Yeshaya 32:18 - MUKANDA WA MYIDI MUKULU

¹⁸ Bantu ba Maweja-Nangila nebasombe talalaa, muaba udi bupole ne dikisha, muaba udibu kabayi ne lutatu nansha lukese.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bantu banyi nebashikame mu miaba ya ditalala, ne mu nsubu idi kayiyi ne njiu hehi, ne mu bikishilu bia ditalala.

Yeshaya 32:18 交叉引用

Zekâya 2:5

Maweja-Nangila kundeja bualu bukuabu. Meme kumona muntu muikale ne nshinga wa kupima nende bimana mu bianza.

Yirmeya 33:16

Nenku bukalenga bua Yuda kabuakuikala kabidi mu bianza bia baluishi babu nansha. Bena Yerushalayime nebasombe talalaa. Nanku, nebinyike Yerushalayime ne: “Maweja-Nangila ke udi utusungidila.”

Ebrewu 4:9

Nenku, dikisha difuanangane ne divua Mvidi Mukulu muikishe dituku dia muanda mutekete, ditshidi dindila bantu ba Mvidi Mukulu.

1 Yone 4:16

Tuetu tudi bamanye, bitabe kabidi dinanga didi Mvidi Mukulu mutunange nadi. Mvidi Mukulu udi dinanga. Muntu udi unanukila mu dinanga, udi ushala munda mua Mvidi Mukulu, Mvidi Mukulu kabidi udi ushala munda muende.

Zekâya 2:8

Kuambilaye mutumibue muibidi awu ne: — Uye lubilu kudi nsongalume udi ne nshinga, umuambile ne: kabena mua kunyungulula tshimenga tshia Yerushalayime ne bimana, bualu bantu ne nyama nebikalemu bipite bungi.

Yeshaya 2:4

Neakose nsambu ya bisamba pa yoyi, nealumbuluishe bantu bonsu. Nebandamune mafuma abu, ne miele ya mvita, bishale nkasu ne bikasu, bia kudima ne kunowa nabi. Tshisamba katshitshiena tshiluisha tshikuabu. Bantu kabatshiena balongeshangana mvita.

Yeshaya 11:10

Muana wa ku ndelanganyi ya Ishayi neikale mulombodi wa bukua bisamba. Bukua bisamba nebuye kumulomba meji. Muaba wikalaye musombe, neukenke ne butumbi bua Mvidi Mukulu.

Yeshaya 14:3

Maweja-Nangila neapatule bena Izrayele mu bupika. Bobu bamane kupitshila mu makenga ne ntatu, nebapete dikisha.

Yeshaya 26:3

Bualu ke bantu badi bajadika malu ne muoyi umue. Wewe Maweja-Nangila udi ubalama ne bupole, bualu badi batekemena kuudi.

Yeshaya 26:12

Maweja-Nangila, neumpeshe tshionsu tshitudi tukengela. Bualu wewe ke udi mutuenzele bionsu bituvua bakumbaje.

Yeshaya 28:12

Maweja-Nangila uvua mumane kunuambila ne: “Nunteleje, bua nupete dikisha. Bantu bakadi bapungile, nuanyishe bua bikishe. Kundi meme ke kudi bupole.” Kadi kanuvua basue kunteleja nansha.

Yeshaya 30:15

Maweja-Nangila Mvidi Mukulu, wa tshijila wa bena Izrayele, udi wamba ne: Nenupande, amu panudi nupingana kundi, kabidi panudi nushala ne lutulu. Nenuikale ne bukole buenu, panudi nulama lutulu luenu, nutekemena kundi. Kadi nuenu kubenga amu kubenga.

Yeshaya 65:9

Meme nemvudije bena tshisamba tshia Yakobe, ne bena diku dia Yuda. Bonsu aba bandi musungule, nebasombe pa mikuna yanyi minene, nebapiane ditunga. Bantu badi bandamate nebasemu nzubu yabu.

Yeshaya 65:21

Muntu yeye muase nzubu, nealalemu bulelela. Yeye mukune mionji ya mvinyo, neanue maluvu ayi bulelela.

Zekâya 3:10

Pafika dituku adi, nenubikilangane bua nusombe talalaa, nusanke ne bintu bia mu madimi enu a mionji ya mvinyo, ne bia mu mitshi ya mfiku.”

Ekesode 9:26

Kadi kavua muloke mu Ngoshene to, bualu mmuaba uvua bena Izrayele basombe.

Misambu 107:7

Kubalombolaye mu njila mululame, wa kuya ku musoku udi bantu basombe.

Nsumuinu 24:15

Kukebi kunyenga nzubu wa muntu muakane ne budimu, bu mudi muntu mubi wenza. Kumunyengi muaba udiye usomba.

Yeshaya 33:6

Bena tshisamba tshia Maweja-Nangila, nenusombe mu ditunga ne mimuemue. Kuikala bena meji, kumanya Mvidi Mukulu, ke biuma bidi bitufikisha ku lupandu. Kutshina Maweja-Nangila, ke buenu bubanji!

Yezekiyele 34:28

Bivi ba mu matunga makuabu kabakubakuata kabidi to. Nyama ya tshisuku kayakubadia nansha. Nebasombe talala. Muntu nansha umue kakubakuatshisha kabidi bowa to.