Yeshaya 38:16 - MUKANDA WA MYIDI MUKULU

¹⁶ — Maweja-Nangila, wewe uvua mudianze kumanya, bivua ne bua kungenzekela. Kadi wewe kumfululula, kumpingajila makanda, kundama ne muoyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Mukelenge, bantu batu bikala ne muoyo bua malu â; ne bua malu â onso nyuma wanyi udi ne muoyo; nunku unsangashe ne umpingashile muoyo kabidi.

Yeshaya 38:16 交叉引用

1 Korente 11:32

Kadi Mfumu udi utulumbuluisha, utunyoka, bua kabavu kutupisha pamue ne bantu bakuabu ba pa buloba dituku dia tshilumbuluilu.

Matayi 4:4

Yezu kuandamuna ne: — Mukanda wa tshijila udi wamba ne: “Muntu kena ne muoyi anu bua mampa nkayawu, kadi nangananga bua diyi dionsu didi Mvidi Mukulu wamba.”

Misambu 119:25

Ke meme ewu panshi mu lupuishi; umfululule bu muuvua mulaye.

Yeshaya 64:5

Tudi bonsu bantu babi, katuena bakanyine kukukuatshila mudimu. Tudi bu tshintu tshipia mikiya. Nansha mianda mimpe ituvua tuenza, idi kabidi mikuatshike muendi bu tshilamba tshidi ne makeji a mashi. Bualu bua bilema bietu, tudi bu mabeji mume a mutshi, adi lupepele luambula luya nawu.

Misambu 71:20

Udi mummueneshe mabika ne mala. Kadi neumfululule, ungepule ku lukita.

Dielulula 8:3

Yeye mumane kunukengesha ne nzala, kumupeshaye mana, biakudia binuvua kanuyi banji kumanya, nansha nuenu nansha bankambua benu. Bionsu ebi, anu bua kunulongesha ne: muntu kena ne muoyi anu bua biakudia nkayabi to, kadi bua meyi onsu adi apatuka mukana mua Mvidi Mukulu.

2 Korente 4:17

Makenga atudi tumvua matuku aa adi amu makese, adi apita kabidi lubilu. Kadi neatupeteshe lumu luvule ludi lushala kashidi, ludi ne mushinga mupite wa makenga aa.

Ebrewu 12:9

Tuvuluke batatuetu ba pa buloba! Bavua batunyoka, tuetu kubanemeka. Nenku tudi ne bua kutumikila Tatu wetu wa mu diulu bipitshidile, bua tuikale ne muoyi.

Misambu 39:13

Maweja-Nangila, teleja mundi nkutendelela, teya matshi ku lubila luanyi. Pandi ndila muadi, ungambuluishe. Bu muvua bankambua banyi bonsu, ndi amu muenyi kumpala kuebe, tshiyi ne diyi dia kuamba.

Misambu 119:71

Bidi bimpe bantu bamfuishe bundu, bua mmanye tshiudi musue.

Misambu 119:75

Maweja-Nangila, ndi mumanye ne: mapangadika ebe adi makane, avua mamfuishe bundu pa bualu.

Misambu 30:3

Maweja-Nangila, Mvidi Mukulu wanyi, mvua munsengelele, wewe kumpandisha.