Yeshaya 28:7 - MUKANDA WA MYIDI MUKULU

⁷ Nansha batuangaji ne bambi, badi batenkakana, bakuatshika maluvu makole. Bavua banua maluvu makole mapite bungi, kabayi nansha mua kuimana kulu, lungenyi luabu lujimina. Bambi badi bamona malu, kabayi mua kuajingulula. Batuangaji badi bakosa bilumbu, batatakana, badishinda panshi.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Kadi bantu aba mene badi batshinkakana ne nvinyo, badi batenkakana bualu bua maluvu makole; muakuidi ne muprofete badi batshinkakana bualu bua maluvu makole, badi baboteshibua bualu bua nvinyo, badi batenkakana bualu bua maluvu makole; badi batuhakana mu dijingulula dia bikena kumona, badi balenduka hakosabo bilumbu.

Yeshaya 28:7 交叉引用

Luke 21:34

— Dimukayi! Kanubuelakanyi amu mu bibilu, mu bunuavi, ne mu ntatu ya panu. Bualu dituku didibu bakosa nsambu ya bantu didi mua kunujikidila diakamue,

Matayi 24:29

— Pajika matuku a dikenga awu, diakamue diba kadiakumueneka kabidi, ngondu kakukenka, mitotu neituke mulu, makole a mulu neanyungakane.

Yeshaya 19:14

Maweja-Nangila mmubatshiompakaje. Ke mudibu bapambula bena ditunga, mu midimu yonsu idi bena Ejipitu benza. Mbafuanangane ne muntu mukuatshike maluvu, utetukila mu bilushi biende.

Muambi 10:17

Kadi ditunga didi ne diakalenga padidi ne mukalenga wa mu diku dia bantu baneme, kabidi ne bamienampala badi basomba ku mesa amu pa diba kabayi bakuatshika maluvu, badia amu bua kukolesha mubidi.

Nsumuinu 20:1

Mvinyo udi ufikisha muntu ku matandu. Maluvu makole adi asaka muntu ku mutoyi. Muntu yonsu udi ubinua ukuatshika, kena ne meji.

Mika 2:11

Muntu kampanda neamueneke, wamba biambamba, unudinga ne: “Ndi nnumanyisha ne: nenupete mvinyo, ne maluvu makole.” Ke muambi mubule meji, udi mukumbanyine bantu aba!

Yirmeya 23:16

Maweja-Nangila wa bukole buonsu udi wamba ne: “Kanuteleji tshidi bambi banuambila. Badi banuambila malu a dishima. Malu adibu banuambila adi mafuma mu ngenyi yabu nkayabu. Meme tshivua mubaleje bualu nansha bumue.

Yirmeya 14:14

Maweja-Nangila kungambila ne: — Bambi abu kabena bakula mu dina dianyi to. Badi bena dishima. Meme tshiena mubatume, tshiena mubape mukenji nansha umue, tshiena mubambile bualu to. Badi banuambila anu malu a dishima, adi kaayi ne mushinga, ngenyi ya patupu!

Yeshaya 3:12

Maweja-Nangila udi wamba ne: Bantu badi bamfumu ba tshisamba tshianyi, badi amu bu nyunyu midianganyi. Badi bashala mu bumfumu badi amu bena lukuka. Tshisamba tshianyi, bantu badi bakulombola, badi amu bakupambula, baya nebe mu njila mubi.

Misambu 107:27

Bavua ne tshinyingu, bavua batetuka, bu mudi muntu mukuatshika maluvu. Meji abu onsu avua matutubile.

Efeze 5:28

Nanku balume badi ne bua kunanga bakaji babu, bu mudibu bananga mubidi wabu. Muntu udi munange mukajende, mmudinange yeye mene.

Yezekiyele 44:21

Muntu wa kudibu nansha umue kena mua kunua maluvu a mvinyo, bangabanga ne kubuela mu lubanza lua munda mua nzubu.

Yezekiyele 13:7

Kadi ndi mbambila ne: “Malu anudi nuleja bantu, ne anudi nubalongesha, ki mmalu a dishima anyi? Nudi nuambila bantu ne: tudi tunumanyisha malu a Mvidi Mukulu, kadi meme tshiena munuambile bualu nansha bumue!

Muadi 2:4

Bu muluishi, kunanaye buta buende. Kushalaye mubunane ne diboku diende dia balume. Kudilejaye mudiye muluishi wetu. Kunyangaye bionsu bivua bitulengelela ku mesu. Kuitshikijaye tshiji tshiende bu kapia pa nzubu wa Mvidi Mukulu wa mu Yerushalayime.

Yirmeya 23:13

“Bimvua mumone kudi bambi ba mu Samariya, bivua bintonde menemene. Meme Maweja-Nangila ndi ngamba nanku. Bavua bakula mu dina dia mvidie Baale. Bavua bapambule bantu banyi bena Izrayele.

Yeshaya 29:11

Malu adi bambi banumanyisha aa, kaena umvuika to. Adi amu bu mukanda mufunda, mulamika ne budimbu bukole, bautua tshitampi. Badi baupa muntu kampanda, udi mumanye mua kubala, bamba ne: “Tubadileku mukanda ewu.” Kadi yeye kuandamuna ne: “Kamuena mushindu wa kubala, bualu mukanda mmulamika, kabidi mmutue tshitampi bikole.”

Yeshaya 24:2

Bualu bua mumue budi bukuata batuangaji ne bantu bakuabu, bukuata bamfumu ne bapika babu, bukuata bamamu ba nzubu ne bena mudimu babu, bukuata basumbishi ba bintu ne badi basumba, bukuata basombeshanganyi ba bintu ne badi basomba bintu, bukuata bangatshi ba kasombela ne bafidi ba kasombela.

Yeshaya 22:13

Kadi nuenu kusanka amu kusanka, kushipa ngombe, kukosa mikoku mitu, kudia minyinyi, kunua maluvu… Nuenu kuamba ne: “Tudiayi, tunuayi, bualu malaba netufue.”

Yeshaya 5:22

Bantu bonsu badi bilobu amu bua kukuatshika maluvu, badi ne bukitu amu bua kusambakaja mala, mbena diakabi!

Yeshaya 5:11

Bantu bonsu badi bafuilakana maluvu makole dindadinda, banua too ne mudi butuku buila, bakuatshika, mbena diakabi.

Nsumuinu 23:30

Ke muntu udi unua mvinyo matuku onsu, usambakaja kabidi ne maluvu makole kayi wikisha.

Yeshaya 24:20

Buloba nebulenduke bu muntu mukuatshike maluvu, nebutenkakane eku ne eku bu kazubu ka bisosa. Nebudishinde panshi, bualu mibi yabu mipite bujitu. Kabuena bujuuka kabidi to.

Yeshaya 28:1

Nuenu bena Efrayime, nuenu badi bakuathika maluvu, nudi bena diakabi. Nudi nuditambisha bua tshimenga tshienu tshia Samariya, tshidi bu tshikata tshia lumu, tshinuvua base kulu, tshitangilangane ne tshibandabanda tshidi ne madimi mimpe. Kadi tshiotshi tshidi amu bu tshifulu tshienza ne bilongu bimpe. Bilongu ebi bidi bifubidile pa mitu ya bakuatshiki ba maluvu.

Yeshaya 43:27

Nkambua webe wa kumpala ukavua mupile. Ke mudi kabidi balombodi ba ditunga diebe bantombokele lelu.

Osheya 7:5

Dituku dia tshibilu tshia mukalenga wabu, balombodi badi banua maluvu. Padi maluvu abakuata, badi bakula tshiakulakula.

Abakuke 2:15

Nudi bena diakabi! Nudi belele bena mutumba, maluvu mela lulengu, bua bakuatshike, bavule bilamba. Ke nuenu kutangila mubidi wabu, kubafuisha bundu.

Abakuke 2:16

Kadi kanuakupeta lumu ku malu a mushindu ewu. Nenuikale penu ne bundu: Nenunue, nukuatshika, nuleja butaka. Maweja-Nangila neanunuishe maluvu, mu dikopu dia tshiji tshiende: lumu luenu neluandamuke bundu bupite.

Yeshaya 5:23

Badi babingisha muena tshibawu, bualu udi ubakosa mishiku. Badi bapisha muntu udi kayi ne bualu.