Yeshaya 30:4 - MUKANDA WA MYIDI MUKULU

⁴ nansha balombodi benu ba mu ditunga bamane kufika mu Sowane, nansha milopu yenu mimane kufika mu ditunga dia Anese.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bualu bua nansha bikala bakokeshi bandi ku Soana, ne biafika miloho yandi ku Hanesa,

Yeshaya 30:4 交叉引用

Yeshaya 19:11

Balombodi ba mu tshimenga tshia Sowane, mbantu bapale. Bafidi ba ngenyi ba mukalenga wa bena Ejipitu, mbafile meji a tshianana. Kadi mmunyi mudi yonsu wa kunudi mua kuambila mukalenga wa Ejipitu ne: “Meme ndi muana wa muena meji, meme ndi lulelu lua mukalenga wa kale?”

Yirmeya 43:7

Bavua babenga kukumbaja bivua Maweja-Nangila muambe. Kuyabu mu Ejipitu, too ne mu Tapanese.

Yeshaya 57:9

Udi udilaba mafuta, udiela ne manananshi a mupuya muimpe, bua kuya kutendelela mvidie Meleke. Uvua mutume bantu mutantshi mule ne mikenji. Wewe kubatuma too ne ku muaba wa bafue.

Osheya 7:16

Pikala bena Efrayime bapingana kudi muntu, kabena bapingana kundi meme Maweja-Nangila to. mBafuanangane ne buta bua mbale, budi kabuyi bukumbane bua kuela nabu mikete. Bamfumu babu nebafue mu myita, bualu bavua bampende! Nebabaseke kudi bena Ejipitu!

Yezekiyele 30:18

Butuku kabuakutshia ku Tapanese, tshiyi muanji kubutula bukole bua bena Ejipitu. Nenjikije ditambisha divuabu nadi. Divuba nedifike dibuikile tshimenga. Bantu ba mu ditunga nebaye mu bupika.

Yezekiyele 30:14

Nennyange Patrase. Nengoshe tshimenga tshia Sowane. Nennyoke ne tshimenga tshia No.

2 Bakalenga 17:4

Pashishe, Osheya kumuelela tshifufu tshibi. Kutumaye bantu kudi mukalenga wa bena Ejipitu ku tshimenga tshia Sayize. Kavua mulambule kabidi mukalenga wa bena Ashure milambu ya ku tshidimu. Mukalenga Shalmanazere umanya bualu abu, kukuatshishaye Osheya, kumuela mu nzubu wa lukanu.

Dibadika 13:22

Kubuelabu mu ditunga luseke lua kuinshi. Kufikabu pabuipi ne Ebrone, muaba uvuabu base kudi bena Akimane, bena Sheshayi ne bena Talmayi. Bonsu aba ndelanganyi ya Anake, muntu wa mpolondu. (Bavua base tshimenga tshia Ebrone, bidimu muanda mutekete bangabanga ne kuasa tshimenga tshia Tanise mu Ejipitu.)

Misambu 78:12

Uvua muenze malu a kukema ku mesu a batatuabu, mu ditunga dia Ejipitu ne mu buloba bua Sowane.

Yirmeya 49:14

Maweja-Nangila uvua mutume mukenji kudi muntu umanyisha bukua bisamba ne: “Nsangishilayi bena mvita benu, nuye kuluisha bena Edome. Jukayi nuye kubanga mvita.

Obadya 1:1

Telejayi bivua Maweja-Nangila Mvidi Mukulu mumanyishe Obadya, bua kukanyina bena Edome. Maweja-Nangila kutuma muntu ne mukenji, kudi bantu ba bisamba bikuabu. Tuetu kumvua muntu awu wamba ne: “Jukayi, tuye kuluisha bena Edome.”