Yeshaya 22:23 - MUKANDA WA MYIDI MUKULU

²³ Nemmushindike muaba mukole, bu mudibu basa mulonda. Bana babu bonsu nebapete lumu kudiye.”

Mukanda wa Nzambi Dihungila Dikulukulu ne Dihungila Dihia-dihia 2003

²³ Nemmujadike bu mudibo basa tshikudika mu muaba mushindame, ne yeye neikale bu nkuasa wa butumbi kudi ba mu nsubu wa tatuʼandi.

Yeshaya 22:23 交叉引用

Yobe 36:7

Udi ulama badi bamulamate. Bakalenga badi mu nkuasa wa bumfumu, Mvidi Mukulu ke udi mubatekemu, bua bukalenga buabu bunenge. Kadi badi baditambisha.

Ezela 9:8

Kadi Maweja-Nangila Mvidi Mukulu wetu, matuku makese aa, udi mutuleje muudi mutunange. Uvua muanyishe bua bana betu bavua bashale ne muoyi, bapingane mu buloba buebe bua tshijila. Nanku, bua luse luebe, Mvidi Mukulu wetu, mesu etu adi aleja tshiakabidi disanka. Tudi Nsanguluka kakese mu dikenga ditudi nadi.

Zekâya 10:4

Bamfumu ba mishindu yonsu, nebafume mu tshisamba etshi, nebikale ne bukole, bu dibue dia mu ditumba, bashindame bu milonda idibu bashindika nayi ntenta mu buloba, bakole bu buta bua mvita.

1 Samuele 2:8

Udi ujula mupela uvua mudishinde panshi. Umushe ku diala muena dikenga udibu bimansha, bua kumusombesha miaba ya lumu, pamue ne bantu banene. Buloba bujima budi bua Maweja-Nangila. Yeye ke udi mubuimanyike pa makunji abu.

Didimanyisha 3:21

Badi batshimuna, nenganyishe bua basombe pabuipi nanyi mu nkuasa wanyi wa butumbi, bu mumvua meme mutshimune, nsomba pabuipi ne Tatu wanyi mu nkuasa wende wa butumbi.

Muambi 12:11

Bualu miaku ya bantu ba meji idi bu misongolu idi balami baludika nayi mikoku, idi bu ndami idi isuikakaja malu adi muntu mumanye. Miaku eyi mmifume kudi Mvidi Mukulu. Yeye udi mulami umuepele buetu bonsu.

Estere 10:3

Nenku Mordekayi muena Yuda, kushala muntu wa butumbi mu bukalenga, ulonda Ahashaveroshe ku bumfumu. Bana babu bonsu bena Yuda bavua bamunange ne bamunemeke bikole. Uvua ubenzela mudimu bua diakalenga diabu, ubakuila bua kubapesha ditalala.

Estere 4:14

Nanku paudi ubenga kutuakuila mu tshikondu tshikole etshi, bena Yuda nebapete diambuluisha ku nseke mikuabu, nebapande. Kadi wewe ne bena diku diebe, nenubutuke. Umanye kabidi ne: bumue mbua bualu ebu, ke buudi mua kuikala mupete muanzu wa mukalenga mukaji.”

Yeshaya 22:24

Kadi ndelanganyi ya mu diku diende yonsu, bakulu ne bana, nebatekemene amu kudiye, amu bu mudibu bakudika bintu bia mu tshikuku, ngesu ne makopu, ku mulonda umue. Bionsu ebi mbujitu kaayi!

Yeshaya 22:25

Maweja-Nangila muena bukole buonsu udi wamba ne: “Dimue dituku, mulonda, nansha bobu bawase muaba mukole, neutuke, neupone panshi. Bionsu bivua bikudikaku nebitshi-bukangane.” Maweja-Nangila Mvidi Mukulu wa bena Izrayele udi ujadika nanku.