Yeshaya 24:18 - MUKANDA WA MYIDI MUKULU

¹⁸ Muntu yonsu wanyema, bua mbila idi mukuatshisha bowa, neapone mu dijimba. Kadi pikalaye mupatuke mu dijimba, buteyi nebumukuate. Mvula wa bungi nealoke mulu. Buloba nebuzakale ne kuinshi kuabu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Wanyema ku diyoyo didi dimukuatshisha buowa neahone mu dijimba; ne waluhuka munda mua dijimba neakuatshibue mu buteyi; bualu bua bibi bia mu diulu bidi kunzulula, ne bishimikidi bia buloba bidi bizakala.

Yeshaya 24:18 交叉引用

Misambu 18:7

Dikenga kumpita, meme kubikila Maweja-Nangila, mmuela mbila bua angambuluishe. Maweja-Nangila mu nzubu kumvua diyi dianyi, muadi wanyi kufika kudiye.

Genese 7:11

Matuku dikumi ne muanda mutekete a ngondu muibidi, Nowa mumane kukumbaja bidimu nkama isambombu, mayi onsu avua muinshi mua buloba kupatukawu ne bukole miaba mishilangane, bibi bionsu bia mulu ku-nzulukabi.

Amosa 5:19

Nebikale bu muntu udi unyema nyama wa ntambue, usangila ne nyama mukuabu wa lonji lukole. Udi ubuela mu nzubu, weyamina ku tshimana ne tshianza, ke nyoka kumusuma!

Misambu 18:15

Kuasaye miketa, utangalaja baluishi banyi, kupenyaye bu muela wa mvula, ubapapula.

Yobe 20:24

Nansha yeye mua kunyema muele wa mvita wa muluishi, lusongu lua tshiamu tshikunze nelumutubule.

2 Bakalenga 7:2

Kadi muntu uvua wenda ne mukalenga, kubenga, wamba ne: — Nansha Maweja-Nangila mutunzuluile biibi biamu diulu bua kututumina ntete, bualu buudi wamba abu budi mua kuenzeka anyi? Muambi Elisha kuandamuna ne: — Eyowa, wewe neumone bualu ebu. Kadi kuakudi a bintu ebi to.

Genese 19:24

Diba adi Maweja-Nangila kulokesha mu Sodome ne Ngomore mvula wa kapia kakole ka mfundanga, kela ndimi.

Muambi 9:12

Bualu muntu kena mumanye diba didi dikenga dimukuata to. Udi umona dikenga dimukuata mu mpukapuka, amu mudi mushipa upia ku bukondu nansha nyunyi uditua mu nsumba.

Yeshaya 2:19

Bantu nebabuele mu mbuebue, nebabuele muinshi mua buloba. Nebatshine tshiji tshia Maweja-Nangila, tshidi tshibakuata bowa. Nealeje bunene buende, ne butumbi. Neazakeje buloba bikole.

Yeshaya 2:21

Nebabuele mu mbuebue ne mu makela ayi; nebanyeme tshiji tshia Maweja-Nangila tshidi tshibakuata bowa. Nebasokome padi Maweja-Nangila ubaleja bukole buende ne butumbi, uzakakaja buloba.

Yeshaya 8:14

Meme ndi muaba udi bantu mua kunyemena. Kadi ndi kabidi dibue, dia kukuma dikasa kudishinda. Ndi dibue didi dishinda makalenga onsu abidi, bua bena Izrayele ne bua bena Yuda. Ndi buteyi budi bukuata bena mu Yerushalayime.

Yeshaya 13:13

Diulu nedizakale, buloba nebunyungakane, dituku didi Maweja-Nangila muena bukole buonsu, uleja tshiji tshiende.

Yeshaya 42:22

Kadi mona bantu bende, bavua babanyenge bintu, babapawule bikuabu. Bena diende bonsu bakadi bena lukanu. Bavua bahele mu nzubu wa lukanu, babatangile bu bintu binyenga mu mvita. Bavua baye nabu ku bukole, kakuyi wa kutua nkanana, kakuyi uvua mua kubulula mukana ne: “Nubapingaje kutudi.”

Yirmeya 48:43

Maweja-Nangila udi wamba ne: “Bowa, dijimba ne bukondu bidi bimuindile!

Yirmeya 48:44

Muntu udi unyema mvita, bua bowa, neadishinde mu dijimba. Udi upatuka mu dijimba, nebamukuate mu bukondu. Ke dikenga dindi mulongoluele ditunga dia Mowabe, pangafika bua kudinyoka.

Muadi 3:47

Tshidi tshituindila tuetu: ke bowa ne dijimba, tshinyangu ne dibutuka.

Yezekiyele 11:8

Nudi nutshina mvita! Nanku meme Maweja-Nangila Mvidi Mukulu ndi nnujadikila ne: nennutumine mvita!

Yezekiyele 12:13

Kadi meme Maweja-Nangila ndi mmuteya bua bamukuate. Nemmutume mu ditunga dia bena Babilone, didiye kayi mua kumona. Kadi neafuilemu.

Yezekiyele 15:7

Nembakengeshe. Bavua bela meji ne: tukadi bamane kupanduka ku kamue kapia. Kadi kapia kakuabu nekababutule. Nanku nenumanye ne: meme ndi Maweja-Nangila, bualu nembanyoke.

Misambu 18:8

Ke buloba kuzakala, kunyungakana, bitaku bia mikuna kutenkakana, kunyukakana, bualu bua tshiji tshia Maweja-Nangila.

Amosa 5:18

Bantu badi batekemena dituku dia Maweja-Nangila, didiye ne bua kudileja patoke, mbena diakabi. Dituku adi nedinulengelele ku tshinyi? — Nekuikale amu midima, butoke kabuyi bumueneka!