Yeshaya 26:19 - MUKANDA WA MYIDI MUKULU

¹⁹ Tshisamba tshianyi, bafue bebe nebabike ku lufu, — nenku bitalu bia bantu banyi nebipete muoyi. — Badi balale mu buloba, nebajuuke, beela tunkunduluila. Bualu Maweja-Nangila, neakutumine lumuma ludi lupetesha muoyi. Nanku buloba nebupatule ne muoyi bafue bavua amu bu mundidimbi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bafue bebe nebikale ne muoyo; mibidi yabo mifue neyibike. Tabalai ne imbai bienu, nuenu badi balala mu dinfuenkenya! Bua mume webe udi bu mume wa munya, buloba nebuluhule bafue badimu.

Yeshaya 26:19 交叉引用

Danyele 12:2

Bantu ba bungi badi mu kandondu nebabike ku lufu, bamue bua kuikalabu ne muoyi wa tshiendelele, bakuabu bua kuikala ne bundu, bashala ne bowa tshiendelele.

Efeze 5:14

Bualu bidibu basokolola patoke, bidi bienza butoke. Ke mudibu bamba ne: “Wewe udi mulale, tabala, juka ku bafue. Kristu neakuludike mu butoke buende.

Matayi 27:52

nkita kubuluka. Bantu bafue ba bungi bavua bitaba Mvidi Mukulu, kubikabu.

Osheya 13:14

Nanku, meme Maweja-Nangila, nempandishe bena Izrayele ku lufu anyi? Nembumushe muaba wa bafue anyi? Lufu, bukole buebe budi penyi? Lufu, leja bukole buudi ushipangana nabu. Meme tshiakubafuila luse to.

Osheya 6:2

Papita matuku abidi nansha asatu, neatufululule. Netuende ne muoyi kumpala kuende.

Misambu 71:20

Udi mummueneshe mabika ne mala. Kadi neumfululule, ungepule ku lukita.

Yeshaya 25:8

Maweja-Nangila neajimije lufu kashidi. Maweja-Nangila, Mvidi Mukulu abakupule binsonji bionsu ku mesu abu. Mu ditunga dijima, neumushe kapeja kavuabu bapepeja naku bantu bende. Ke mudi Maweja-Nangila mulaye nanku. Bena Mowabe badi mu dikenga

Filipe 3:21

Yeye neakudimune mubidi wetu wa butekete, wa lufu, bua ufuanangane ne wende wa lumu, udiye nawu katshia wabiika ku lufu. Bualu udi ne bukenji bua kuteka bionsu ku bumfumu buende.

Zekâya 8:12

Nentume ditalala mu buloba: mionji ya nwinyo neikuame tumuma, buloba nebumene biakudia, mvula neyiloke ya bungi. Bantu banyi badi bashale ne muoyi, nembapeteshe bintu ebi bionsu.

1 Korente 15:20

Kadi Kristu mmubike ku lufu bulelela. Ke patudi mua kujadika ne: bafue bakuabu kabidi nebabike ku lufu.

Osheya 14:5

— Maweja-Nangila udi wamba ne: Meme nendongolole bena Izrayele, bua bangitabe tshiakabidi. Ki mbikole bua meme kubaleja dinanga dianyi to. Nkadi mumane kubafuila luse, tshiena nabu kabidi ne tshiji.

Filipe 3:10

Tshindi njinga tshidi anu bua kumanya Kristu, kumvua bukole bua dibiika diende, kudisanga nende mu makenga, kudienza mufuanangane nende mu lufu,

Misambu 22:15

Bukole buanyi budi bupueka, bu mudi mayi atangalaka. Mifuba idi itukakana, muoyi wanyi wenguluka munda bu manyi.

Dielulula 33:28

“Bena Izrayele badi basomba talala. Ndelanganyi ya Yakobe mmisombe bimpe, mu ditunga didi ne ntete ya kuenza bukula, kabidi ne mitshi ya maluvu a mvinyo. Bualu badi bapeta tshitalela tshifuma mu diulu.

Bienzedi 24:15

Ndi mutekemene kudi Mvidi Mukulu, amu mudibu bobu mene batekemene ne: bantu bimpe ne babi nebabiike ku bafue.

Yeshaya 51:17

Wewe Yerushalayime, kankamana. Kankamana, juka panshi. Maweja-Nangila uvua mukupeshe dikopu diuwule tente ne tshiji tshiende. Wewe kudinua kumana! Tshinyingunyingu kukuenza!

Dielulula 33:13

Moshe kuela ndelanganyi ya Yozefe lupemba, wamba ne: “Maweja-Nangila mmuele ditunga dia Yozefe lupemba. Buloba buabu budi bupeta tshitalela tshia mu diulu, bupeta kabidi mayi adi afuma muinshi mua buloba.

Dielulula 32:2

Bindi ndongesha bitampakane miaba yonsu, bu mudi mvula usankisha madimi. Mibelu yanyi imuangalake, mudi lumuma lutangalaka ku bisosa.

Matayi 27:58

Kuyaye kua Pilate bua kulomba tshitalu tshia Yezu. Nanku Pilate kuanyisha bua batshipeshe Yozefe.

Misambu 110:3

Bantu badi bamanye mvita bikole badi baya nebe bua kukufila, dituku diudi usangisha bena mvita bebe. Bansongalume bebe badi bavue kuudi pa mikuna ya tshijila, bu mudi dima dipatuka pa kubundubundu.

Yobe 29:19

Ndi bu mutshi udi muele miji mu mayi, tshitalela tshia butuku tshidi tshipuekela pa matamba awu.

1 Samuele 2:6

Maweja-Nangila udi ushipa, ufululula kabidi. Udi ufikisha muntu muaba wa bafue, anyi umumushamu.

Misambu 22:29

Bualu Maweja-Nangila udi mukalenga wa bantu, udi ku mutu kua bukua bisamba!

Yeshaya 18:4

Bualu Maweja-Nangila uvua mungambile ne: “Ndi nsomba muaba wanyi wa tshijila ntangila bionsu bidi bienzeka. Ndi nshala amu talalaa, tshiyi nyungakana, amu bu luya ludi luimane diba dia munya mukole, nansha bu mavuba a mabungi, mu tshikondu tshia dinowa.”

Yobe 14:8

Nansha miji mimana kukulakajila mu buloba, kabidi nansha tshikuku tshiawu tshimana kubolela panshi.

Misambu 88:11

Udi mua kuenzela bafue bualu bua kukema anyi? Bafue badi mua kujuka ku bafue bua kukutumbisha anyi?