ditunga diabu tshiakabidi, nembaleje mundi mubanange. Nebikale tshiakabidi bu tshikondu tshimvua tshiyi muanji kubabenga. Ndi Maweja-Nangila Mvidi Mukulu wabu, nembapeshe bidibu bandomba.