Yeshaya 34:2 - MUKANDA WA MYIDI MUKULU

² Maweja-Nangila udi mufikile bisamba bionsu bia bantu munda. Udi ne tshiji bualu buabi. Maweja-Nangila mmumane kushindika dibutuka diabi. Mmumane kuanyisha bua bifue.

Mukanda wa Nzambi Dihungila Dikulukulu ne Dihungila Dihia-dihia 2003

² Bualu bua Yehowa udi ne bisamba bionso bia bantu tshiji, udi ne misumba yabo yonso tshiji tshikole; wakumana kubahisha bua kufuabo, wakubafila ku kubutuka.

Yeshaya 34:2 交叉引用

Sefanya 3:8

Maweja-Nangila udi wamba ne: “Nuindile dituku dindi mfika bua kunupisha, kununyoka. Ndi mujadike ne: nensangishe bisamba ne makalenga, bua kubiosha ne kapia ka tshiji tshianyi. Buloba bujima nebupie, ku kapia ka tshiji tshianyi.”

Zekâya 14:3

Pashishe Maweja-Nangila nealuishe bisamba ebi, bu mudiye muluishe baluishi ba bantu bende mu bikondu bionsu.

Yeshaya 30:25

Dituku didibu bakuata tuleya tua baluishi benu, bashipa bena lukuna benu, misulu ya mayi neipueke pa mikuna yonsu minene ne mikese.

Yeshaya 13:5

Badi batumina ku matunga a kulekule, muaba udi diulu ne buloba bituangene, bua kuya kunyanga ditunga dijima: ke Maweja-Nangila ne badiye muangate, bua kunyoka bantu ba buloba bujima.

Didimanyisha 20:15

Muntu yonsu uvua kayi ne dina diende mu mukanda wa muoyi, bavua bamuela mu mayi manene atema kapia.

Didimanyisha 20:9

Badi batangalaka mu buloba bujima, banyungulukila mitanda ya bantu ba Mvidi Mukulu, ne tshimenga tshidi Mvidi Mukulu munange. Kadi kapia kadi katuluka mu diulu, kabosha kababutula.

Rome 1:18

Bualu Mvidi Mukulu udi ufikila munda mu diulu, bua bubi buonsu ne malu mabi onsu, bidi bantu benza ku buenzavi buabu, bakandika bulelela bua kabukuatshi mudimu pa wowu.

Yeshaya 10:5

Maweja-Nangila udi wamba ne: Bena Ashure mbena diakabi. Mvua mubangate bua kunyoka nabu bantu banyi. Bobu ke badi bambula mutshi, undi ntalaja nawu tshiji tshianyi.

Yeshaya 13:6

Dilayi muadi, bualu dituku dia Maweja-Nangila dikadi pabuipi, didi Mvidi Mukulu muena bukole buonsu musue kubutula bantu ne bintu.

Yeshaya 26:20

Bena tshisamba tshianyi, buelayi munda mua nzubu yenu, nukange biibi. Nupaye mabaya ku bitupa bionsu bibidi bia tshiibi. Anjayi kusokoma katupa kipi, too ne pajika tshiji tshia Maweja-Nangila.

Yeshaya 61:2

Uvua muntume bua kumanyisha bantu ne: tshidimu etshi, Maweja-Nangila mmunufuile luse. Dituku edi Mvidi Mukulu wetu neanyoke baluishi bende. Mbantume bua kusamba bonsu badi mu madilu,

Yeshaya 63:6

Meme kuzaaza bantu, bualu mvua ne tshiji. Meme kubalembakaja ne tshiji tshianyi, kutangalaja mashi abu panshi.

Yeshaya 65:12

Nanku ndi munusunguile lufu lua tshinyangu. Nenufue bonsu binu panshi, bua banukose mitu. Bualu, mvua munubikile, kadi nuenu nansha kuitaba. Mvua munuambile malu, kadi nuenu nansha kunteleja. Nutu nuenza amu bindi mubenge. Nudi nusungula amu bidi kabiyi mua kunsankisha.

Yeshaya 66:14

Bushuwa, nenumone bionsu abi. Diba adi nenusanke. Bukole nebupingane mu mifuba yenu, mudi bisosa bipeta muoyi mu mvula mbedi.” Maweja-Nangila nealeje bantu bende mudiye ne bukole. Kadi nealeje baluishi bende tshiji tshidiye natshi.

Yirmeya 25:32

Maweja-Nangila wa bukole buonsu udi wamba ne: Dikenga nedibuele mu ditunga ne mu ditunga. Mvunde udi ujuka, ufumine ku ndekelu kua buloba.

Yirmeya 25:33

Dituku dikale malu aa mua kuenzeka, kakuakuila muntu nansha umue pa buloba bujima udi mua kudila bantu badi Maweja-Nangila ushipa. Kakuakuila muntu udi mua kuambula bitalu biabu bua kubajika. Nebishale panshi bu bufuke budi bufukisha buloba.

Ekesode 8:14

Benji ba bilengulengu ba bena Ejipitu kuidikija mua kuipata tumue atu, ku majimbu abu. Kadi kupangilabu. Tumue tuvua tusuma amu kusuma bantu ne nyama.

Yoshua 11:20

Bualu Maweja-Nangila uvua usonsola bena ditunga adi bua bapete muoyi wa mvita, baluisha bena Izrayele. Ke muvua bena Izrayele ne bua kushipa bena ditunga adi, kabayi babafuila luse to, kubabutula bonsu butubutu, bu muvua Maweja-Nangila nkayende muambile Moshe.

Misambu 2:5

Pashishe udi ubakanyina ne tshiji, ubinduluka, ubakuatshisha bowa, wamba ne:

Yeshaya 66:16

Ku kapia ne ku muele wa mvita, ke kudi Maweja-Nangila ukosela nsambu mu bukua bantu. Bantu nebafue bapite bungi.

Yirmeya 25:31

Mutoyi udiye wenza udi ufika kudi bantu bonsu ba pa buloba, too ne ku ndekelu kua buloba. Maweja-Nangila udi wasa bisamba bionsu tshilumbu, ubibikila ku kabadi kende. Kadi bantu bonsu bena tshibawu neabashipe. Ke tshivua Mvidi Mukulu mungambile.

Yezekiyele 36:5

Meme Maweja-Nangila Mvidi Mukulu ndi ngamba ne: Tshiji tshidi tshingenza. Nanku ndi ntandisha bisamba bidi ku mutumba, nangananga bena Edome. Bantu aba bavua bakuata ditunga dianyi, biba biakudia bivua mu mpata. Bavua basanka kabayi ne luse.”