Yeshaya 19:16 - MUKANDA WA MYIDI MUKULU

¹⁶ Dituku dikuabu, bena Ejipitu nebazakale bu tukajikaji. Nebikale ne bowa, padibu bamona Maweja-Nangila wa bukole buonsu, olola tshianza bua kubanyoka.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Mu dituku adi Bena Ejipitu nebikale bu bakashi. Nebazakale ne nebatshine bua kukuha kua tshianza tshia Yehowa wa misumba tshidiye ukuha ha mutu habo.

Yeshaya 19:16 交叉引用

Nahume 3:13

Bena mvita bebe badi amu bu bakaji. Biibi bikole bia bimenga bia mu ditunga diebe, bidi bidiunzulukila, baluishi babuela. Kapia kadi kosha mabaya adibu bapayike ku biibi.

Yirmeya 51:30

Bilobu bia mvita bia mu Babilone bikadi bilekela kuluangana mvita. Bikadi bisokoma mu nzubu yabi. Kabitshiena ne bukitu, bikadi bu bakaji. Baluishi mbamane kuupula biibi bia tshimenga, mbamane kuela kapia ku nzubu yatshi.

Yirmeya 50:37

Bashipe nyama yabu ya tubalu, ne matempu abu a mvita. Bashipe bena mvita ba mu bisamba bikuabu bavua baluila bena Babilone mvita. Luzakalu ndubakuate! Bakaji nyangayi biuma biabu! Bipawulayi!

Yeshaya 11:15

Maweja-Nangila neakamishe musapa wa mayi manene a Ejipitu. Yeye neakanyine ne tshianza tshiende musulu wa Perate. Ku bukole bua Mueyelu wende, neaukosolole tusulu muanda mutekete, tudibu mua kusabuka ku makasa.

Zekâya 2:9

Nenku, Maweja-Nangila udi wamba ne: “Meme mene nengikale mu tshimenga etshi, bu tshimana tshia kapia tshidi tshitshinyungulukila. Nensombemu ne butumbi buanyi buonsu.”

Yeshaya 10:32

Dituku dimue adi bena Ashure badi bakuata tshimenga tshia Nobe. Badi bakanyina bena mu Siyone, mukuna wa Yerushalayime.

Ebrewu 10:31

Kupona mu bianza bia Mvidi Mukulu wa muoyi, mbualu budi bukuatshisha bowa!

Yeshaya 30:17

Padi muluishi umue ukana bena mvita benu tshinunu, nebanyeme. Kadi padi batanu bakana, nenunyeme lubilu buonsu buenu. Tshiluilu tshienu tshionsu netshijimine. Netshishiye amu mutshi wa dibendele, muasa ku lusongu lua mukuna.

Misambu 48:6

Bamona amu mukuna, kupapukabu! Bowa kubakuata, kunyemabu.

1 Korente 2:3

Ke pamvua mudileje kunudi ne butekete, nzakala ne buowa.

2 Korente 5:11

Tudi bamanye mutudi ne bua kutshina Mfumu. Ke patudi tukeba kufikisha bantu ku ditaba. Mvidi Mukulu mmutumanye muetu muonsu mutudi. Ndi ntekemena kabidi ne: nuenu munda muenu nudi bammanye kabidi muanyi muonsu mundi.

Yeshaya 13:2

Maweja-Nangila udi wamba ne: “Asayi dibendele pa mukuna, padi kapayi mitshi. Elayi kabobu ka mvita. Bikilayi bena mvita ne tshianza, bua babuelele ku biibi bia bantu badi badifila ku budisuile buabu.

Ekesode 11:6

Mu ditunga dia Ejipitu nemuikale madilu adibu kabayi banji kudila musangu mukuabu ne adibu kabayi mua kudila kabidi to.

Obadya 1:9

Wewe tshimenga tshia Temane, bilobu biebe bia myita nebikuatshike bowa. Bena myita ba mu ditunga diebe, nebabashipe bonsu.

Zekâya 2:13

Eyo, nenduishe bisamba ebi: nebabipawule kudi bantu bavuabi bikuate ku bupika.” Padi malu aa enzeka, nenumanye ne: Maweja-Nangila wa bukole buonsu ke uvua muntume.

Zekâya 10:11

Nebasabuke mayi manene adi ne njiwu. Meme Maweja-Nangila nentekeshe mavuala, nenkamishe musulu wa Nile. Ditunga dia bena Ashure didi diditambisha, nedifue bundu, ditunga dia Ejipitu kadiakuikala ne bukole.