Yeshaya 30:7 - MUKANDA WA MYIDI MUKULU

⁷ Balombodi badi baya nabi kudi bena Ejipitu, badi kabayi mua kuenza bualu nansha bumue. Ke pamvua muinyike Ejipitu dina ne: “Nyoka udi kayi unyungakana.”

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bualu bua dikuatshisha dia Ejipitu didi hatuhu, kadiyi dibahetela bualu; nunku nakunubikila ne, Lahaba-udi-mushikame-muhuwe.

Yeshaya 30:7 交叉引用

Yeshaya 2:22

Lekelayi kutekemena kudi muntu, bualu muoyi wa muntu udi amu mueyelu wa katupa. Muntu udi tshintu tshia mushinga anyi?

Osheya 5:13

Bena Efrayime mbamane kumanya disama divuabu nadi. Bena Yuda mbamane kumanya dikenga diabu dipite bunene. Ke bena Efrayime kuya ku Ashure. Kutuminabu mukalenga munene mikenji. Kadi mukalenga ewu kena ne mushindu wa kujikija dikenga diabu, kena mua kuondapa mputa yabu.

Muadi 3:26

Bidi bimpe kuindila ne lutulu lupandu ludi Maweja-Nangila ukutumina.

Yeshaya 7:4

Wambile Akaze ne: “Udimuke! Kuzakadi, kutshinyi tshiji tshia Resine wa bena Arame ne tshia Peka, muana wa Remalya. Badi amu bu bishelele bia nkunyi bibidi bidi bifuima.

Ekesode 14:13

Moshe kuandamuna bena Izrayele ne: — Nukoleshe muoyi. Kanutshinyi to! Nenumone mudi Maweja-Nangila unupandisha lelu. Bena Ejipitu banudi bamona aba, katshia kanuakubamona kabidi to.

Yirmeya 37:7

Maweja-Nangila Mvidi Mukulu wa Izrayele udi wamba ne: — Nuye kuambila Sedekiya mukalenga wa bena Yuda, udi munutume kundi bua kungebeja malu ne: tshiluilu tshia mukalenga wa bena Ejipitu, tshivua tshifike bua kunuambuluisha, tshikadi tshialukile kuabu ku Ejipitu.

Yeshaya 51:9

Wewe Maweja-Nangila, tabalaku. Juka lukasa, kunengakanyi. Leja bukole buebe tshiakabidi. Ubuleje bu muuvua muenze kale mu bikondu bipite. Uvua mushipe, musaye Rakabe, nyama wa tshikisu wa mu mayi manene, ki ngwewe anyi?

Yeshaya 30:15

Maweja-Nangila Mvidi Mukulu, wa tshijila wa bena Izrayele, udi wamba ne: Nenupande, amu panudi nupingana kundi, kabidi panudi nushala ne lutulu. Nenuikale ne bukole buenu, panudi nulama lutulu luenu, nutekemena kundi. Kadi nuenu kubenga amu kubenga.

Yeshaya 28:12

Maweja-Nangila uvua mumane kunuambila ne: “Nunteleje, bua nupete dikisha. Bantu bakadi bapungile, nuanyishe bua bikishe. Kundi meme ke kudi bupole.” Kadi kanuvua basue kunteleja nansha.

Yobe 9:13

Padi Mvidi Mukulu mufike munda, kabena bamukandika to. Rakabe ne bena diende, nyama ya bidika ya mu mayi manene, mbiname ku makasa ende.

Misambu 87:4

“Ku bonsu badi bammanye: ndi ntela bena Ejipitu, bena Babilone, bena Peleshete, bena Tire ne bena Kushe, badi babalelele mu matunga aa.

Misambu 89:10

Wewe ke udi utekesha bukole bua mayi manene, ne ubatamija mavuala padiwu mafike munda.

Yeshaya 10:3

Kadi dituku didi Maweja-Nangila ukosa nsambu, tshipepele tshikole tshifuma kule netshinupete. Diba adi, nenuenze tshinyi? Nenuye kudi nganyi? Nenupete diambuluisha muaba kaayi? Nenuye kuteka mpetu yenu penyi?

Yeshaya 20:6

Dituku adi, badi basomba ku muelelu wa mayi manene, muaba utudi base, nebambe ne: “Monayi tshidi tshienzekela batuvua batekemene! Tuvua basue kunyemena kudibu, bua batupandishe ku tshinyangu tshia kudi mukalenga wa bena Ashure… Watupandisha kabidi mpindiewu nnganyi?”

Yeshaya 30:5

Buonsu buabu nebabafuishe bundu, kudi bantu badi kabayi mua kuambuluisha muntu nansha umue. Kudi bena Ejipitu, nenupete amu bundu ne kadiwu. Kabakunuambuluisha nansha ku tshintu tshimue.

Yeshaya 36:9

Kadi, wewe udi mua kunyemesha mulombodi wa bena mvita ba mfumuanyi, nansha yeye kayi mumanye mvita bimpe, bishi? Ke wewe kutekemena bena Ejipitu, bua kukupeshabu matempu a mvita ne nyama ya tubalu!

Nsumuinu 25:19

Kutekemena paudi mu dikenga kudi muntu udi kayi wenza tshidiye mukulaye, bidi bu kudiila ku dinu dibola nansha kuendela ku dikasa dikoyoboka.