Yeshaya 34:3 - MUKANDA WA MYIDI MUKULU

³ Badibu bashipa, badi babimansha panshi, kabayi babajika to. Bitalu biabu bidi bibola, binunka bibi. Mashi abu adi apueka pa mikuna.

Mukanda wa Nzambi Dihungila Dikulukulu ne Dihungila Dihia-dihia 2003

³ Bashihibue babo nebimashibue, muhuya mubi wa bitalu biabo neubande mulu, mikuna neyivingutuke ne mashi abo.

Yeshaya 34:3 交叉引用

Yowele 2:20

Baluishi benu badi batumina ku mutu kua ditunga, nembipate mutantshi mule, ku maloba a bipela ne minanga. Nengimanshe bena mvita babu badi benda kumpala mu Mayi manene a luepu; badi kunyima nembimanshe mu Mayi manene a pankatshi. Bitalu biabu nebinunke bibi, bantu kabayi mua kueyela bimpe. Nanku bantu bonsu bawa bakuenzela malu mabi mapite, nebajimine.

Yezekiyele 39:4

Nanku wewe, tshiluilu tshiebe tshionsu, ne bantu ba mu bisamba bivule biudi nabi, nenufuile pa mikuna ya mu Izrayele. Nentume nyunyi midianganyi ne nyama ya muitu, bua idie bitalu bienu.

Yeshaya 34:7

Diba adi, mbowa idi ifua, pamue ne ngombe milume ya bukole. Mashi adi abuela mu buloba, mafuta a nyama adi apueka mu lusenga.

Didimanyisha 14:20

Bavua bazajila tumuma mu tshikaminu ku mpenga kua tshimenga. Mashi kupatuka mu tshikaminu, menza musulu. Kupuekawu mutantshi wa kilometre nkama isatu, mikale ne buondoke bua metre umue ne tshitupa.

Amosa 4:10

Ndi mutumine bimuna bienu masama, mumvua muenze kale mu Ejipitu. Ndi muanyishe bua baluishi benu, bashipe bansongalume benu mu mvita, banunyenge nyama ya tubalu. Mu mitanda yenu, mupuya wa bitalu mmunubuele mu mimpempe. Kadi kanuena bapingane kundi. Meme Maweja-Nangila ndi njadika nanku.

Yezekiyele 39:11

“Malu onsu mamane kuenzeka, nempeshe Ngoge muaba mu Izrayele wa kujika bafue. Muaba awu newikale mu tshibandabanda tshia muaba wa Bapitshi ba mu njila, luseke ludi diba dipatukila lua Mayi manene a Luepu. Mu tshibandabanda amu, nebajikemu Ngoge ne bena mvita bende. Nkita eyi neyijikile bantu njila. Nebinyike muaba awu ne: ‘Tshibandabanda tshia bena mvita ba bungi ba Ngoge.’

Yezekiyele 38:22

Nembatumine bipupu bia masama a tshiambu. Nembashipe. Neanulokeshile mvula wa tshipupu, wa mabue, ne wa kapia, pambidi pebe wewe, pa tshiluilu tshiebe, ne pa bantu ba mu bisamba bivule biudi nabi.

Yezekiyele 35:6

Nanku meme Maweja-Nangila Mvidi Mukulu udi ne muoyi nennunyoke. Bualu mashi a bantu banudi bashipe adi akeba badi mua kuasombola. Bualu nuvua bashipe kanuyi nupingana panyima. Nanku nebanushipe penu.

Yezekiyele 14:19

Misangu mikuabu, ndi mua kutumina bantu aba disama dia tshiambu tshikole. Ndi mua kubaleja tshiji tshianyi, kubatumina tshipupu etshi tshia disama dia tshiambu, tshidi mua kushipa bantu ne nyama mu ditunga.

Yirmeya 22:19

Nebamujike bu nyama. Nebakoke tshitalu tshiende panshi, bua kutshimansha, kutshiela pambelu pa biibi bia Yerushalayime.

Yeshaya 10:4

Diba adi, nudi mua kusungula amu malu abidi: kubuelakana ne bena lukanu, nansha kufua. Kadi tshiji tshia Maweja-Nangila katshiena tshijika, tshianza tshiende tshitshidi tshiela mulu.

Yeshaya 66:24

Nenku nebafike bua kumona bitalu bia bantu bavua bantombokele. Tshikusu tshidi tshibikunya katshiena mua kufua to. Kapia kadi kabiosha, kakena kajima lukasa to. Bidibu bamone nebikuatshishe bantu bonsu buowa.

Yirmeya 25:33

Dituku dikale malu aa mua kuenzeka, kakuakuila muntu nansha umue pa buloba bujima udi mua kudila bantu badi Maweja-Nangila ushipa. Kakuakuila muntu udi mua kuambula bitalu biabu bua kubajika. Nebishale panshi bu bufuke budi bufukisha buloba.

Nahume 3:3

Babandi ba pa tubalu badi baya lubilu lukole, miele ya mvita idi ikenka, mafuma adi abalakana. Miaba yonsu tudi tumona bitalu mishiki ne mishiki, bungi kabuyi kubala, bantu badishindilapu!

Yezekiyele 32:4

Nenkuele ku mukuna, nenkushiye mu mpata, bua nyunyi yonsu ya mulu ikile pambidi pebe, bua nyama yonsu ya muitu isunsule mubidi webe.