Yeshaya 19:21 - MUKANDA WA MYIDI MUKULU

²¹ Nenku Maweja-Nangila neadimanyishe kudi bena Ejipitu. Bobu kabidi nebamumanye, bamutendelele ne milambu ya kuosha, ne milambu ya bia pa madimi. Nebaditshipe kudiye, nebashale balama mitshipu yabu.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Yehowa nendimanyishe kudi ba mu Ejipitu, ne Bena Ejipitu nebamanye Yehowa mu ditukuadi. Mmuomu, nebamutendelele ne milambu ya kumuoshela ne milambu ya bia kudia biabo, nebaditshihe mutshihu kudi Yehowa, nebenze bu mudibo baditshiha.

Yeshaya 19:21 交叉引用

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

Yeshaya 11:9

Kabakuenzelangana kabidi bibi, nansha kunyangilangana bintu pa mukuna mujima wa tshijila wa Maweja-Nangila. Ditunga dijima nediuwule ne dimanya dia Maweja-Nangila, amu bu mudi mayi uwuja mayi manene.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

Sefanya 3:10

Bantu banyi bamvua mutangalaje, nebafume muaba mule, nansha dishiya dia misulu ya bena Kushe. Nebantuadile milambu yabu.”

Abakuke 2:14

Tshikondu netshifike tshidi bantu mu buloba bujima, bamanye amu kumanya munda muabu muonsu, butumbi bua Maweja-Nangila, amu mudi mayi muwule mu mayi manene tente.

Yona 1:16

Biitshi ba buatu bamone nanku, kutshinabu Maweja-Nangila bikole. Kumulambulabu nyama. Kumulayabu mua kumuenzela mudimu.

Yeshaya 56:7

nembabikidishe bua babande pa mukuna wanyi wa tshijila. Nembasankishe ne disanka dinene, mu nzubu wanyi wa kutendelela. Nenganyishe ne muoyi muimpe milambu mishilangane ikalabu bandambula pa tshilambuilu. Bualu nzubu wanyi, nebamuinyike ne: Muaba udi bantu ba mu matunga onsu batendelela.”

Yeshaya 55:5

Ne wewe kabidi Izrayele, neubikile bantu benyi, baudi kuyi muanji kumanya. Bantu aba, badi kabayi banji kukumanya, nebafike kuudi. Nebafike kuudi amu bualu buanyi meme, Maweja-Nangila Mvidi Mukulu webe, wa tshijila wa Izrayele. Bualu meme ndi nkupesha lumu elu.”

Yeshaya 44:5

Diba adi, muntu neambe ne: ‘Ndi muntu wa Maweja-Nangila.’ Mukuabu neajinge, bua bamuinyike dina dia Yakobe. Munga neafunde pa tshianza tshiende ne: ‘Ntshia Maweja-Nangila.’ Neasanke bua kubuela mu tshisumbu tshia bena Izrayele.”

Yeshaya 37:20

Kadi wewe, Maweja-Nangila Mvidi Mukulu wetu, utusungidile mpindiewu mu bianza bia Senakeribe. Nankumu makalenga onsu a pa buloba, nebamanye ne: amu wewe Maweja-Nangila nkayebe ke udi Mvidi Mukulu.”

Muambi 5:4

Mbimpe kubenga kulaya, pa mutu pa kulaya, kuyi ukumbajilamu tshiudi ulaya.

Misambu 67:2

Mvidi Mukulu wetu, utuleje muudi utunanga, utuele lupemba, ututangile ne luse.

1 Bakalenga 8:43

wewe Maweja-Nangila, mu diulu muudi usomba, wikale muteleje. Umupeshe tshintu tshidiye ukulomba. Nanku, bantu ba bisamba bionsu bia pa buloba nebakumanye, nebalonge mua kukunemeka, bu mudi bantu bebe bena Izrayele bakunemeka. Kabidi nebajadike ne: nzubu ewu undi muibake, nguebe wewe bulelela.

1 Samuele 17:46

Lelu ewu, Maweja-Nangila neakufile mu bianza bianyi. Nenkushipe, nkukosa mutu. Lelu ewu, nendishe nyunyi ne nyama ya mu tshisuku bitalu bia bena Peleshete. Nanku bisamba bionsu nebijadike ne: bena Izrayele badi ne Mvidi Mukulu.

Misambu 61:8

Ashale mu bukalenga kashidi, akuvuluke. Mvidi Mukulu wanyi, bu muudi umunanga, ukumbaje biuvua mulaye, umulame, akole bobobo.

Misambu 68:31

Kanyina bena Ejipitu, nyama ya mu mayi eyi. Tandisha bakalenga ba matunga, balume ba ngombe aba. Bakuambule nkanu yabu ya tshiamu tshitoke tshia mushinga mukole. Tangalaja bisamba bidi binanga mvita.

Yeshaya 11:11

Dituku adi Maweja-Nangila neenze tshiakabidi muende muonsu, bua kupikula bantu bende. Neapingaje kuabu bavua bashale ne muoyi mu ditunga dia Ashure ne dia Ejipitu, mu ditunga dia Patrose ne dia Kushe, mu Elame ne mu Babilone, mu Amate wa bena Arame, ne mu matunga a ku muelelu wa mayi manene.

Yeshaya 27:13

Dituku adi, muadi munene wa mpungi neumvuike. Nenku bonsu bavua bajimine mu bena Ashure, nansha bavua batangalaka mu Ejipitu, nebafike. Nebatue binu kumpala kua Maweja-Nangila, pa mukuna wa tshijila, udi mu Yerushalayime.

Yeshaya 45:14

Izrayele, Maweja-Nangila udi ukuambila ne: tshionsu tshidi bena Ejipitu bapeta ku mudimu wabu, makasa adi bena Kushe, nansha bantu bale ba kafiondu ba mu Seba bapeta, bionsu ebi nebipitshile muebe, nebikale bintu biebe. Bantu aba nebakulonde, bamane kubasuika ne nkanu. Nebadiele panshi kumpala kuebe, bakutondela ne: “Mvidi Mukulu udi amu kuebe. Kena munga muaba to.”

Yeshaya 49:7

Maweja-Nangila, wa tshijila wa bena Izrayele, udi mudiangatshile mu bianza tshilumbu tshia tshisamba tshiende. Mpindiewu, wewe udibu bapepeja, udibu badiombola, udi mupika wa bakalenga ba tshikisu, Maweja-Nangila udi ukuambila ne: “Pamona bakalenga muudi mupatuke mu bupika, nebajuke mu nkuasa yabu. Balombodi ba matunga pamonabu, nebadiele panshi bua kukunemekela.” Nebaleje mudibu banemeka Maweja-Nangila, wa tshijila wa Izrayele. Bualu yeye uvua mukusungule, udi ukumbaja kabidi bivuaye mulaye.

Yeshaya 60:7

Nyama ya bena Kedare, neisangile kumpala kuebe. Mikoku ya bimpanga ya bena Nebayote neikale yebe. Nebaye nayi pa tshilambuilu tshia Maweja-Nangila. Neikale milambu idi ilengelela Maweja-Nangila. Mvidi Mukulu neavudije lumu lua nzubu wende bikole.

Yeshaya 66:23

Maweja-Nangila udi wamba ne: Nenku ku ngondu ku ngondu, dituku dia Dikisha dionsu, bantu ba pa buloba bujima nebafike bua kuntendelela.

Misambu 68:32

Bamienampala ba mukalenga wa bena Ejipitu nebafike. Bena Kushe nebatendelele Mvidi Mukulu, bamutuadile milambu yabu.