Yeshaya 24:11 - MUKANDA WA MYIDI MUKULU

¹¹ Bantu badi badidila mu misesu, bualu kabatshiena ne mvinyo. Disanka dionsu ndijike, tuseku ntujimine mu ditunga.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Muadi udi mu misesu bualu bua nvinyo kenaku; disanka dionso diakuandamuka midima, tuseku tua ba ha buloba tuakuhuwa.

Yeshaya 24:11 交叉引用

Osheya 7:14

Bena Efrayime kabena bankeba ne muoyi mujima to. Padibu balala, badi badila muadi. Badi baditapa mputa pambidi bua kupeta ntete ya kuenza bukula mu madimi abu, nansha bua kupola tumuma tuvule tua mvinyo. Kadi badi amu bantombokela.

Luke 16:25

Kadi Abrahame kumuandamuna ne: “Muananyi, vuluka ne: uvua mupete biuma bia bungi, pautshivua ne muoyi panu. Diba adi Lazare uvua ne makenga mavule. Mpindiewu badi bamusamba munemu, kadi wewe udi mu dikenga.

Yowele 1:15

Eyi, dituku didi dikuatshisha bowa, dituku didi Maweja-Nangila ufika munda, dikadi pabuipi. Didi difika pamue ne kabutu kavua Mvidi Mukulu wa bukole buonsu mumane kujadika.

Yirmeya 48:33

Mu madimi a mvinyo a bena Mowabe, kamuena kabidi disanka, kamuena kabidi musangelu. Kamuena maluvu a mvinyo adi mashale mu milondu. Kamuena kabidi bantu badi mua kukama tumuma tua mvinyo. Bantu kabena bumvua kabidi mbila yabu ya disanka, kadi amu dikenga.

Yeshaya 32:13

Dilayi bua buloba bua bantu banyi, budi bunyanga kudi meba ne tshisuku. Dilayi, bualu disanka ndimane kumuka mu nzubu yenu yonsu. Musangelu kawena kabidi mu tshimenga to.

Yeshaya 16:10

Kanutshiena ne disanka, bua mitshi yenu ya bimuma to. Kanutshiena nusanka, nutshionkomoka bua madimi enu a mvinyo to. Bualu mu mabungu a maluvu mmushale mutupu, bakami ba tumuma bonsu mbumuke, misambu ya bakami ba maluvu mmikoseke.

Yeshaya 9:19

Badi bangata bintu ku dia balume, nzala yabu kayiyi ijika. Badi bangata binga ku dia bakaji, kabayi bukuta. Muntu yonsu udi ubutula mukuende.

Yeshaya 8:22

nebatangile panshi, kadi nebamone amu dibungama, midima ne makenga. Nebabuele mu midima idi yenza bowa.

Nsumuinu 31:6

Kadi maluvu ikale nangananga a bantu badibu baya nabu ku lufu, nansha a badi mu dikenga dikole.

Misambu 144:14

Ngombe yetu itante! Mvita, tshimuangi ne mbila mikole mu misesu, biyile kule!

Yirmeya 14:2

Bena Yuda bonsu badi babungama, bimenga biabu bidi binyanguke. Badi mu bimenga badi basomba panshi kabayi ne disanka. Yerushalayime udi udila muadi, ulomba bua bamuambuluishe.

Yirmeya 46:12

Bantu ba mu matunga makuabu mbumvue lumu lua makenga avuabu bakukengesha nawu. Miaba yonsu bavua bumvua miadi yebe! Tshilobu tshidi tshituuta kudi tshikuabu. Bonsu babidi badi batetuka, badishinda panshi.

Yowele 1:12

Mionji ya nwinyo mmiume, mitshi ya mfiku mmifube. Mitshi yonsu ya bimuma mmishawuke. Disanka dionsu ndijike munkatshi mua bantu.

Yeshaya 32:10

Papita tshidimu ne matuku, nuenu, bana ba bakaji badi benda kabayi ne lutatu, nenupampakane. Bualu kabakupola kabidi tumuma tua mvinyo to, kabakunowa kabidi bintu mu madimi enu to.