Yeshaya 2:17 - MUKANDA WA MYIDI MUKULU

¹⁷ Muntu muena ditambisha neinyike mpala panshi, muena kapeja neadie buloba. Dituku adi, nebamanye ne: amu Maweja-Nangila nkayende udi ne bukole.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Diambu dia bantu nedihuekeshibue, kudisua kua bantu nekukeheshibue; anu Yehowa nkayandi neatumbishibue mu dituku adi.

Yeshaya 2:17 交叉引用

Yeshaya 13:11

Maweja-Nangila udi wamba ne: “Ndi musue kumana bubi bua bantu, kujikija ditambisha dia bena lutambishi, kunyoka bena tshibawu, kukepesha didisua dia bena tshikisu.

Yeshaya 2:11

Muena ditambisha neiname panshi. Muena kapeja, nebamupuekeshe. Dituku diadia nebamanye ne: amu Maweja-Nangila nkayende udi ne bukole.

Misambu 20:8

Bamue badi batekemena ku matempu abu a mvita, bakuabu ku nyama yabu ya tubalu, kadi tuetu, Maweja-Nangila Mvidi Mukulu, ke bukole buetu!

Misambu 46:10

Udi ujikija mvita pa buloba bujima, utshibula buta, ukosa difuma, osha ngabu mu kapia.

Yeshaya 2:16

Neine matu manene onsu mu mayi, kabidi ne majuwa, nansha wowu malenga bishi.

Yeshaya 2:18

Mvidie yonsu ya dishima neijimine.

Yeshaya 5:16

Maweja-Nangila muena bukole buonsu nealeje bukole buende. Nealongolole bionsu amu bimpe. Mvidi Mukulu wa tshijila nealeje tshijila tshiende, padiye ukosa nsambu pa yoyi.

Yeshaya 30:18

Kadi Maweja-Nangila udi windila, utekemena matuku onsu, diba didiye mua kunufuila luse. Udi ukeba mudiye mua kunuambuluisha. Bualu Maweja-Nangila udi Mvidi Mukulu, udi wenza bionsu amu bimpe. Bonsu badi batekemena kudi Mvidi Mukulu, mbena diakalenga.

Misambu 46:11

Udi wamba ne: “Lekelayi mvita! Numanye ne: Meme ke Mvidi Mukulu: Ndi ku mutu kua bisamba ne kua buloba bujima!”