Yeshaya 32:14 - MUKANDA WA MYIDI MUKULU

¹⁴ Nzubu wa mukalenga mmushale mutupu, tshimenga, tshivua bantu tente, tshikadi tshipela. Mukuna wa Ofele, ne kaleya ka batentekedi, mbishale dikolu kashidi. Nyama ya mpunde ya ditu ikadi inayilamu, bimuna bikadi bikebelamu biakudia biabi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bua mbalasa wa nfumu neikale munda mutuhu; musoko wakadi ne bantu bavule newikale dikolo. Mukuna ne tshibumba tshia batentekedi nebikale mena a nyama tshiendelele, nebikale miaba ya disanka kudi mpunda ya mu tshisuku ne budimi bua mashinde bua kudishamu bimuna.

Yeshaya 32:14 交叉引用

Yeshaya 27:10

Mu tshimenga tshivuabu bakoleshe ne bimana, mudi mutupu. Tshimenga tshidi amu bu mu tshipela, kamuyi bantu. Ngombe idi idiamu, ilalamu, ibulukuta mabeji a mitshi.

Yeshaya 25:2

Wewe uvua mudishimbuile tshimenga, tshishale dikolu, uvua mubutule tshimenga, tshivuabu bakoleshe ne bimana, tshishale munda mutupu kamuyi bantu. Muaba uvua bena ditambisha bakoleshe ne bimana, kautshiena kabidi tshimenga to. Kabena mua kuwibakulula kabidi nansha.

Yeshaya 24:12

Mu tshimenga mudi mushale amu nzubu minyanguke. Tshiibi tshia tshimenga ntshitshibulukangane tshionsu.

Yeshaya 24:10

Tshimenga tshidi tshinyanguke, katshiyi ne bantu ba bungi. Bantu badi bashala, badi badipayila mu nzubu.

Luke 21:24

Nebabashipe ku muele wa nwita. Nebaye nabu mu matunga makuabu onsu, basuika nkanu. Bantu ba bisamba bikuabu nebanyange Yerushalayime, too ne pakumbana tshikondu tshiabu.

Luke 21:20

— Panuamona tshimenga tshia Yerushalayime tshiela munkatshi kudi baluishi, numanye ne: tshikadi pa kubutuka.

Yeshaya 6:11

Ke meme kukonka ne: — Maweja-Nangila, nebikale nanku too ne ku diba kaayi? Yeye kungandamuna ne: — Nebikale nanku too ne ku diba didibu banyangakaja bimenga bionsu, batangalaja bantu, nzubu yonsu ishala munda mutupu, ditunga dijima dishala tshipela.

Yeshaya 5:9

Mvua mumvue Maweja-Nangila muena bukole buonsu uditshipa, wamba ne: “Ndi nditshipa ne: nzubu yonsu eyi nebayinyangakaje. Miaba minene yonsu idi milengeja bimpe, kabakuyisomba kudi bantu.

Misambu 104:11

Nyama yonsu idi ilua kunua mayi, ne mpunde wa mu tshisuku udi ujikijilaku nyota yende.

2 Bakalenga 25:9

Nebuzaradane kuosha nzubu wa Mvidi Mukulu, nzubu wa bukalenga, ne nzubu mikuabu ya mu tshimenga, nangananga nzubu yonsu ya bantu bamanyike bikole.

Yeshaya 7:23

Dituku adi kabidi, budimi buvua ne mionji ya mvinyo tshinunu, buvuabu mua kupana ku nkanu mitoke ya mushinga mukole tshinunu, nebushale amu meba ne mingonga.

Yeshaya 22:2

Mitoyi bungi nanku mu tshimenga, mbila mikole nya tshinyi? Bantu mbasanke anyi? Bafue ba muebe ki mbafuile mu mvita anyi? Kabavua babashipe anyi?

Yirmeya 6:5

Kakuena bualu! Jukayi, tuluishe Yerushalayime butuku. Tunyangakaje nzubu yende mimpe.”

Yirmeya 14:6

Nyama ya mpunde idi imana pa mikuna idi kayiyi ne bisosa. Idi yeyakana bikole mudi nyama ya mibuabua yenza. Idi ikeba bisosa ipanga. Bualu kakuena kabidi kantu to.

Yirmeya 33:4

Meme Maweja-Nangila, Mvidi Mukulu wa Izrayele, ndi ne bualu bua kuamba, budi butangila nzubu idi mu tshimenga etshi, ne nzubu ya bakalenga ba bena Yuda. Nebayibutule. Kanuena mua kuluisha bena Babilone badi bakeba mua kukuata tshimenga to. Nuenu babaluishe, ndi nguwuje tshimenga tente ne bitalu bia bantu bandi nshipa, bua tshiji tshianyi tshikole tshindi natshi. Bena mu Yerushalayime bavua benza malu mabi a bungi. Ke mundi tshiyi kabidi bualu ne tshimenga etshi.

Yirmeya 52:27

Ke mukalenga awu kubashipesha anu muaba awu mu ditunga dia Amate. Ke muvuabu bakuate bena Yuda baye nabu kule mu ditunga dia bende.

Osheya 2:3

Ambilayi bana benu ba balume ne ba bakaji ne: Maweja-Nangila udi unuinyika ne: “Bantu banyi,” kabidi ne: “Bananga banyi,”

Sefanya 2:7

Bena Yuda badi bashale ne muoyi, nebakuate ditunga dienu. Nebadishilemu bisumbu bia nyama yabu. Butuku nebaye kulala mu nzubu ya mu Askalone. Maweja-Nangila Mvidi Mukulu wabu neabenzele bimpe, neakudimune dikenga diabu, dienza disanka.

Sefanya 2:15

Ke muikala tshimenga etshi tshivua tshiditambisha. Badi basombamu bavua bela meji ne: dikenga kadiena mua kutukuata. Badi mua kuambangana netu mbanganyi? Lelu tshimenga tshidi tshienda tshibutuka. Tshikadi muaba udi nyama ya lonji ilala! Bonsu badi basemena pabuipi natshi, badi batshiela bibingu, batshiseka.

2 Kulondolola 33:14

Malu onsu mamane kupita, Menashe kuibaka tshimana tshitumbuke ku mpenga kua Tshimenga tshia Davide. Tshimana atshi tshivua tshipitshila luseke ludi diba dibuelela lua mpokolu wa Ngikone, tshilonda tshibandabanda tshia Sedrone, tshinyungulula tshitupa tshia tshimenga tshia Ofele, tshiya too ne ku tshiibi tshia Minyinyi ya mu mayi. Uvua muteke balombodi ba bisumbu bia bena mvita mu bimenga bionsu bia bena Yuda bivuabu bakoleshe ne bimana.

Nehemya 3:26

ne bantu bakuabu bavua benza mudimu ku nzubu wa Mvidi Mukulu, basomba ku Ofele, bavua benza mudimu too ne ku kaleya kavua mu ditumba dia tshimana divua dipatuka, luseke ludi diba dipatukila lua tshiibi tshia Mayi.

Yeshaya 3:26

Nenku mu tshimenga tshijima, nebateke madilu, nebadile miadi, bu mudi mukaji udi mujimije bana bende, ushala musombe panshi nkayende.

Mika 3:12

Nanku bualu buenu, Siyone neikale bu budimi, budibu babundulula ne lukasu. Yerushalayime neashale makolu. Mukuna wa nzubu wa Mvidi Mukulu nebaubuikile kudi tshipuka.