Yeshaya 26:21 - MUKANDA WA MYIDI MUKULU

²¹ Maweja-Nangila udi upatuka mu nzubu muende, bua kunyoka badi pa buloba, bualu bua malu mabi avuabu benze. Bavua bapumune, basokoke mu buloba, mashi a bantu bavua kabayi ne bualu. Kadi buloba kabuena buabuikila kabidi to. Nebuleje patoke bantu bavuabu bashipe.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bua, monai, Yehowa udi uluhuka mu muaba wandi bua kukengesha ba ha buloba bua bubi buabo; buloba kabidi nebusokolole mashi akanuabu, kabuena busokoka kabidi bakadi bashihibuamu.

Yeshaya 26:21 交叉引用

Yeshaya 18:4

Bualu Maweja-Nangila uvua mungambile ne: “Ndi nsomba muaba wanyi wa tshijila ntangila bionsu bidi bienzeka. Ndi nshala amu talalaa, tshiyi nyungakana, amu bu luya ludi luimane diba dia munya mukole, nansha bu mavuba a mabungi, mu tshikondu tshia dinowa.”

Yeshaya 13:11

Maweja-Nangila udi wamba ne: “Ndi musue kumana bubi bua bantu, kujikija ditambisha dia bena lutambishi, kunyoka bena tshibawu, kukepesha didisua dia bena tshikisu.

Yobe 16:18

Wewe buloba, kubuikidi mashi anyi, bantu bonsu bumvua mbila indi ngela.

Didimanyisha 16:6

Bualu bavua bapumune mashi a bantu ba Mvidi Mukulu, ne a bambi. Mpindiewu Wewe udi mubanuishe mashi. mBapete bivuabu ne bua kupeta!”

Luke 11:50

Kadi nebanyoke bena lelu bua bambi bonsu bavuabu bashipe, biangatshile ku tshibangidilu tshia buloba,

Luke 11:40

Nudi bantu batatakane! Mvidi Mukulu uvua muenze panyima, ki ngudi muenze kabidi munda anyi?

Yezekiyele 8:6

Mvidi Mukulu kuamba ne: — Yezekiyele, udi mumone bimpe bidi bienzeka ebi anyi? Bena Izrayele badi benza malu mabi mapite adi mua kungumushisha mu muaba wanyi wa tshijila. Kadi, neumone malu mabi makuabu mapite.

Didimanyisha 18:24

Bavua banyoka Babilone, bualu badi basangane mu tshimenga etshi mashi a bambi, ne a bantu bakuabu ba Mvidi Mukulu. Eyowa, mashi a bonsu bavuabu bashipe pa buloba adi pambidi pende.

Yobe 20:27

Diulu dileje patoke malu mabi avua muntu ewu wenza. Buloba bumufunde ku tshilumbu!

Yeshaya 10:3

Kadi dituku didi Maweja-Nangila ukosa nsambu, tshipepele tshikole tshifuma kule netshinupete. Diba adi, nenuenze tshinyi? Nenuye kudi nganyi? Nenupete diambuluisha muaba kaayi? Nenuye kuteka mpetu yenu penyi?

Yeshaya 22:14

Kadi Maweja-Nangila muena bukole buonsu, uvua mungambile ne: “Ndi nditshipa, tshiena ndekela tshilema etshi, amu nuenu bamane kufua.” Maweja-Nangila, Mvidi Mukulu muena bukole buonsu udi ujadika nanku.

Yeshaya 29:6

Maweja-Nangila muena bukole buonsu neakuambuluishe, ne makubakuba a mvula, ne bikumina, ne mvunde wa tshipupu, ne ndimi ya kapia idi ibutula bintu bionsu.

Yeshaya 65:6

Kadi, ndi mumanye bionsu bivuabu benza. Tshiakupuwa kabidi to. Tshiakuikisha, amu meme mumane kubanyoka.

Yeshaya 65:7

Meme Maweja-Nangila ndi ngamba ne: ndi ntangila malu mabi avuabu benze, ne avua bankambua babu benze kabidi. Bobu aba bavua boshila mvidie yabu ya dishima manananshi pa mikuna minene. Bavua bankeba tshiji pa mikuna mikese. Nenku, nembanyoke amu kubanyoka, bilondeshile malu abu mabi onsu avuabu benze kale.

Yeshaya 66:6

Telejayi amu mutoyi udi mu tshimenga, mutoyi udi mu nzubu wa Mvidi Mukulu. Ke Maweja-Nangila udi unyoka baluishi bende, bua malu abu mabi.