Yeshaya 33:2 - MUKANDA WA MYIDI MUKULU

² Maweja-Nangila, utunwuile luse. Tudi tukutekemena, tukuindila. Dinda dionsu, utukoleshe. Diba dia dikenga, utusungidile.

Mukanda wa Nzambi Dihungila Dikulukulu ne Dihungila Dihia-dihia 2003

² Yehowa, utuleshe dinanga diebe; tuakukuindila; wikale diboko dietu dia bukole ku dinda ne ku dinda, ne luhandu luetu mu tshikondo tshia dikenga.

Yeshaya 33:2 交叉引用

Yeshaya 59:16

Maweja-Nangila uvua mumone muvua muntu nansha umue kayi wambuluisha bavuabu bakengesha. Uvua ukema, bua pavua bantu kabayi bambuluishangana. Ke mudiye musue kukuata mudimu yeye mene. Bu mudiye unanga bantu, udi ukeba kubasungidila.

Yeshaya 25:9

Dituku adi, bantu nebambe ne: “Yeye ke Mvidi Mukulu wetu. Tuvua batekemene amu kudiye, Yeye kutusungidila. Eyowa, tuvua batekemene amu kudi Maweja-Nangila. Tudi tusanka, tudi ne musangelu, bua padiye Mutusungidi wetu.

Misambu 60:11

Udi mua kumfikisha mu ditunga dia Edome, bua nkuate bimenga biadi bivuabu bakolesha ne bimana nnganyi?

Misambu 62:8

Mvidi Mukulu neampandishe. Neampingajile lumu. Yeye ke lubuebue luanyi, muaba undi mua kusokomena.

Misambu 62:1

Musambu wa mu mukanda wa mulombodi wa bena misambu. Wa kuimba bu Yedutune. Musambu wa mu mukanda wa misambu ya Davide.

Misambu 46:1

Musambu wa mu mukanda wa mulombodi wa bena misambu ne wa mu mukanda wa misambu wa bena Kora wa kuimba ne meyi matue.

Ekesode 14:27

Moshe kuolola tshianza pa mayi. Patshiatshia mayi kupingana muawu mua kale. Bena Ejipitu kunyema. Kadi Maweja-Nangila kubabutula bonsu munkatshi mua mayi.

Osheya 14:2

Nuenu bena Izrayele, pinganayi kudi Maweja-Nangila Mvidi Mukulu wenu. Panudi nudishinda, ke tshipeta tshia bubi buenu.

Muadi 3:23

Buimpe buende budi bumueneka dinda dionsu. Maweja-Nangila, wewe udi ukumbaja malaya ebe!

Yirmeya 14:8

Kadi bena Izrayele mbakutekemene anu wewe. Bua wewe kubasungidila matuku a dikenga. Kadi wewe kuena muenyi mu ditunga dietu! Wewe kuena muena luendu, udi ulala anu dituku dimue.

Yeshaya 40:10

Monayi Maweja-Nangila Mvidi Mukulu. Udi ufika ne bukole, bua kulongolola bukalenga buende. Udi upingaja bena diende kuabu. Bavuaye mupikule, badi benda kumpala kuende.

Yeshaya 26:16

Maweja-Nangila, patuvua mu dikenga, tuvua bakujinge. Pauvua mutunyoke, tuvua bakusengelela.

Yeshaya 26:8

Maweja-Nangila, bua tumone mua kukumbaja biudi wewe musue, tudi tutekemena amu kuudi. Kutela dina diebe, kukuela mbila, ke tshidi mutshima wa muntu yonsu ujinga.

Yeshaya 25:4

Bualu bapele ne bena dikenga bavua banyemena kuudi, wewe kubalama bimpe. Wewe uvua bu muaba wa kupengamena, diba didi mvula mukole uloka. Uvua bu muaba wa dileji, padi diba diosha buloba. — Bualu tshikisu tshia bena tshinyangu, tshidi bu mudi mvula wa tshipupu,

Misambu 123:2

Bu mudi mesu a bapika, matangile tshianza tshia mfumuabu, bu mudi mesu a muena mudimu mukaji matangile tshianza tshia mamuende wa nzubu, ke mudi mesu etu matangile kudi Maweja-Nangila Mvidi Mukulu wetu, too ne muatuambuluishaye.

Misambu 91:15

Pambikilaye bua kumuambuluisha, nemmuambuluishe, mu dikenga nengikale pabuipi nende, nemmusungidile, nemmutumbishe.

Misambu 90:15

Udi mutukengeshe musangu mule. Kadi mpindiewu, utupeshe masanka, mu bungi bua bidimu bituvua bakenge.

Misambu 62:5

Nudi amu ne meji mabi a kunyenga muanzu wanyi. Ke panudi nunshiminyina malu. Nudi betu ku mesu, mundamunda batuamba munga.

Misambu 50:15

Pakukuata dikenga, umbikile nenkusungidile. Nenku neuntumbishe!

Misambu 46:5

Musulu udi upitshila mu tshimenga tshia Mvidi Mukulu, ufila mayi matalale, usankisha bantu. Mu tshimenga atshi ke mudi nzubu wa tshijila wa Mvidi Mukulu, Muena kulu.

Misambu 37:39

Maweja-Nangila udi upandisha bantu bende, diba dia dikenga badi mua kusokomena kudiye.

Misambu 25:3

Badi batekemena kuudi, kabakunyingalala. Bundu mbua badi bakubenga! Nebashale bianza bitupu!

Misambu 143:8

Ummanyishe bulenga buebe ne dinda dionsu, bualu ndi mutekemene kuudi; ummanyishe njila wa meme kulonda, bualu ndi mutume muoyi wanyi kuudi.

Misambu 27:1

Musambu wa mu mukanda wa misambu ya Davide. Maweja-Nangila udi bukole buanyi, kabidi mumpandishi wanyi, tshiena mua kuzakela muntu to. Maweja-Nangila udi undama, tshiena ntshina muntu.

Yeshaya 17:10

Bena Izrayele nukadi bapue Mvidi Mukulu muoyi. Yeye ke uvua munusungidile! Kanuena nuvuluka Mupandishi wenu, udi bu lubuebue luenu, muaba unudi mua kusokomena. Nukadi nukuna mitshi, bua kutendelela nayi mvidie ya bantu benyi. Nudi numiamina ntete, bua kunemeka nayi mvidie ya mu matunga a bende.

Yeshaya 37:3

Kuyabu kuambila muambi Yeshaya ne: “Mukalenga Izkiya udi wamba ne: — Lelu ndituku dia kutukengeshabu, dia kutunyokabu, ne kutufuishabu bundu. Bu mudibu bamba ne: muana ukadi pabuipi, kadi mamuende kena ne bukole bua kumulela to.

Yeshaya 51:5

Nkadi pabuipi, nkadi pa kunupandisha. Nkadi pa kutshimuna baluishi benu. Bantu badi basomba mu matunga a kule, nembaleje njila mululame. Badi basomba mu bidiila bidi kule kuaka, nebatekemene kundi bua meme kubasungidila.

Misambu 33:22

Maweja-Nangila, kumbaja bitudi batekemena, utuleje muudi mutunange.

Yeshaya 8:17

Ndi muindile Maweja-Nangila. Mpindiewu udi ulengulula ndelanganyi ya Yakobe. Kadi ndi amu ndama lutulu, ntekemena kudiye.